البـارت #الـواحـد_والعـشرون
.
.
.
رواية #حكايتي🍁
.
.
.
احمد قعمز جنب حذيفة وتنهد..اااااه 💔
حذيفة..💔
مهند..هي يما نوضي هي بوي نروحو
امه..علاش
مهند..يام الدكتور قال مش حتنوض لغدوا يعني شن فايدة قعادنا اهني!!! هي نروحو وصبح نجو هيا سوسن☺
هاني خوه..ايه هي
ناضو حتى خالاتي وخالي ومرت خالي وطلعو مع بعض✋🏻
.
.
حذيفة..ماقدرتش نحافظ عليها
احمد شافله
حذيفة..كانت قدامي وهما شاديني ماقدرتش نحميها😔
احمد..معاد تقول هكي ياراجل هكي ربي كاتب يعني ماليكش علاقة انت والحمدلله ع كل شي
حذيفة تنهد تنهيدة طالعة من وسط قلبه..ااااااااااه ياااااااااارب💔
قعدو الليلة هديكا احمد وحذيفة بايتين في المستشفى ويهدرزو
جي الصبح
نزل احمد خدي فطور وركب عطي حذيفة
حذيفة..صحيت ماخاطريش بكل
احمد..خود ياراجل
حذيفة..والله ماعندي نية
احمد..تي خود بلا جو راك من امس ماكليت شي
حذيفة..خليها تو ناكل
حطله البريوشة جنبه وقعمز احمد ياكل وشرب معاها نسكافيه🥐☕
اما حذيفة واقف ويستنى في اي خبر لانة الدكتور خشلها
شوية وطلع دكتور
حذيفة..دكتور طمني
الدكتور..الحمدلله المريضة فاقت وتعدت مرحلة الخطر وخليتهم يجهزو فيها باش ينزلوها للغرفة متعها
حذيفة من الفرحة تغمر الدكتور واحمد يضحك وفرحان
الدكتور..ربي يحفظهالكم❤😌
طلع الدكتور ونزل اما احمد وحذيفة قعدو شوية وطلعوني اني كنت فايقة شوية ومزال مش فايقة زين وتعبانة غمضت عيوني ونزلوني وحطوني في حجرة بروحي واستلي الممرضة التغدية وكل شي وغطتني وطلعت
خش حذيفة واحمد ع طول
احمد..وخييتييي الحمدلله ع سلامتك
حذيفة..الف الحمدلله ع سلامتك نوني
اني شفتلهم وابتسمت وشفت لإيد حذيفة لقيتها مربوطة ودم ع حوايجه وع يده عقدت حواجبي واشرتله ع يده
حذيفة..مادوريش تو نروح ونبدل😂المهم انتِ نضتيلنا الحمدلله
اني ابتسمت
احمد..كيف حالك توا باهي
اني هزيت براسي بإيه وغمضت عيوني
حذيفة..مزال تاعبة شكلها
احمد..هكي الواضح خليها ترتاح
حذيفة..اسمع اني مدامني اطمنت عليها نروح ندوش ونبدل ونجي
احمد..رد بالك بس
حذيفة..اوك
طلع حذيفة نزل للمداواة داووله يده من جديد وطلع روح دوش وبدل وطلع طول للمستشفى🚶🏻🏥
.
.
.
.
.
اني..احممد
احمد..ياعيون احمد😍
اني..اااه ويين حذييفة
احمد..روح يبدل
اني..بباه
قعدت شوية وشفت حذيفة خاش وجايب معاه حجات ماركزتش فيهم وركزت فيه وابتسمتله
احمد..مدامك جيت اني خلي نروح نرتاح امبارح مارقدتش
حذيفة..اوك
جي احمد باس راسي وطلع
واني نشوف لحذيفة
حذيفة..حبيبي
اني..نعم
حذيفة..ستاحشتك هيا قويلي روحك باش نروحو لحوشنا
اني نزلو دموعي..نحبك
حذيفة قرب مني ومسحلي دموعي..اششش خلاص نموت فيك اني
اني..خاييفة
حذيفة..انت خايفة!!
اني..اييه
حذيفة..اممم منو الي امس تضرب بالمسدس بكل شجاعة
اني..خفت نخسرك وخفت نخسر نفسي💔
حذيفة..اششش خلاص ياروحي معاش تتفكري الحمدلله فات المووضوع المهم انت توا
اني..حبيبي
حذيفة..ياعيونه
اني..نحس في رجلي توجع
حذيفة..طبيعي ياعيوني لانة نضربتي حتى ع رجلك
اني نزلو دموعي..وجعها هلبا
حذيفة..لحظة بس انادي الدكتور
طلع حذيفة نادا الدكتور وجي شافها..لا عادي لانة البنج بدي يمشي
حذيفة..يعني مافيش اي شي؟
الدكتور..ايه توا الممرضة تعطيها المسكن ودواها توا وقته وترقد وترتاح
اني هزيت راسي بإيه بس نبي يخف الوجع وبس😣
عطوني الدواء والمسكن وقعد حذيفة يهدرز معاي شوية وارتحت ورقدت
قعد حذيفة جنبي يتفرج ع TV ويفكر في الي صارله
حذيفة..ايوا حاتم
حاتم..تي وين ياراجل مختفي مشيت لحوشك ع المرتين مالقيتكش
حذيفة..صارلي مووضوع
حاتم..شن في ان شاءالله خير وين انت اني جايك
حذيفة..في المستشفى تعالى الـ...
شوية وجي حاتم..شن في خوفتني
حذيفة خداه ونزلو لوطة للكافي وقعد يحكيله في كل شي صار
حاتم..ماتشك في حد انت!
حذيفة..لالا
حاتم..منو باه
حذيفة..مشعارف من امس نفكر ومش فاهم شي
.
.
خشت ممرضة وقعدت تشوف لقت حذيفة مهناش حطت الورقة الي قالولها عليها تحطها وطلعت طول قبل مايشوفها حد
كمل هدرزته حذيفة مع حاتم وطلع حاتم وركب حذيفة عندي وخشلي لفتت نظره ورقة محطوطة فوق بطني جي خداها وفتحها لقي مكتوب فيها
.
.
المرة هدي طلعت منها المرة الجاية مش حتطلع منها ومرتك ليا اني وبس وحناخدها يعني حناخدها بالقوة او برضاك بس ياريت برضاك لو ماطلقتش مرتك في هدي الايام حتكون ميتة يعني المختصر ياليا ياللموت وانت ودماغك عاد..(المجهول) "عرفتوووه😂💔😉"
.
.
قعد حذيفة يفكر هدا منو ومن الي باعتله التهديد هدا وشن يبي وشن يبي في مرته قعد يفكر ومش فاهم شي خايف ان مرته ياخدوها منه او يقتلوها قعد التفكير والخوف مسيطر عليه لين جو العيلة كلهم وقعدو يهدرزو واني ندور بعيوني ع حذيفة بس مالقيتاش استغربت عمره ماخلاني !!! شوية وروحو الكل واني قعدت بروحي والباب طق خفت اني وماتكلمتش زاد طق تاني فتح وطلع حذيفة ارتحت نوعا ما وخش وقعمز جنبي
اني..حبيبي وينك من بكري
حذيفة..قلت نخليك مع عيلتك شوية
اني شديت يده..معاش تخليني نخاف اني بدونك😣
حذيفة..خلاص حبيبي ماتخافيش اني معاك💔
وتمسك بيديا بقوة وكأنه بيضيع مني وكأنه خايف من شي بس بعدت هالافكار كلها من راسي ورقدت
حذيفة قعد يفكر ويفكر ومش عارف شن يدير خايف يطلقني ويصيرلي شي وخايف يخليني مرته ويصيرلي اكبر مما متخيل مصيبة جاته ومشعارف كيف يحلها💔يبي يحكيلي بس وضعي مايسمحش ان يحكيلي شي زي هدا
قعد فترة حذيفة غريب وتصرفاته غريبة ومش مفهومة طلعت من المستشفى وكانو حوش عمي بو حذيفة مدايريلي حفلة رجوعي بالسلامة كان حذيفة مضايق ومش فرحان هلبا ويشبح يمين يسار طول الوقت ركبت لدار حذيفة ورقدت فيها من تعب نضت مع العصر لقيت حذيفة ساجد ويدعي وشفت دمعته نزلت حسيت ان في شي مدرقه عليا اني حالي باهي واموري تمام ليش يبكي!!!
كمل وناض شبحلي لقاني نايضة..نضتي حبيبتي
اني..ايه ساعدني نبي الحمام
حذيفة..حاضر هي
نضت خشيت درت عليا المي وطلعت صليت وقعمزت جنبه كان شارد ومش منتبهلي حطيت راسي ع صدره..حبيبي قولي خيرك
حذيفة..شي
اني..واضح ان فيك شي احكيلي
حذيفة لف يديه عليا..ماتشغليش بالك ارتاحي انت بسس
اني..باه
حذيفة..اسمعي
اني..نعم
حذيفة..بنقولك سر وردي بالك تسئلي ع شي
اني..شنو
حذيفة..ماتسئليش بكل كيف وليش
اني..تي شنووو
حذيفة..بنسافرو
اني..كيف
حذيفة..ايه وتعرفي تقولي لحد ان احني حنسافرو والله نزعل منك ومعاد نكلمك
اني..كيف به وين وامتى
حذيفة..بنسافرو وين مش حنقول امتى ساعة 3 الليلة
اني..نعمممم مش موتية شي
حذيفة..وتيتلك كل شي ماتخافيش
اني..كم بنقعدو
حذيفة..مش معروف
اني..علاش باهي اني فيا حاجة؟
حذيفة تنهد..لا نوصلو غادي نقولك توا خليني نرتاح ياعيوني باش بعدين نقدر نقاوم
اني..وضعك مش عاجبني
حذيفة..ماتخافيش وردي بالك تطلعي خليك في حضني😌❤
اني..به
رقد حذيفة واني نفكر شن هدا وشن صاير وشن فيي ياربي ساعدني بسس شن الي قاعد يصير وبنسافرو كأننا هاربين💔
طق الباب وخشت ع طول البنوتة الصغيرة بنت بنت خالت حذيفة
رنيم..حويلة نونو افة تو نطلع
اني كان حذيفة مسكر عليا يديه تقول عليا بنهرب😂تحشمت البنت شافتنا هكي تو تمشي تشهدر بينا
اني..لالا خليك تعالي
جت وتتكلم بشوية وتضحك..حويلة خيره عمو حذيفة هكي مدايرلك
اني تكلمت بنفس نبرة صوتها..ماه راقد هو فوتيه توا خيرك شن في
رنيم..قالتلك خويلة سوسن تعالي اسربي دهوة
اني..قهوة
رنيم..دهوة
اني..قهووة
رنيم..تي هيا 😂
اني..به بري واني تو نلحقك
رنيم..به
اني..تعالي
رنيم..عم
اني..ماتقوليش شي من الي شفتيه باااهي عيب سر
رنيم..باه اصلا حتى ماما هكي نلقا فيها🙈🙊حييي دالتلي مانقولش
اني..😂😂به به بري
طلعت هيا واني نفك في يدين حذيفة من عليا وحطيتله بدالي مخدة😂وبدلت حوايجي ودرت شوية لمسات ودرت وشاحي وطلعت نمشي بشوية لانة بطني مزال توجع ورجلي نعكز عليها
جتني سوسن طول وساندتني وخشيت قعمزت بحداهم وقعدو يهدرزو خالاته وخالاتي ونساوين عمه والبنات كلهم موجودين
بدرية..يا نور وين حذيفة
اني..خليته راقد
بدرية..جوه صحابه
اني..اهو تو نركب انوضه
سوسن..لالا قعمزي شن تركبي تو نركبله اني اخف منك
ركبت سوسن جري لي حذيفة ولقاته راقد نوضاته
حذيفة قعد يشبح يمين يسار..وين نور وين نور
سوسن استغربت فيه..خييرك
حذيفة..نور وين
سوسن..تخافش نور معانا لوطة جو العيلة وقتلها تنزل
حذيفة ارتاح..باه
سوسن..انزل صحابك لوطة
حذيفة..باهي ابعتيلي نور
سوسن..نور مانزلت الا بعد ساعة في دروج بتركب من جديد ؟
حذيفة..افف باهي
سوسن..شن تبي تو نديرلك
حذيفة..حدديلي سوريتي هدي
سوسن..اوك
خش حذيفة يدوش وسوسن حددتله حوايجه وسرواله ووتتله ساعته وكريمته وحطتهم ع سرير وطلعت
طلع حذيفة لبس وتكم وهو نازل قال..احم احم
اني تلفتتله
بدرية..خش خش وليدي مافي حد براني بيسلمو عليك العيلة☺
حذيفة كان فايت وطالع
خالته..تي خش شن خايف من المدااام؟
حذيفة تلفت وخش ووقف وراي وحط يديه ع كتافي..وخيرها المداام ياخالتي😊😉
خالته لوت وجهها..لا شي سلامتك
سلم ع العيلة والبنات تخطاهم و هو طالع
حذيفة..حبيبي ترا تعالي شوية نبيك
اني جمدت تحشمت😳خيره هدا شن صارله ياربي
شبحت خالتي اديرلي بحواجبها نوضي نضت طول ومشيتله..خيرك يامهبول
حذيفة..خيرني شن درت مرتي وحلالي
اني..ههههه
حذيفة..ايه نحبك وديري بالك ع روحك باهي وماتنوضيش وماتقيمي شي فاهمة
اني..حاضر😘
باس ع راسي وطلع سكرت الباب وراه وخشيت خدودي منحمرات قعمزت وقعدو يهدرزو ولاحظت خالته وبنتها يشبحولي قريب ينقزو عليا جت سوسن جنبي
سوسن..ماتعدليش عليهم البنت هدي كانت تبيه
اني..قولي هكي من الاول🤔
قعدنا معاهم وكل مرة نشوف في ساعة ناضت عميمة بدرية ادير في العشي هيا وخالت حذيفة ويهدرزو وقعدت خالته هديكا مقعمزة وتشوفلي مرة مرة
خالتي ايمان..هي يابنيتي احني خلاص لازم نروحو
اني..خيركم اقعدو العشي ع نار
خالاتي..لا خلاص هوا هداكا مرة تانية يابنيتي
سوسن..العشي ع النار غير اقعدو
ايمان..والله مانقدر جاية بي سيارتي وصغار في الحوش خلاص مغرب هوا هداكا
سوسن..عاودوها عاااد
اني وقفت سلمت عليهم والمرة هدي نسلم عليهم ونتغمر فيهم وشادة بكيتي مش قادرة نحكي شي غير ان نتغمرهم ونشم عليهم ريحة امي الي معاش بنشمها مش معروف لأمتى💔
روحو خالاتي
نورا..هي تصبحي على خير حبيبتي
اني..قدامك كل خير
نورا..ربي يحفظك يارب ويبعد عليكم كل شرر🙏
اني..امين يااااارب
طلعت هيا وسلمت ع خالي وطلعو روحو وكان حذيفة جاي
حذيفة..باش قتلك ماتتحركيش
اني..عييت ممن تقعميز
حذيفة..باه هي نخشو
اني..مش حنمشو حوشنا
حذيفة..توا بنديرو روحنا بنمشو لحوشنا بيرفعنا حاتم بس مش ماشيين غادي بنمشو للمطار😘خلي يرقدو بس
.
.
.
تعالو نشوفو الي صار
حذيفة..ياحاتم الموضوع كبير
حاتم..ماتخافش منهم ناس وهمية هدم
حذيفة..وكان صار شي؟
حاتم..مش حيصير شي صدقني ياصاحبي ماترخيش بمرتك
حذيفة..من قال ان بنرخي بيها بس مانبيها تتأذى بسببي
حاتم..مش حتتأذى صدقني
حذيفة..شنو الحل برأيك
حاتم..تطلعو الليلة من ليبيا
حذيفة..من جدك انت خيرك كيف ترا
حاتم..ايه باش عندك حوش وشركة في لندن خلاص برا ياراجل اقعد غادي
حذيفة..مداما الكل عارف الشي هذا اني مش حنمشي لي لندن
حاتم..كيف
حذيفة..شكله الي يتبع هدا راس كبير ومرات يعرف وين بنمشي واني مانبي نأذيك حتى انت ف لي هذا مش حنقولك وين حنسافر
حاتم..وين قول
حذيفة..لا مش حنأذيك مانيش مقايل لحد انت عطيتني الفكرة واني تو نكملها هي تشاو
طلع حذيفة وقعد يدور مايبيش يمشي للمطار لانة عارف ومتأكد انهم يراقبو فيه قعد يفكر لقي روحه واقف ع محل خش قعد ياخد في حجات ليا وقعد يشوف للراجل..ممكن تعطيني تلفونك ندير مكالمة
الراجل..اوك
خدي حذيفة تلفون الراجل وقعد يكلم في معارفه وحجزوله وتم ومسح الارقام وعطي تلفون للراجل وزاده فلوس وطلع
حذيفة..لو جاك حد وقالك استعمل تلفون او لا قوله لا غير قعدنا نهدرزو في مشاكل البلاد وهكي مفهوم؟؟؟!!
الراجل..اوك
طلع حذيفة بالشكاير وركب سيارته ومشي لحوشه
دخلهم وقعد يدير في شناطي وكلهم حطهم في السيارة وركب وطلع من الحوش وسكره وطلع لحوشه وهو في طريق تجي سيارة مظلمة قدامه
حذيفة..اياه علينا
نزل واحد بس جي لحذيفة وقاله افتح روشن
فتح حذيفة روشن
الشاب..قالك امتى بدير الاتفاق والا نتصرف بطريقتي؟؟؟
حذيفة..هه شن قتلي؟
الشاب..احترم نفسككك
حذيفة قعد يفكر..اوك قوله بعد يومين يكون كل شي تام
الشاب..تم وماتحاولش تلعب بديلك لاننا مراقبين كل تحركاتكم
حذيفة..ماشي
ركب الشاب لسيارته ومشي ومشي حذيفة وهو يفكر كيف بيطلع من الحوش بدون مايحسو خش لحوشهم وهو يفكر والتعب باين عليه ومش قادر يوقف ركب لقي نور راقدة خش دار عليه المي وقعد يصلي الى ان فاقت نور...وهدا الي صار قبل شوية
.
.
.
.
نرجعو بالوقت الحالي
