عِشق الشيوخ | مكتملة.

الفصل الثاني

إن السر وراء عشقي و هيامي بك..
ليس جمالك الفاتن كالزهرة الحالمة أو ضياء عيونك الساهمة..
في أول لقاء لنا كالثورة العارمة..

ليس إنسدال غرتك الكحيلة في جرأة..
بدوت فيها هادئة ، جميلة ، رصينة..

ليس سقوطك في غياهب النسيان عاما بعد  عام..
بل السر يكمن في خلعك للدثار كأنثى رمز العلى و المعاني الحسان..
في لقاء جديد رأيتك فيه من العمق فكنت أنتِ..
أنتِ و ليس غيرك كأنك آلهة الجمال..
فكان سرا خطيرا قلب كل ذرة من ذرات جسدي..
في لحظة من لحظات العمر بنفحاتك المسكرة..
#عشق_الشيوخ
🌸 عشق الشيوخ 🌸

✏ يسرى الرفاعي

✏زوي

✏ فاطمة اليوسفي

                  #الفصل_2

نجمة هي بنفسها كانت تائهة .. تلفات عليها الطريق منين جاو .. وكل همها توصل غير فين غاتلقا ب سيدرا .. البلاصة لي اتفقو عليها بزوج ...

فكل خطوة كتزيدها كتحس برجليها كيرجعو اللور .. تخلطو دموع الخوف مع الضياع .. مابقات عارفة فين تصد والطريق لي جات منها مختلفة على هادي .. الأمر كان صعيب عليها وفوق طاقتها ..

حسات بروحها غاتزهق ..

بلا ماترد البال .. تعثرات وطاحت ف كتلة د الوحل لي قدامها ..

واخا هكاك ناضت تكمل طريقها ومفاصلها كيضروها ..الفوقية الرجالية لي لابسة عمرات بالتراب .. 

حتى عيات و جلسات ف الارض كتنفس بالجهد .. دارت يدها على وجهها وبدات تبكي بكاء حارق ...

داكشي لي خافت منه ها هي طاحت فيه ماكانتش باغا تفارق سيدرا حيت عارفا راسها غادي تلف وماغاتعرف راسها من رجليها ... وهاهي دابا ف مكان حتى حد ماعارفها بلي راها فيه .. وهي براسها ماعارفاش راسها فين ..

زادت فوثيرة البكا .. بلا ماتحس ..حسات بشي ظل وقف عليه ...

:~ تالفة ؟

الصوت الأنثوي لي انساب مع اذنيها خلاها ترفع عينيها .. الرؤية غشاها غطاء الدمع المتكون على عيونها ..

تكلمات كتلهث وكتمسح وجهها ..

نجمة:~ ما.. ماعرفتش ..

خنقات شهقتها .. والخزي والإذلال لي شعرات بهم حاولت تخفيهم ..

هزات راسها بنفي كتبكي باغيا غير شكون يعاونها ..

نجمة:~ كنقلب على ختي ..

زمت البنت لي مقابلة لها فمها .. وحطات يديها على جبهة نجمة المدمية ..

:~ فين مشات اختك ؟ ( عقدات حاجبيها باستغراب) نتي ماشي من هنا ؟ والا ماكنتيش غادي تلفي ..

وسعات نجمة عينيها بذعر ونطقات برفض ..

نجمة:~ لا لا .. انا من هنا ..