عِشق الشيوخ | مكتملة.

الفصل التاسع

باسمة الثغر لا تجفلي.. من عاشق بات هائما بك..

صافية القلب لا تبعدي عني.. فيكفيني بعدي عن نفسي و عنك..

ظليلة الأهداب لا تخفضي.. بصرك من حالم طاف بك.. بزورق صغير فوق شطآنك المالحة..

جميلة الروح..  لا تديري ظهرك لهائم تلفظ إسمك مرات و مرات كمجنون مسجون..

إكشفي و أطلقي العنان لتمردك و كوني شفاءً لألمي..

فيا فرحتي عندما نلتقي صدفة..
و نخلع خواتيم أنفسنا البالية..

ونبادر بشمٍ و لثمٍ بقبلاتنا اللامتناهية..
فتكونين نبعا من صفاءٍ ندي و ترنيمة العنادل في الأفق بشدوها الزاهي..

فتعالي.. تعالي و كوني صدفة في حياتي..
و آه منك يا حياتي..!
🌸 عشق الشيوخ 🌸

✏ يسرى الرفاعي
✏زوي
✏ فاطمة اليوسفي

                #الفصل_9

من بعد اسبوعين اليوم هو الاول فالتدريب عند نجمة ..

خدات سيارة اجرة حطاتها أمام الشركة ... بناية ضخمة .. واجهتها زجاجية .. فيها عدة طوابق .. جاها هادشي غريب ومرعب ..

كانت لابسة لباس رسمي يليق بمكان العمل .. تنورة سوداء حتى للركبة وسترة فنفس اللون ..وتحتها قميض ابيض ...

بقات واقفة شحال برا كتدور عينيها .. حشمانة تدخل .. كتحرك بكعبها العالي وترجع ترد رجليها اللور ...

غمضات عينيها و زفرات بعمق ... عاد قدرات تكمل خطواتها ناحية الباب ...

كان هشام عطاها رقم الطابق والعنوان بالضبط ...

بدات كادور فعينيها وهي كاتستكشف المكان ..

التوتر كان مسيطر عليها بزاف .. حتى وصلات لفين كاينة السكريتيرة ... عاد تنفسات براحة ...

قربات منها نجمة .. وهمسات بصوت خات متوتر

نجمة:~ امم .. سلام..

السكريتيرة حتى هي كانت فالعشرينات .. لكن باينة اكبر من نجمة ... لابسة لباس رسمي ..

وقفات و شافت فنجمة بابتسامة ...

~: فاش نقدر نعاونك ..

ابتلعت نجمة ريقها و بدات تفرك يديها و نطقات بصوت منخفض ..

نجمة : امم .. انا سطاجيير جديدة .. و هذا اول نهار ليا ..

هزات البنت حاجبيها و الابتسامة مازال مرسومة على وجهها

~: اه ... نتي الانسة نجمة الشافعي ؟

هزات نجمة راسها بالايجاب و ابتسامة زينت ملامح وجهها ... و الراحة تسسلات لقلبها شوية ..

نجمة : اه اه هي انا ..

ابتسمت السكريترة بدورها برقة ..

:~واخا .. هانتي ( اشارت بديها لواحد المقاعد ) سيري گلسي تماك راه سي عصام قالي عليك و قاليا الا جيتي قبل من الاجتماع تتسنايه حتى يسالي و ديك الساع دخلي عنده ..