مر شهر على أبطالنا تحسنت فيها علاقة مالك و لينا و أصبحوا إلى حد ما أصدقاء بحكم العمل، لكن لم تعلم بعد أنه ضابط شرطة،بدأت بذرة مشاعره تنمو داخل كل منهما، بدأ مالك يلاحظ اعجابه ب لينا، وذلك الشعور الذى يجتاحه عندما يرى عينيها و السعاده التى يشعر بها عندما يكون معها، ولكن....
فى مكتب مالك
آسر :- صباح الخير يا معلم
مالك :صباح الخير يا خويا، عملت ايه؟!
آسر :- تمام، جمعنا كل المعلومات، و مكانهم فى حته مقطوعه فى شبرا.
مالك :- تمام، يبقى ننفذ، العيال دى لازم تكون هنا بليل بأى طريقه
آسر:- تمام يلا..
بالجامعه
فرح :- ليناااااااااا
لينا :- ازيك يا فرح انتى عامله ايه؟
فرح :-الحمد لله كويسه
لينا :- تعرفى ايه اول محاضرة
فرح :- أول محاضرة كيمياء حيويه لدكتور جديد كده، وبعدين ريحين المعمل
لينا :- تمام يلا بينا
فى المدرج جلست فرح ولينا، امتلكها الملل من طول المحاضره وتذكرت اخر لقاء لها مع مالك...
فلاااااااااش...
انهت لينا عملها بالشركة وذهبت ولكن اخبرتها سيرين انها لم تستطع الذهاب ليها لحدوث عطل بالسيارة انتظرت لينا خرج مبنى الشركة لعلها تجد تاكسى ولكن أملها كان بعيد لتأخر الوقت،لمحها مالك فذهب ليها....
مالك :- لينا خير وقفه كده ليه؟
لينا :- هه.. مافيش بس مستنيه تاكسى
مالك :- تاكسى!!..تاكسى دلوقت، وبعدين مش انتى عندك عربيه
لينا :- اه بتاعت سيرين بس فيها عطل وهى مش هتقدر تيجى
مالك :- طيب تعالى اوصلك فى طريقى
لينا :- لا لا شكرا، انا هستنى تاكسى اكيد فى تاكسى بيعدى من هنا...
مالك :- تاكسى ايه فى الوقت دا، ما فيش تكاسى بتعدى دلوقت، الوقت متأخر، يلا اوصلك.
لينا :- شكرا انا مش عايزة اتعبك معايا و هقدر روح لوحدى
مالك (وقد نفذ صبره من عنادها) :- ليناا اركبى هروحك و مافيش هروح لوحدى، انا اصلا مش هسيبك تروحى لا لوحدك ولا فى تاكسى تمام يلاا
لينا :- بس....
مالك :- يلاااااا، قدامى
حركت لينا رأسها لأعلى ولاسفل دليل على الموافقة
فى سيارة مالك
مالك :- بعد كده مافيش شغل متأخر تروحى بدرى، ولو فى شغل يتأجل.
لينا :- معلش المدير بتاعى متوصى بيا فى الشغل شويتين
ابتسم مالك :- خلاص المدير بتاعك دا مش هيبعتلك شغل كتير بعد كده ولو بعتلك شغل كتير قوليلى بس وانا اظبتهولك 🙂
(قال مالك ذلك بمزحه صغيره علها تبتسم ولكن خيبت ظنه، فتجهم وجهه..)
مالك :- ممكن أسألك سؤال
لينا :- اتفضل
مالك :-هو انتى ليه مش بتضحكى؟
لينا :- عشان مافيش حاجه تستاهل انى اضحك
.. نظر إليها..
مالك :- مافيش حاجه تستاهل إنك تزعلى عشنها
لينا (بحزن وهى تنظر من زجاج السيارة) :- فى.. فى وجع ،فى تعب،وفى خوف، وفى ألم بيحرق روحك، فى جرح مش بيتلم، فى حاجات كتير محدش شيفها ولا حاسس بيها.
نظر إليها مالك بحزن وشعر بغصه فى قلبه وقال..
