لينا :- أنت مجنون علفكرة، يعني إيه نيجي إسكندرية ونمشي في نفس اليوم
مالك :- عندك حق، المفروض نضرب لينا أسبوع (أنهى جملته بغمزة مشاكسة)
لينا (وهي تضربه بكتفه) بطل غلاسه
مالك :- مش كان عندنا شغل
لينا :- عندك أنت
مالك :- و أنا وأنتِ إيه يا قمر
لينا (بضحك) :- مش هخلص منك.
مالك :- أبداً أبداً
لينا :- طيب هناكل فين بئه
مالك :- هأكلك أكله ملوكى
لينا :- اوووووه
مالك :- من عند الزعيم
لينا :- أنت هتستعبط يا مالك، نجي إسكندرية ونأكل كشري
مالك (بضحك) :- خلاص يا عم بهزر ، هنأكل أحلى أكلة سمك و جمبري
لينا :- أيوه بئه
بعد القليل من الوقت كان مالك و لينا يتناولون الطعام فى مطعم شهير يطل على البحر، و أثناء تناولهم لطعام، تأوهت لينا، نتيجة لصدمتها بكورة، التف مالك بحدة فوجده طفل صغير لا يتعدي عمرهُ 11 عاماً، فهدأت ثورته قليلاً ثم تحدث...
مالك :- حبيبتي أنتِ كويسه
لينا (مبتسمة بهدوء) :- أنا كويسه يا حبيبي، حصل خير
الطفل :- أسف يا حلوة
مالك (بصدمة) :- حلوة!!!! حلوة مين يالا!!
الطفل :- مالك أنت، أنا بكلمها هي
مالك :- والاه أنت تتلم وتقعد فى حته، مش كفايه اللى هببته
لينا :- اهدي يا مالك دا طفل
مالك :- طفل إيه و زفت إيه دا بيقولك يا حلوة!
لينا :- معلش يا حبيبي سيبه
الطفل :- هو أنت مضايق عشان قولتها يا حلوة، هو أنا قولتلها هاتي بوسه
مالك :- نهار أبوك أسود، تبوسها!! ولاااااااه
طفل :- في إيه يا عم مالك، ماتهدي لتطق
مالك :- أنت مالكش أهل تلمك يالا، شكلك مش هتجبها لبر
** كرم أنت بتعمل إيه ( كان ذلك صوت والدة الطفل المشاكس)
كرم :- مابعملش، الكورة خبطت فى الحلوة
مالك :- بردوا بيقول حلوة 😠
اكمل الطفل دون أن يعطيه أي إهتمام
كرم :- بعتذر منها، راح الكائن دا ماسك فيا و مش عاوز يسبني، شكل عقله مفوت
مالك (بدهشه) :- مفوووت
الأم (بحدة) :- كرررم، عيب كده أعتذر يالا لعمو
كرم :- لا إله إلا الله، هو حد أقلك إنى كنت بأكل بليلة، ما أنا كنت بعتذر يا ناس
الأم :- كرم إسكت خاالص
كرم :- سكتنا
الأم (معتذره) :- أنا أسفه جداً يا بشمهندس، ياريت تقبل إعتذري، على الإزعاج اللى سببناه لحضرتك
مالك :- ولا يهمك، بس هو علطول كده؟!
الأم :- طفل مشاغب بئه نعمل إيه
مالك :- ربنا يخليهولك
الام :- تسلم، عن إذنكم
مالك و لينا :- اتفضلى
مالك :- بتضحكي
لينا :- اه، أصل أنت مشوفتش عملت إيه فى الولد
مالك :- دا أنا كنت هبلعه
لينا :- حرام عليك دا طفل
مالك :- طفل!! والنبي تسكتي دا بيقولك يا حلوة!
لينا (بدهشه) :- بتغير عليا من طفل يا مالك
***أغار عليها من أبيها وأمها ـ إذا حدثاها بالكلام المغمغمِ
و أحسد كاسات تقبلن ثغرها إذا وضعتها
موضع اللثم فى الفم ***
لينا (بحب) :- مكنتش أعرف أنك بتحب الشعر
مالك (برومانسيه) :- أنا بحبك أنتِ
____________________
