فى منزل كبير تعلو ضحكات الصغيرة التى تزهر الربيع فى حياة أبيها، دخل زين متعباً و عندما سمع ضحكات ابنته التى تنسيه العالم؛ نسى تعبه وذهب إليها نزل لمستواها ثم حملها.....
صفا :- بااااابي...
زين :- حبيبة بابى، صاحيه ليه لحد دلوقت؟.
صفا :بكرا الweekend، و أنا مستنياك عشان نلعب سوا، وأنت اتأخرت يا سي بابى كنت فين وسيبنى؟
زين :يا نهار أبيض، و أنا أقدر أسيبك.
صفا (وهى ضامه يديها أمام صدرها):- سيبتنى😌
زين:- اسف بس كان عندى شغل كتير عما خلصته
صفا(بغضب طفولى):- كل شويه شغل شغل..
زين :مش انا لازم اشتغل عشان اجيبلك الأكل و شكولاته اللى بتحبيها و أوديكى المدرسة الحلوة اللى أنتِ فيها دى، و أجيب ليكى لعب كتير و أفسحك..
صفا:- ااه.. ،بس يعنى هو احنا لازم نشتغل طيب ما احنا ممكن نطلب من ربنا كل اللى احنا عاوزينه وهو يجبهولنا مش أنت قولت إن احنا لما نحتاج حاجه نطلبها من ربنا وهو هيجبهلنا، يبقى ليه نشتغل بئه؟!!
زين(ابتسم على براءة صغيره) :صح، بس لازم نتعب شويه عشان ربنا يجيبلنا اللى احنا عاوزينه.
صفا:- طيب ليه وربنا ممكن يجيبلنا اللى احنا عاوزينه من غير ما نتعب.
زين :مش أنتٍ قرأتى فى القرآن إن ربنا سبحانه وتعالى قال بسم الله الرحمن الرحيم (مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ) و قال إيه تانى.....
(وَمَن يَعْمَلْ مِنَ الصَّالِحَاتِ مِن ذَكَرٍ أَوْ أُنثَىٰ وَهُوَ مُؤْمِنٌ فَأُولَٰئِكَ يَدْخُلُونَ الْجَنَّةَ وَلَا يُظْلَمُونَ نَقِيرًا)
أكملت عنه ابنته الآيه، فابتسم زين على ابنته التى لم تتجاوز سن الثامنه وقد ختمت القرآن الكريم حفظاً..
زين :- عرفتى بئه ليه لازم نشتغل
حركت الصغيرة رأسها بابتسامه :- ايوه يا بابى، طيب ممكن طلب بئه؟!
زين :- قلب بابى تأمر مش بس تطلب
صفا (بحماس) :- بكرا ال weekend عاوزة اروح الملاهى...
زين :امممممم، بس كده بكرا يومك يا جميل نروح مكان ما أنتِ عاوزة، بس دلوقت نتعشى و ننام عشان بابى تعبان و نقدر نصحى فيقين عشان بكرا يوم طوييييييييل جداااا...
صفا :-هييييه، صفا هتنام فى حضن بابى
زين :بابى كله ل صفا...
//////////
سيلا :- ايوه يا ست لينا احنا جينا ومستنينك تحت
لينا:- طيب فاضل شوية ورق هخلصهم مع دكتور أسر ودكتور مالك، اطلعوا استنونى فى مكتبى
سيلا :- اشطا انا اصلا هموت واشوف مكتبك
بعد قليل صعدوا بالمصعد للدور الخامس كما قالت لهم لينا وأثناء مرورهم بالممر اصطدمت سيلا بشخص ولكن لم تنظر اليه وهو أيضا اعتذرت وأكملت الطريق ولم تكن تعلم ان هذا الشخص هو أسر وهو أيضا لم يعلم انها هى....
بعد قليل فى مكتب مالك.....
لينا :- دى صفقه الادويه الجديد و دا اهم الأضرار والفوائد اللى ممكن نجتاحها
مالك :- تمام اوى كده، أسر عوزك تجهز بنود الصفقة فى أسرع وقت لازم ننهيها قبل المهمه الجايه
أسر :- تمام زى ما تحب على الأسبوع الجاى بالكتير كل حاجه هتبقى خلصانه
لينا :- بس طبعا لازم حضرتك تراجع بنود العقد مع الشركة التانيه بدل مايكون فى خساير لينا ونضطر ندفع شرط جزائى كبير احنا فى غنى عن دا
مالك ( معجبا بكلام لينا) :- بالظبط كده، براڤوا عليكى يا لينا قدرتى تثبتى نفسك فى المهنة بجداره
لينا ( بابتسامه ساحره) :- متشكرة جدا حضرتك اتمنى اكون عند حسن ظن حضرتك دايما
