٠
.
.
.
. سيلا :- عايزة أسافر...
يوسف :-تسافرى؟!!!! ااااه، تسافرى الغردقة و لوحدك!!
سيلا:-يا بابا مش لوحدي معايا فريق كامل،و....
ثم نظرت ل سيرين و لينا وقالت :- ماتتكلمى أنتِ وهى
سيرين:- خلاص يا بابا مدام مش لوحدها، و مع فريق عمل، و مع زميلها خلاص بئه وافق.
لينا:- خلاص بئه يا عمو، احنا عارفين قد إيه كانت سيلا مستنيه فرصة زى دى.
منى :- ولاونى مش حبه السفرية دى، بس مدام أنتِ حبها وهتثبتى نفسك فيها، و هتخلى بالك من نفسك، يبقى خلاص، وافق يا يوسف عشان خاطرى.
يوسف(بتنهيده) :- طيب يا سيلا، بس تخدى بالك من نفسك، و معايا علطول على الفون، واى حاجة تحصل تبلغينى بيها علطول، تمااااام.
سيلا (بفرحة) :- تمام يا أحلى وأجمل بابا فى الدنيا
ثم عانقت والدها، وذهبت إلى غرفتها كى تُعد أغراضها للسفر غداً، و لحق بها كلاً من سيرين ولينا.
فى غرفة سيلا.....
سيلا:- يااااااااااااا، أخيراً بابا وافق، أنا مش مصدق نفسي يا لمبى، بكرا زي دلوقت هكون فى الغردقة.
سيرين :-ااه ياختى واحده بحر و غردقة، والتانية جثث و مشرحة😭
سيلا:- أعوذ بالله إيه يا عم طلبة فى إيه؟! قعدة مع حنوتى يا ربى، يا شيخه بطلى قر دا انا ما صدقت الحج وافق.
لينا (ضاحكة) :- اه صحيح يا سيرين أنتِ ليه محسسانا أن الطيارة هتتقلب بيها، دا البنت يا عيني هتموت وتسافر.
سيلا :- أيوة والنبى ياختى قوليلها..
لينا :- يااا سلام بس كده من عينيا، غرقة وبحر وهوا و مراكب و.......
قاطعها سيلا قائلة...
سيلا:- بسسسسس يا ماما فى ايه، دا أخر طموحك فى السفرية، قومى قومى أنتِ وهى رتبوا الشنط معايا.
سيرين:- شنط إيه، هو أنتِ حلتك حاجة، دا هى شنطة واحده وكلها ألوان أصلاً.
لينا(ضاحكة) :- لقد تم تطير الجبهه بنجاح 😂
ثم ضربت كلاً من سيرين و لينا كفيهما ببعض
سيلا:- هيهيهيهي، ياختى حلوة أنتِ و هى
ثم نظرت سيلا اتجاه لينا و ضمت يديها إلى صدرها و ضيقت بين عينيها وقالت بحذر....
سيلا :- ألا صحيح يا لينا حضرتك مبتسمة، و منشحكه كده و هيهيهيهي من الصبح كده فى ايه ها 🙂
سيرين :- اه صحيح فى إيه أنا كمان اخدت بالى.
لينا (بتوتر) :- فى إيه، في إيه مافيش حاجة
سيرين :- ما فيش حاجة إيه، أومال خدودك اللى جابت ألوان الطيف دى إيه سخونية!!
سيلا:- وإيديك اللى بتترعش و لسانك توتر وعينيك رايحه وجايه، فى إيه يا حلو 😉
سيرين:- دا احنا زى إخواتك بردو، ماتتكسفيش، قولى قولى..
لينا (بحنق) :- أنتوا الاتنين أرخم منكم مافيش.
سيلا :- يبقى في، يلا يا حلوة دا احنا هنريحوكى ونبسطوكى ع الاخر
لينا(ضاحكة) :- ههههههه، مش لايق عليكى دور ريه سكينة دا.
سيلا:- طب قولى فى إيه بئه
لينا :- بس متقولوش لحد ماشي، دا بينى وبينكم بس مؤقتاً
سيلا:- ما تخفيش سرك فى بير مخروم
سيرين (ضاحكة) :- يبقى كده اطمنتى ابدأي
لينا :- طيب، أنتوا عارفين مالك طبعاً
سيلا (بغمزة) :- مديرك المز ماله؟!
لينا (بغضب) :- مز فى عينيك ماتقوليش عليه كده.
سيرين:- الله هى فيها غيرة، طب كملى يا حلوة كملى.
لينا :- بس من غير معاكسه.
سيلا:- و كمان معاكسه، كملى كملى، ماله سي مالك بئه.
لينا :-حصلت مشكلة كده فى الشركة..
