بااااااااااااااارت جديدة💃💃💃
باعتذار ع التأخير......
بعد إنتهاء الزفاف، تم تحديد ميعاد خطبة أسر و سيلا، ذهب الجميع إلى بيوتهم، و ودعت سيرين أهلها، و ودع زين إبنته ع امل اللقاء بعد أسبوع فقد إتفق معها على الإقامة مع أسر هذا الأسبوع فوافقت هى على الفور...
ذهب زين وسيرين إلى منزلهم، كانت تشعر بالتوتر قليلاً و لكنها ليست خائفه، فهى تشعر معه بالأمان، فقد استغربت هذا الشعور فعادةً فى مثل هذه الأوقات يكون الخوف هو سيد الموقف، ولكن هى تشعر بالأمان معه، كان يشعر بما يدور فى رأسها و تأكد من ذلك عندما لمح أصابعها التى لم تهدأ منذ خروجهم من منزل والدها، فتحدث بصوتاً هادئ كى يطمئنها
زين :- ممكن تهدى متخافيش مش هكللك
سيرين ( تنظر إليه) :- انا مش خايفه، انا بس.. هو.... يعنى..اقصد... انه...
زين :- بس بس اهدى، خلاص
سيرين (بتوتر) :- أنت وقفت العربية ليه؟!!
زين :- اصل..
قاطعته هى بصوت شبه عالى فيه بعض من الحدة يتخللها التوتر...
سيرين :- أصل!! أصل إيه و فصل إيه.. وقفت العربية شويه وتقولى أصل الموتور عطل و تقولى هنستنى هنا لصبح و مش عارفه ايه ووو.... ووو اييييه،فى ايه انت ساكت كده ليه
زين ( ينظر لها بصدمة فارغ فمه) :- إيه جو الأفلام العربى القديم اللى أنتِ عايشه فيه دا؟!
سيرين :-......
زين :- الحكاية كلها أن إحنا وصلنا، يلا إنزلي يا سيرين ربنا يهديكى يا بنتى
ترجلت سيرين من السيارة و قابلها زين و مد لها يده فأمسكت بها، دخلت معه إلى المنزل، ف أوصلها إلى غرفة نومهم ثم...
زين :- غيري أنت و ارتاحى
سيرين ( و هى تمسك بيده بقوة) :- زين أنت رايح فين؟!!
زين :- فى مشوار مهم، هخلصه واجى علطول
سيرين (باستغراب) :- مشوار دلوقتى!!
زين :- اه، مشوار مهم لازم يخلص دلوقتى، أنت غيرى و ارتحى، و أنا هاجى بسرعة مش هتأخر
سيرين :- طيب هو ليه البيت فاضى، وفين صفا؟
زين :- صفا عند آسر هتقعد معه الاسبوع دا
هزت راسها إليه و قالت :- مش هتتأخر صح
زين ( مبتسم) :- صح.
............................. ..................................
الموظف :- دى كل التسجيلات من الشهر اللى فات لحد النهاردة
مالك :- حلو اوى شغلى التسجيلات..
بعد مرور وقتاً ليس بقصير، قطعت لينا حاجز الصمت بعفوية..
لينا :- مالك مالك مش هى دى أمنية
مالك :- قرب كده الكاميرا
لينا :- هي صح؟!
مالك :- أيوة بس مين معاها دا؟!
لينا :- مش عارفه، مالك دا أدها حاجة
مالك :- ثانيه، جيب تسجيلات مكتبى فى نفس الوقت دا
الموظف :- حاضر يا فندم
مالك :- نهااااار ابوكى اسود!!!
لينا (بصدمة) :- هى إيه اللى عملته دا!!
مالك ( وهو ينظر ل لينا) :- مخدر حقنتنى بمخدر، بس انا ازى محستش؟!
لينا :- فى إبر صغيرة عادة مابتحسش بيها يعنى الوجع يكاد يكون معدوم، و انت بتقول أن دماغك كانت بتوجعك يعنى طبيعى متحسش بحاجه
مالك :- بس هى ازى تعمل كده، ازى... ؟! دى كانت هدمر حياتها
لينا :- ما دا اللى عايزة أفهمه، ايه اللى يخلى واحده زى دى تعمل كده
مالك :- الفلوس
لينا (بعدم فهم) :- الفلوس!! ليه ؟ هى ناقصها ايه؟ هى مش حياتها كويسه
مالك :- اه، بس فى ناس مابتشبعش عايشه تاكل فى مال غيرها وخلاص
لينا :- مالك انا مش فاهمه حاجه
مالك :- انا هفهمك
