صبرنى ياااارب

الحلقه التاسعه عشر

بعد أن أغلقت حسناء الهاتف نظرت لها أريج بدهشه : جرى إيه ليه عملتى كده
حسناء بضيق : كده أفضل لينا فهد فلاتى والتانى خاطب بنت عمه
أريج : 😲إيه
حسناء 😠: آه ياختى كانو بيتسلو ولما مطالوناش جايين يضحكو علينا بكلمتين
حبيبه بسخريه : خاطب هه أنا برضو مكنتش مقتنعه هيحبنى على إيه
حسناء : لأ يا حبيبه إنتى ألف مين يتمناكى بس هما اللى طماعين مش مكفيهم اللى معاهم لأ وعرفو يستغلو إننا هبل وملناش فى اللوع ورسمو الدور كويس
أريج : معقول ميبنش عليهم
حسناء :😡مهو من تغفيلنا
أريج : بس إنتى عرفتى ازاى
حسناء : ولاد الحلال قالولى وكويس إننا عرفنا بدرى حتى لو هنتجرح دلوقتى هيبقى أهون من إننا نكمل ساعتها الجرح عيبقى أكبر
حبيبه : أنا هروح بقى محلتش حاجه فى الإمتحان والحصه الجايه بكره
حسناء : متزعليش وتشيلى فى نفسك
خبيبه : هه أزعل على إيه الواحد يزعل عالحاجه لما تبقى بتاعته وتضيع منه لكن اللى مكنتش له من الأول ينزعل عليها ليه
حسناء : طول عمرك عاقله يا بيبه
حبيبه : بمناسبه العقل يلا نلحق وقتنا أحسن ورايا واجبات كتير
حسناء : يلا سلام يا أريج
اريج : سلام ياقطط
حسناء : سلام يا بجعه
نزلتا سويا ليصادفا حسين فأوصل حبيبه ثم سار مع حسناء ليوصلها فوجدته حزينا فطلبت منه أن يقوم بعزيمتها وبالفعل أخذها لاحد المقاهى الذى يتردد عليها مع زياد
جلسا سويا وأخبرته بما قصته لها أريج سابقا ونظرت له بضيق
- حرام عليك ياحسين يعنى هيا وقعت بمزاجها عشان اللى انت بتعمله ده
زفر بغضب وهو ينهرها : ارحمينى يا أريج يوووه يا حسناء أنا من يومها بكره أطلع السلم فبحاول يا أفضل فى الشقه يا بره على طول
حسناء بإستغراب : وليه دا كله
تنهد بضيق وهو يقول : بفتكر اللى حصل
- يا سلام كل ده عشان وقعت عليك من غير قصد
- هو دا بس اللى حكتهولك
- آه
- ومقلتلكيش إنه لما وقعت بقت فى حضنى وقريبه أوى لدرجه إن نفسنا بقى واحد
- أكيد مش قصدها تترمى عليك هيا مجنونه آه ومستعده لأبعد حد تتهبل معاك بس المره دى مش قصدها
- عارف بس مقدرتش استحمل عارفه يعنى إيه بين إيديا وفى حضنى وميفرقنيش عن شفايفها إلا سنتى واحد
حسناء بخجل : ياخبر
- والمكان كان ضلمه وهادى ويادوب نور التليفون اللى مخلينى شايف ملامحها صحيح وقعت صدفه بس لقيتها قريبه ومستعده لقربى منها لدرجه إنى قريته فى عنيها وأنا مينفعش أعمل كده مش مراتى ياحسناء ودى غبيه مش فاهمه أنا لو بديت مش هقدر أقف أنا جويا شوق سنين ليها لو بس حاولت تطلع جزء منه هيخرج كله ومش هقدر أسيطر على نفسى
- للدرجه دى بتحبها
- أنا عايش فى الدنيا دى بس عشانها المتخلفه دى
- ربنا يسعدكم يارب
- إنتى مخلتيش حبيبه تفهمها ليه
- صدمتها فى زيد متسمحش دلوقتى إنى أكلمها فى حاجه
- ربنا يسعدها هيا تستاهل كل خير وبجد كنت أتمنى إنه يكون جاد معاها زيد راجل حقيقى ويقدر يصونها بس مرضلهاش ولا هيا هتستحمل تبقى الزوجه التانيه أو يتقال خطفته من بنت عمه
- الله يسامحهم بقى مانبنا منهم غير وجع القلب المهم روق كده وحاول تعدى الموضوع البت مقهوره
- حاضر ياستى هحاول