لم تخبر شوشو بما حدث فمنذ أن حدثت المشكله ولم تسأل عنها أبدا
كانت شوشو تظن أنها نجحت فى إنهاء زواج أريج وحسين
بعد أن عادت له أخبرت حبيبه وحسناء بما كان بينهما من حديث فقررت حسناء أن تساعد حسين فهاتفت أريج تنصحها ببعض النصائح لكى تتقرب منه
وفى الصباح بينما يستعد حسين للخروج فبعد قليل سيتوجه للمطار فلديه عمل خارج المدينه
تألقت بمنانمه حريريه رقيقه أظهرتها بمظهر أنثوى مغرى وتزينت وتعطرت وخرجت إليه
اتسعت حدقه عيناه وهو ينظر إليها
حسين بغضب : يانهار أسود
إمتعض وجه أريج من ردة فعله: إيه شكلى وحش
بالعكس دا إنتى تهبلى بس هو إحنا مش اتفقنا نمشى خطوه خطوه
- أيوه بس أنا قولت أقرب أكتر عشان نختصر المسافه مكنتش فكراك هتزعل
- ازعل أبدا أنا هطق بس
- ليه
- توقيتك زفت ياماما أنا مش مرزوع معاكى طول اليوم إمبارح محليش تغرينى إلا دلوقتى
- مم ماهو حسناء قالتلى أعمل كده وأنا بكلمها بالليل قولت أعمل كده الصبح
- وتستنى للصبح ليه
- انت كنت طول الليل فى الأوضه معرفتش ألبس وأتذوق
- روحى أوضه تانيه روحى الحمام مش تنامى عادى وتحرقيلى دمى عالصبح
- وإيه اللى يحرق دمك بس
- ياااارب الغباء له حدووود قوينى عليها وصبرنى بدل ما اقتلها امشى من وشى الساعه دى ولا أقولك أنا اللى ماشى
حمل حقيبته ونزل الدرج غاضبا فإصطدم بحسناء ووجه لها عتابا على نصائحها
- والنبى ياحسناء عشان خاطرى بلاش نصايحك اللى تحرق الدم دى مش كفايه عليا الزفته اللى إسمها شوشو اللى ممشياها على هواها
- يعنى أنا غلطانه إنى بقرب المسافات بينكم
- لأ بس أريج بتنفذ تعليماتك فى الوقت الغلط الهانم افتكرت إننا عرسان جداد وأنا مسافر
تركها ورحل وهيا تتمتم بكلمات غاضبه من غباء أريج ثم صعدت لها تسألها عما حدث
قصت لها كل شئ ثم رمقتها بضيق : خرج ورزع الباب وراه وأدى نتيجه نصايحك ياست حسناء بدل ما يقولى كلمه حلوه زعقلى
حسناء بغيظ : إنتى متخلفه يابنتى مش تنقى الوقت المناسب معملتيش كده ليه إمبارح مثلا
- كان بيحضر شنطته
- يارب قوينى عليها طب ما كنتى حاولتى وهو بيحضرها مش يمكن كان أجل سفره ولا خدك معاه تقضو يومين حلوين ولا إنتى مش عاوزه
- مش عاوزه مين دا أنا بتمنى
- اومال مكفره سيئاته ليه
- خايفه
- حسين طيب وحنين
تركتها وذهبت لحبيبه ليبحثان عن حل لهذه المشكله
زفرت حبيبه بضيق : أنا خايفه عليها لتضيع منها حبايبها
حسناء : مهيا مش هتيجى بالكلام لازم تنقرص من أفعالها
حبيبه بدهشه : يعنى نسيبها تغرق
حسناء : لأ طبعا إحنا مش أصحاب وبس إحنا أكتر من الاخوات كمان بس هيا بتعند والهبابه شوشو دى مفهماها إننا بنبعدها عنها عشان نسيطر عليها ونتحكم فيها ولو أصرينا عليها وفضلنا ننصحها هتصدقها زياده وتعيش الدور وأنا خايفه تندم
حبيبه : متقلقيش إحنا جنبها وساعه الجد هنلحقها
حسناء : مش دا قصدى
حبيبه : اومال
حسناء : إحنا وأهلها مقدور علينا حتى لو عجنت الدنيا واتندمت هتراضينا ونسامحها المشكله فى حسين بيحبها ويموت فسها بس خايفه لأفعالها تقلب حبه كره
حبيبه : معقول
حسناء : أيوه كتر الأسى يعلم الجفى خايفه مع الوقت والعند وأفكار الزفته شوشو دى تخسره للأبد
حبيبه : لأ ماقلقيش أريج صحيح طايشه وغبيه بس جبانه ساعه الجد بتتراجع
حسناء : مفهمتنيش برضو أنا قصدى إن طول ما هيا بتعند بتجرحه ومع الوقت الجرح هيكبر ويفتكر إنها مبتحبوش هيبعد وهيا مش هتنتبه لده وواحده واحده هيتعود عالبعد ساعتها الرجوع هيبقى صعب
حبيبه : عندك حق بس نعمل إيه مبتسمعش لحد
أضاقت حدقتا عينيها بمكر: لأ هتسمع
حبيبه بإستغراب : لمين
حسناء : حسين نفسه
حبيبه : يوووه دا غلب معاها
حسناء : يابنى آدمه مهيا بتتأثر بكلامه تروح لشوشو تمسحلها مخها
حبيبه : والعمل
حسناء : نلغى شوشو
قضبت حاجبيها متعجبه : ازاى ده
حسناء : يسافروا
حبيبه : مهيا هتشورها وهتلغى السفر
حسناء : تشورها لما تعرف
حبيبه : مش فاهمه
حسناء : إحنا نكلم حسين من وراها ونحضر لسفريه مفجأه ومتعرفش إلا لحظتها ونخفى تليفونها عشان شوشو متوصلهاش
حبيبه : وافرضى راحتلها البيت
حسناء : تروح هتلاقى أمها وحماتها اللى هناك يقومو بالواجب معاها وتحرم تعتبها
حبيبه : عندك حق هما اساسا مبيقبلوهاش بس لو بعد السفريه دى رجعت ريما لعادتها القديمه
حسناء : ياستى يبقو انبسطتو يومين من نفسهم ويمكن تفوق لما تلاقى أد إيه حياتها جميله مع حسين وشوشو مش فيها
حبيبه : عندك حق نبتدى ننفذ من بكره بس مين هيقول لحسين
حسناء : أنا هقوله الصبح هعدى عليه
حبيبه : مهيا هتشوفك
حسناء : لأ مانا هختار وقت طلعوه للشغل هبلغه إننا عاوزينه ضرورى من غير ما أريج تعرف ونتفق نتقابل بره وبعدين اطلعلها أقعد معاها شويه عشان لوشافتنى واقفه معاه يبقى عادى جايلها زياره وقابلته صدفه سلمت عليه
حبيبه : يا أفلامك الهابطه ياحسناء ولما تستغرب مجيك من النجمه ليها
حسناء : عادى حسيت إنها لسه زعانه من كلامى النهارده وأنا ببستفها عشان اللى عملته قولت أعدى أراضيها بدرى عشان عندنا ماتش غسيل وترويق مش هيخلص إلا آخر اليوم وهيتهد حيلى ومش هعرف أشوفها وأنا مش عاوزاها تفضل زعلانه منى
حبيبه : يادماغك الممششه عالبركه وربنا يستر ومنتكشفش وإلا هتعند زياده وتستعبط فيها أكتر
حسناء : ياشيخه بطلى تفولى وادعى الحكايه تفلح
حبيبه : مبفولش بس بحط احتمال للفشل عشان مننصدمش
حسناء : ياباى ربنا ميجيب فشل
أنت تقرأ
صبرنى ياااارب
Romansaرفض الزواج بلا حب فسقط أسير عشقها الذى أرهقه فهى لا تكف عن تحديه ولا تثق به مع حياة هؤلاء المجانين نبدأ قصه جديده
