أريج : إفرد دراعك
حسين : ليه
- الحق عليا بدل ما ايديك تنمل طول ما حطط راسك عليها هتنمل وهتتعب
- باااس صدعت أهوه
بمجرد أن فرد ذراعه تحركت ووضعت رأسها عليه
- إيه دا إنتى اتجننتى
استدارت لتصبح أعلاه وهيا تمسح على شفاهه بأناملها مما جعله متوتر غير قادر على الحركه
- تعرف أنا بتمنى إيه دلوقتى
إبتلع ريق بصعوبه بالغه : إيه
- تدوقنى طعمهم
قضب حاجبيه بإستغراب : هما إيه
إقتربت أكثر لتهمس له بحب : شفايفك
انتفض سريعا ودفعها أرضا وهتف بغضب : إنتى اتجننتى
- اخص عليك
- هو الدكتور اللى كشف عليكى دا محشش وكتبلك على مخدرات ولا إيه
حسناء : اهدى ياحسين هتلم علينا الناس
حسين بغضب : أنا اللى اهدى ولا هيا دى ناويه تبيتنا فى القسم وياريت على حاجه تشرف
أريج : قسم ليه
- مهو بسببك بوليس الآداب هيلمنا الليله دى أنا رايح عربيتى
- ليه
- اتخمد دا لو عرفت أصلا وياريت تطلعو بقى الوقت اتأخر
- هشوفك الصبح
- لأ هسافر على طول كفايه حرق دم لحد كده
- خلاص هاجى معاك
حسناء :آه وإحنا كمان وكده كده فاضل يوم يعنى محصله بعضها ولا إيه ياحبيبه
حبيبه : آه أحسن من الأول الرحله دى مكنتش مرتحالها
حسين بشك : ليه إيه اللى حصل
حسناء : وهو اللى جرى لأريج دا شويه
حسين : آه طيب هروح أبلغ المشرف والفجر هرن عليكو تصحو وتنزلو عشان نروح بدرى واطلعو بقى جهزوا شنطكم عشان منتعطلش الصبح
البنات : ماشى
--------------
رأته لانا فى البحر وكانت فى حاله ذهنيه غير مستقره من السكر فإستغلت الأمر وخلعت ثيابها وقفزت فى الماء ما إن رأها زيد أسرع فى الخروج من الماء وارتدى ملابسه ولكن فهد لم يلحظها بعد حتى وجد من تضع يدها على كتفه
فهد بغضب : إيه دا إنتى
لانا بدلال زائد : حبيبى اشتقتلك
- إنتى مجنونه ازاى تنزلى هنا دلوقتى
- منشانك حبيبى
- ياستى أنا لا حبيبك ولا زفت إنتى مبتفهميش أنا مبحبكيش ومش عاوزك
- انت ازاى ترفضنى أنا مافى حدا بيقاوم جاذبيتى تيجى انت وترفضنى ليش
- يخربيت الغرور اللى هيجننك أوعى كده
- لا ما اتركك هالليله بنوب انتى لإلى وبس وراح فرجيك ليله ما بتنتسى
- هيا ليله مهببه من أولها
- قول شو مابدك ماراح اتركك
- لا اتركينى وأنا مش هحاسبك على اللى بتعمليه عشان منتش فى وعيك
- شو بساوى حبك جننى ومالقيت غير المشروب
- الصبر اطلعى قدامى
- مو قدرانه فيك تحملنى
- اوووف طيب تعالى
----------
بعدما دخلن الفندق تذكرت حسناء هاتفها : ييه نسيت التليفون مطرح ماكنا قاعدين
أريج : لأ فالحه اجرى هاتيه قبل ما حد ياخده
ركضت سريعا للخارج ووجدته حيث كانت جالسه وحمدت ربها أنه لم يضيع وقبل أن تبتعد رأت فهد يخرج من البحر يحمل لانا على يديه وهيا تحيط بذراعها حول رقبته وتمطره بقبلات حاره طنعها رؤيته هكذا وأدركت أنه لامفر من البعد لأنها تتعلق بوهم فهو لن يتغير سيظل هكذا كلما غضب منها يعاقبها بالخيانه
استدارت لتجد زيد أمامها
زيد : إنتى فاهمه غلط على فكره
حسناء بحزن : معدتش فارقه
زيد : لأ فارقه هو بيبحبك والبنت دى
قاطعته بغضب : بس أرجوك مش عاوزه أسمع أى حاجه تانيه ولا أى مبررات فارغه صاحبك بيعاقبنى بالخيانه وميعرفش إنه كده بيدمر احساسى تجاهه لحد ما هيموت عن إذنك
مسح على وجهه بضيق : استغفر الله العظيم
ثم توجه لهما ليجد تلك اللعينه لا زالت تتقرب من فهد بطريقه مقززه
- حياتى فهد
- اوووف
- مالك روحى
- تطلع روحك قولى إن شاء الله
- شو طريقتك هى
القاها أرضا مجرد أن وصل الشاطى
صرخت بألم وهيا تحاول إستيعاب ما حدث : ااه شو انت اتجنيت
- آه ولو شوفت خلقتك تانى هضربك وهشوهلك شكلك دا عشان متنفعيش فى حاجه خالص
لانا بفزع : شو
صاح فهد غاضبا : امشى من قدامى
- هاد جن ولا شو
- امشى
ركضت سريعا بينما وقف زيد أمامه يلومه على فعلته
- انت إيه اللى خلاك شيلتها
- سكرانه طينه وقالتلى مش قادره تتنيل تطلع من البحر
- لأ فالح
- اديها غارت فى داهيه وربنا أنا لو شوفتها تانى هضربها بجد مش تهديد
- بعد إيه
لاحظ فهد إسلوب زيد المتغير ليسأله : فى إيه
- فى إن حسناء شافتك وانت طالع شايلها وهيا عماله تبوس فيك
فهد بصدمه : إيه
- والأسوأ حاولت اشرحلها رفضت وقالتلى إنك بتعاقبها بالخيانه
- بس أنا مخنتهاش مهو كان على يدك
- حظك الأسود بقى والست ممكن تتغاضى عن أى شئ حتى لو كان ضرب لكن الخيانه مستحيل تنساها والكارثه بقى إن دى مش أول مره تشوفك فى وضع زفت مع ست
- طب والعمل اروحلها مش هتسمعنى
- خلاص استنى للصبح تكون هديت وحاول معاها
- طب وحكايه الطبقات الإجتماعية اللى طلعتلى بيها دى
صاح زيد بغضب شديد : تولع الطبقات كلها أنا كنت بوضح نظرتهم لكن أنا لو حبيبه تحبنى زى ما بحبها وتعترف بده وربنا لو السما انطبقت عالأرض مانا سايبها وهتجوزها غصب عن الدنيا بحالها ويتحرق عمى ومراته وبنته
_____________
مرت الساعات القليله المتبقيه من الليل ليبزغ الضوء الخافت مع آذان الفجر ليلتقف هاتفه يتصل بحسناء
أجابته بصوت نائم لا تعى حتى مع من تتحدث
حسين بغضب : فوقى يا زفته إنتى
حسناء 😲: مين فين جرى إيه
- بقينا الفجر اصحى وصحى جوز المهابيل اللى عندك وانجزو خلونا نسافر
- 😯إحنا لحقنا ننام
- 😠عنكم ما اتزفتو دا أنا متهنتش على نوم من تحت راسكم بقى مخمودين فى سراير ومش عاجب وأنا اللى رقبتى اتقطمت من النومه فى العربيه إيه عادى
- طب بالراحه روق ودقايق وننزل
- اخلصو يلا على ما أصلى الفجر تكونو جهزتو وصليتو ووافقين قدامى خلينا نروح على خير
- حاضر
أغلقت الهاتف معه لتوقظ صديقتيها ويقمن بجمع اشيائهن والإغتسال والصلاه والنزول لحسين ليجدنه أنهى صلاته وينتظرهن بالسياره
ركبت أريج بجواره بينما جلست حسناء وحبيبه بالخلف
كان يصب كل تركيزه على الطريق اما هيا فتصب تركيزها عليه
أريج بحب : حسين
حسين بملل : خير
- هتفضل ساكت كده كتير
- مهو يا تكلم يا أسوق إختارى
- اتكلم وانت سايق
- مينفعش عاوز أركز عشان الطريق طويل تحبى نروح سولام ولا نلبس فى شجره
- يوووه
- إرغى مع حبيبه وحسناء ولا بصى من الشباك زيهم ولا أقولك نامى أحسن
أنت تقرأ
صبرنى ياااارب
Romansaرفض الزواج بلا حب فسقط أسير عشقها الذى أرهقه فهى لا تكف عن تحديه ولا تثق به مع حياة هؤلاء المجانين نبدأ قصه جديده
