عاشق الدهب الجزء الثاني من رواية العشق المُر للكاتبه هدى زايد ❤️

الفصل السادس

الفصل السادس
——————
سبته وسمع سُبابها كادت تقتلع عيناه أثر ماسمعه ماالذي قالته تلك المجذوبة لا بل وقاحة
ألقى نظرة سريعة قبل أن يدخل مرة أخرى إلى غرفته
جلس على طرف الفراش يعاتب نفسه بين اللحظة والأخرى بغيظ شديد
-مش ال غلطان رايح أعتذر لوحدة متخلفة زي دي !!

كاديكمل حديثه ولكن قاطعه طرقات باب الغرفة
طل برأسه داخل الغرفة ثم تحدث بهدوء وهو يدخل الغرفة
-إنت لسه صاحي ؟

إبتسم "زين" له وتحدث معه وهو يشير بيده كي يجلس مقابلته على المقعد
-تعال ياسليم أنا هاصلي الفجر وهانام تعال

إبتسم "سليم" ثم جلس على المقعد وتحدث مع بخفوت وهو يحرك الخاتم من أصبعه ليخفي توتره الشديد
-زين أنا عاوز أتكلم معاك في موضوع مهم

عقد زين مابين حاجبيه وتحدث بفضول
-خير ياسليم قول أنا سمعك

تنحنح وهو يقول بخجل
-كنت عاوز أشتغل عندك أي حاجه أنا معايا بكالوريوس

قاطعه زين بعدم فهم
-هو إنت ليه مطلبتش من سلمان يرجع لك حقك ؟

إبتسم "سليم" بطرف فمه وتحدث بنبرة ساخرة
-وهو فين حقي دا يا زين ؟!! هو إنت ناسي إن كنت في السجن وأتصرف عليا كتير دا كتر خير سلمان دفع من جيبه كتير وغير ماعمل لي فوق شقة وفرشها وبيني وبينك مش اتقل عليه أكتر من كدا وأعمل له مشاكل مع عصمت

سأله " زين" بعدم فهم
-إيه دخل عصمت في الموضوع

ثم تابع حديثه بتذكر
-إنت خرجت ازاي من السجن ؟

أجابه بجدية
-سلمان ربنا يديله الصحة فضل وار ناس كتير قوي لحد لما خدت عفو وطلعت أول يوم رمضان رغم إن صعب أطلع بس هو عافر كتير
-ودا مسبب لعصمت مشاكل مع سلمان ليه بقى ؟!
-عصمت بتقول إن أنا واحد ملوش أمان وإن طالما اتفقت على أخويا زمان عادي أعمل كدا دا دلوقتِ فمن الأفضل أسيب البيت وأمشي وبصراحة مش عاوز سلمان يعرف مش عاوز أكون سبب مشاكل تاني

ربت "زين " بحنو على ساقه وقال بحنو
-متزعلش عصمت مش قصدها حاجه هي مدب وبتحدف توب بس جوها طيبة
-مش زعلان يازين هي معاها حق بس أنا مش وحش زي ماهي فاهمة يمكن كنت ناوي أعمل كدا بس الله يرحمها بقى مراتي كانت عاملة زي ال عاملة لي سحر واحد مغيب تماما يمين يمين شمال شمال لكن لاقتل في دمي ولاغيره

ثم أطلق تنهيدة وقال بلامبالاة
-سيبك من دا كله مبقاش يفرق خلاص ال يفرق دلوقتِ أشوف شغل مناسب تتدخلي مبلغ كل شهر أكل منه شغلني اي حاجه إن أكنس وأمسح المكتب بتاعك ولا

قاطعه زين بنبرة حادة تحمل بين طياتها القليل الغضب
والحدة
-سليم إنت بتقول إيه عيب يا جدع إنت إبن عمي وإن شا الله
ال في الخير  يقدمه ربنا قوم يلا عشان نصلي الفجر