عاشق الدهب الجزء الثاني من رواية العشق المُر للكاتبه هدى زايد ❤️

الفصل الثامن والعشرون

بشكر كل ال سأل عليا خاص هنا في الجروب
رديت على ال قدرت أرد عليه وبعتذر للباقي
عن عدم ردي هارد عليهم إن شاءالله

الحلقه دي هديه مني ليكم أنا بكتب في الخاتمه وخلاص بس بجد مش عاوزة اكتبها عشان م عاوزها تخلص لأن دي هاتكون آخر رواية ليا في الوقت الحالي هاخد أجازة طويللللله
اسيبكم مع الفصل

الفصل الثامن والعشرون
—————————
-إنت مين ؟

أردفت "دهب" سؤالها وهي تقف من فوق مقعدها
بعد أن نفذ صبرها من حديث " بدر"
بينما هو اجاب على سؤالها بجدية ممزوجة بغرور مصطنع
-أنا بدر الناجي كبير منطقة الناجي

زفرت بحنق وهي تقف من فوق مقعدها وراحت تقول بضيق شديد
-تشرفنا، وشكراً لخدمات حضرتك

قاطعها الجد قبل أن تضيف على حديثها الوقح كما قال
وصفعها صفعة مدوية وقبل أن يصفعها الأخرى أستوقفه
"بدر" وهو يتحدث بنبرة هادئه ممزوجه بمرح كي يهدئ
الوضع
-كفايه عليها قلم ياعمي مش هاتستحمل دي كفايه الخريطة ال في  وشها

قاطعته بغيظ شديد وهي تتحدث بغضبٍ مكتوم
-وإنت مالك هو كان حد عينك محامي !!

نظر لها نظرة شرسه وحاحب مرفوع عن الآخر وراح يقول بجدية ممزوجة بغيظ
-أنا هاسكت عشان كلامي مش هايعجبك

ابتسمت له إبتسامة مزيفه وقالت بنبرة ساخرة
-يكون أفضل بردو

أطلق تنهيدة طويله وهو ينظر لها جلس على المقعد بعد  ما أجلس الجد بجانبه تحدث معها بنبرة حاده
-بصي يابنت الناس عشان نبقى على نور من أولها طولك لسان أنا مبحبش وأقعدي كدا واهدي وقولي حصلك إيه

نفذ صبرها وجلست أمامه وهي تسبه وتلعنه بداخلها
عقدت ذراعها أمام صدرها وتحدثت بهدوء مصطنع
-هديت أهو خير بقى ؟

سألها بجدية متجاهلاً طريقتها التي استفزاته كثيرا
-جوزك ناصر عمل كدا ليه

أومأت برأسها بالنفي وهي تتحدث بحزن
-مش ناصر ال عمل فيا كدا

سألها جدها بنبرة حائرة
-اومال مين

أجابته بقهر وحزن
-ماحدش ياجدو

كاد يتحدث ولكنها قاطعته تابعة برجاء
-وحياتي ياجدو بلاش تتكلم في الموضوع دا أنا ماصدقت أنسى ال حصل

حديث طويل بين مدوجزر من "الجد و بدر" في إقناع دهب
بأن تتحدث كي يتحرك "بدر" في رفع قضيه
ولكنها اعترضت هذه الفكرة وأخبرتهم بأنها انفصلت عن
ناصر وأن خلال أيام قصيرة سوف تحصل على وثيقة الطلاق
تفاجأ الجد من هذا الخبر وأم يعرف هل هذه الكدمات التي تسببت في الانفصال أم حدث الانفصال قبل الضرب المبرح
ذهب "بدر" بعد أن طلب من الجد ودهب حضور نقل منقولات شقيقته
رحب الجد بالفكرة ووعده بأنه سوف يحضر ولن يتاخر وأنه بحاجه هو حفيدته جوا كهذا
نظر الجد إليها وجدها شاردة في عالم آخر
صمت لحين إشعار آخر  ...!!!!