شظايا شيطانية~للكاتبة صرخة المُشتاقه

٣٩

◦•✖ || البآرت التاسع والثلاثون || ✖•◦•.

إبتسم وتقدم بعد ما كان واقف تقريباً وراهم وجلس على كنبه تقابلهم ..
تكى بإيده على ركبته يقول: وااااه .. السالفه خطيره ..
عقد حاجبه أبوه وقال: أصيل ..؟!
أصيل بإبتسامه: سم يبه ..
الأب بهدوء: من الأدب الواحد يستأذن قبل ما يدخل مو يوقف يتنصت صحيح ..؟!
إبتسم له أصيل بدون رد بعدها طالع بعمته ملك يقول: قتل ..؟! وااه أنا فعلاً إنسان محظوظ .. نادر بهالأيام واحد سمع بحياته عن قريب له إنقتل .. أنا إنقتل لي صديق واللحين زوجة زوج عمتي كمان إنقتلت .. صرت أؤمن إن القتل منتشر بمُجتمعنا ..
تنهدت ملك وقالت: أصيل حبيبي .. الكلام اللي سمعتَه يُفضل ما يطلع برى .. إنسى الموضوع وشكلك راجع تعبان وهذا واضح من وجهك .. خذلك دُش وإستريح لك شوي ..
أصيل: هههههههه مشكوره على طردتك يا الغاليه أخت الغالي .. بس فضولي جرح كرامتي ويغصبني أجلس شوي ..
إبتسم وكمل قبل لا يقاطعونه: وإيش حكاية حُسام هذا ..؟! تقولي ولد اللي ماتت وإنك أرسلتي أحد يسأله إن كان يعرف شيء أو سمع شيء من خاله .. غريبه مُهتمه بموضوع اللي قتلها ..؟! ههههههه لو أنا ما بهتم ولا بأعطيها جزء من إهتمامي .. الموضوع فيه إنّ .. يا حبيبتي إنتي أرضي فضولي ربي يسعدك ..!
قال آخر جمله كطلب فتنهدت ملك في حين قال أبو أصيل: أصيل إطلع لغرفتك ..
أصيل: واااه .. كرامتي في تدهور فضيع ..
وقف قبل لا يتكلم أبوه وهو يقول: من عيوني يا الغالي فلا تجرحني أكثر ..
أشر لهم بإيده يقول: سلام ..
وبعدها خرج من المكان وإتجه للدرج ..
وقف لما شاف أخته ساند ظهرها على الجدار وبإيدها كوب وشكلها سرحانه ..
طالعها شوي بعدها تقدم وأسند ظهره على الجدار المُقابل يقول: تذكري الشاب اللي دخل لبيتنا عشان يسرق ..؟!
صحيت من سرحانها وطالعت فيه فإبتسم يقول: ذاك الشاب طلعت وراه سالفه طويله .. هو ولد زوجة عزام .. مو على أساس أمه ميته ..؟! طلعت مقتوله مو ميته ..
عقدت حاجبها فكمل: عمتي مدري ليش مُهتمه تعرف مين قتل هالحرمه .. أرسلَت واحد لذاك الشاب حتى يسأله .. بصراحه أنا مُستغرب من هالإهتمام ..
إبتسم وكمل: ومنصدم من حقيقة إن عزام أصلاً متزوج غير ملوكتنا ..
يارا بهدوء: عرفت من قبل إنه متزوج وحده بعدها ..
أصيل: وااه شكلي آخر من يعلم .. دام عندك خبر .. فبأسألك عندك فكره عن اللي قتل هالحرمه ..؟!
طالعته بهدوء فضحك يقول: سوري بس توقعت عندك فِكره بما إنك تعرفي المُجرمين وتتستري عليهم ..
إبتسم بعدها لف وطلع الدرج وهو يتخطى بعض الدرجات ويارا تطالعه بهدوء ..
شربت شوي من كوب الحليب حقها واللي أخذته حتى تصبر نفسها لحد ما يجهز الأكل اللي طلبته من الخدامه ..

▒▓ ×✖• ►︿︿︿︿︿︿︿︿︿︿︿︿◄•✖× ▓▒

صباح يوم الإثنين ..
وفي فترة فسحة الطالبات ..
جلست مع الشله وقدمت خبز بريك وعصير برتقال لترف وهي تقول: بس كان المفروض تمسكي نفسك شوي ..
فتحت ترف الخبز وبدت تاكل من دون لا ترد ..
تنهدت الثانيه وقالت: ترف والله الأبلات ما بيعدوها لك في كُل مره .. شكلك تبغي تنطردي ..
إبتسمت ترف بسخريه وقالت: أحسن ..
ميعاد: والله ما عرفنا لك .. إنتي تبغي المدرسه ولا لا ..؟!
عهد: ما بقي كثير على الإمتحانات .. إمسكي نفسك شوي ..
ميعاد: وشو تمسك نفسها ..؟! لا ويييين تروف اللي نوت ترجع رجعه قويه ..!! شفيك من أول جمله شبيتي بوجهها بكل عصبيه ..!!
ديما: لأن أصلاً كلام صمود كان مُستفز .. وكمان كان واضح إن نفسية ترف مدري شفيها اليوم ..
ميعاد: طيب تروف شرايك نروح لهم أنا وإنتي اللحين ..؟!
عهد بصدمه: مجنونه إنتي ..!!! ميعاد خليك عون لصاحبتك مو فرعون .. إنتي سامعه أبله أشواق وش قالت .. المره الجايه ما بتعدي على خير ..
ميعاد: إحنا بالفسحه .. محد بيدري عنا ..
ديما: لا تنسى البنات اللي من يشوفوا هوشه يجروا للإداره ..
ميعاد بقهر: أكره هالنوعيه .. يتسابقوا عالفتنه ..
ترف: ما عليك .. ناويه لهم نيه مو طبيعيه هالحيوانات .. بس خلوا الوضع يهدي شوي .. وخلونا نختار وقت مناسب ..
ميعاد وهي تصفر: إيوووه هذه هي ترف ..
عهد: ترف طنشيهم أفضل .. لا تصغري عقلك ليهم ..
ترف بحِده: هالأيام نفسيتي زفت يا عهد .. تطنيش ماني مطنشه .. راضيه بعقلي يكون صغير ماشي ..!
ديما: خلاص هدوا شوي .. وإنتي يا ترف شفيك هاليوم ما تتحملي أي كلمه ..؟! شصاير لك ..؟!
طنشتها وبدت تطالع في البنات ..
مقهوره .. من ذاك اليوم حاسه بقهر مو طبيعي ..
تأكدت إن الأبواب كُل مالها تنغلق بوجهها ..
من طفولتها والعالم أغلبه يعايرها بجنسية أُمها ..
إبتسمت بسخريه .. اللحين إكتملت من بعد ما جت الشرطه لبيتهم عشان يحققوا بموضوع حُسام ..
العماره بكُبرها بدت تتكلم بالموضوع .. لدرجة وصل الموضوع للعماره اللي جنبهم ..
شدت بأسنانها على المصاص بقهر بعدها نزّلت العصير على الأرض تقول بقهر: مدري على وشو شايفه نفسها ..؟!! تحمد ربها أصلاً إن السعوديه إستضافتها ببلدها بعد ما كان مُشرده .. مالها حق تنتقد السعودين .. المفروض نطون تاج على رووسهم ..
ميعاد: ترف عن وشو تتكلمي ..؟!
ترف: عن وحده عبيطه سوريه بالحي حقنا .. شايفه نفسها إنها مره فوق وجالسه تنتقدني .. تنتقد عايلتي ومن هالكلام اللي يسم البدن ..
ميعاد بصدمه: وشو ..!! على وشو شايفه نفسها ..؟!!
ترف: أنا أدري عنها ..!! تقهر ..
عهد: بس ترف الكلام اللي قلتيه قبل شوي مو كويس .. يعني ...
قاطعتها ترف: أنا أسب اللي أبي وبالطريقه اللي أبي .. أنا وقحه ماشي ..؟!
وبعدها قامت ورمت علبة العصير في الزباله القريبه وراحت تمشي للحمامات وهي تتمتم بشتم وسب ..
ميعاد: يمكن يكون هذا سببعصبيتها اليوم ..
ديما: تعرفي ميعاد .. كان المفروض ما تأيدينها على كلامها .. لو كنتي بمكان هالحرمه السوريه وش بيكون شعورك ..؟!
ميعاد بلا مُبالاه: أحسن .. البادي أظلم .. ماقد سمعتي بهالمثل ..؟!
تنهدت عهد وهمست: ما تمنيت إنكم توصلوا لهالدرجه في الإستهزاء على الناس ..
مطت ميعاد شفتها ولا ردت ..
ديما تغير الموضوع: يعني صدق الكلام اللي قالته روابي زميلة صمود ..؟!
ميعاد: أكيد صح .. روابي تسكن في نفس الحي حق ترف ..
ديما: أجل اللي يعينها ترف .. سالفة يطلع لهم أخ مدري من فين ويكون بعد قاتل ..!! هذا كثير عليها ..
ميعاد: وذيك الوقحه صمود ما صدقت على الله وأنواع الكمات القويه الوقحه ..
عهد: بصراحه ... أشوف إنها هي اللي جابته لنفسها ..
طالعوا فيها فكملت: هي زميلتي وربي أعزها بس الغلط غلط .. هي ما شاء الله ما تركت أحد ما إستهزئت عليه وآخرتها هالسوريه وفي النهايه ما تبغى أحد يستهزء عليها ..!!
ميعاد: بس يا عهد من اللي بدى ..؟!! ترف ما صارت كِذا إلا من الأشياء اللي تشوفها والكلام اللي تسمعه .. تبغينها تظل ساكته ..!! لا وربي ما تسكت ..
عهد: بس لو إحتسبت لله وصبرت مو أفضل ..؟!
ميعاد: يا أُمي طيري ..!! مين في هالزمن يرحم حتى تصبر عليه ..؟! عقلك مدري وش فيه هاليوم ضارب حبتين ..
ديما تغير الموضوع: سمعتم وش صار على أبله غاليه ..؟! يقولوا هي غابت عشان جنينها طاح ..
ميعاد بصدمه: قولي قسم ..!!!