.•◦•✖ || البآرت الخمسون || ✖•◦•.
قبل أربع ساعات ..
كانت جالسه بغرفتها عالسرير واللاب حقها قدامها ..
أخذت قرارها وأخيراً مع هالمُهكر الغبي ..
فعشان كِذا دخلت النت تدور على رقمهم ..
تذكر جتها رساله بالواتس عن هالموضوع بس بما إن جوالها قد إنسرق بإندنوسيا فذاك المقطع خلاص طار ..
فعشان كِذا بتدور عليه بالنت ..
وقفت عن البحث بعد ما لقيت الموضوع المُناسب بإحدى المُنتديات ..
تكتفت وظلّت تقرأ الكلام وتتأكد إنه مثل ماقالوا عنه ..
سحبت جوالها .. ترددت شوي بعدها دقت على الرقم ..
حطت الجوال على أذنها وإنتظرت الرد ..
وفعلاً جاها الرد من شاب تكلم بالبدايه برسميه ..
ترددت مره ثانيه وقالت: أممم .. لقيت رقمكم ... بإنكم يعني تساعدوا أي بنت متعرضه لإبتزاز وبسريه ..
رد عليها: إيوه أختي مثل ما قلتي .. إنتيإعرضي علينا مُشكلتك وراح نحلها لك بسريه تامه بعيداً عن الأهل حتى ما نتسبب لك بمشاكل .. أي نوع كان من المشاكل .. إبتزاز أو تحرش أو غيرها .. وش مشكلتك أختي ..؟!
ترف: اممم فيه مهكر .... قبل فتره هكر كُل حساباتي في مواقع التواصل الاجتماعي .. بدأ يهددني فيهم .. و ... تجاهلته .. حتى إني حظرت رقمه وبعدها حذفته فصار يتواصل معي برقم ثاني ... طلب مني من قبل أقابله بإستراحه وحدد لي المكان والزمان بس ما رحت ... بعدها بفتره سبب لزميلتي مُشكله مع أهلها .... طلب مني مره ثانيه أقابله وبرضوا ما رحت وهالمره سبب لجار عندنا بفصله من عمله .... واليوم الصبح أرسل لي رساله بإنه يبغى يقابلني بوحده من المجمعات التجاريه بالمغرب فـ... كنت خايفه أرفض وهالمره يتأذي أهلي ... فمدري وش أسوي .. يعني ...
وبعدها سكتت .. ظل الرجال ساكت شوي ولما حس إنها أنهت كلامها قال: ماشي .. تعرفي شيء عنه ..؟! غير عن إنه مُهكر ..؟!
ترف: لا ..
الرجال: يعني ما تملكي غير رقمه ورسايله ..؟!
ترف: إيه ..
الرجال: طيب هذا كويس .. عطيني الرقم ..
ترف: طيب دقيقه ......... ياللا خذ .. 0542****** ..
الرجال: ماشي ماشي .. لا تحذفي الرسايل من جهازك .. وعطيني العنوان اللي طلب منك إنك تقابليه فيه اليوم المغرب ..
ترف: مركز عزيز مول بالكافتيريا بالدور الثاني .. الساعه ست ..
الرجال: طيب .. هو هددك بصور كانت بحسابك أو ...
قاطعته ترف: لا .... بس يهددني بإني لو ما سمعت كلامه بيآذي أحد من أقاربي وكِذا يعني وهذا فعلاً اللي صار .. وغير كِذا مالي صور واضحه بالمواقع .. وحتى لو لقى صوره وفربكها وأرسلها لأهلي فبأقدر أشرح لهم الوضع وبيتفهموني .... بغيت كمان أخبرهم عن هالمُشكله بس ترددت .. مدري مو قادره أتخيل ردة فعلهم وخصوصاً إن الموضوع له أكثر من شهر ونص تقريباً .... وغير كِذا ما أضن يقدروا يصلحوا شيء معه .... هالمُهكر شخص مُستفز وذكي ونذل ..
الرجال: ماشي .. طيب مُمكن تعطينا إسمك ..؟!
ترف: ترف عزام الواصلي ..
الرجال: طيب يا أخت ترف .. دقايق ونرجع نتواصل معك مره ثانيه .. على نفس هذا الرقم صحيح ..؟!
ترف: إيوه ..
الرجال: طيب طيب .. في أمان الله ..
ترف: باي ..
وقفلت الجوال ..
أخذت نفس عميق وبعدها قالت: إن شاء الله يوصلوا لحل مع الحقير هذا ..!
إنسدحت على ظهرها وطالعت بالسقف لفتره ..
أخذت نص ساعه سرحانه بأفكارها وبعدها جلست بسرعه لما دق جوالها ..
معقوله بيردوا عليها بذي السرعه ..؟!
ردت تقول: ألو ..
الرجال: أخت ترف الواصلي ..؟!
ترف: إيه إيه أنا ..
إبتسم بعدها بدأ يكلمها ..
أنت تقرأ
شظايا شيطانية~للكاتبة صرخة المُشتاقه
Romanceإستهتار .. لا مبالاه .. إنعدام المشاعر .. قسوه .. إجحاف .. واخيرا .. ضمير ميت .. ولأسباب ... غير معروفه .. صفآت شاب بلغ الرابع والعشرين قبل 22 يوم بالضبط .. شاب أقل ما يُقال عنه بأنه .. âک شيطان على هيئة بشر âک يمتاز بقدر كبير من الوسامه التي استع...
