شظايا شيطانية~للكاتبة صرخة المُشتاقه

٦١

‎.•◦•✖ || البآرت الحادي والستون || ✖•◦•.

‪الساعه ١١ الليل‬ ..‬‬‬
وفي قصر أُم أُسامه ..
جالسه الأُم ملك على الكنبه وبإيدها جوالها تدق أكثر من مره على جهاد ولكن مافي رد ..
قفلت جوالها بعد المُحاوله العشرون وعضت على طرف شفتها والتوتر واضح في وجهها ..
تنهدت آنجي واللي كانت جالسه قريب منها والسماعات على إذنها وقالت: مام خلاص بطلي قلق .. قلت لك جهاد يعرف عن مكان كِرار فليه شايله هم ..؟!
طالعت بأُمها وكملت: والموضوع كُله شكله هوشه صارت لكِرار وبيطلع من المُستشفى ..
رفعت حاجبها وكملت بشيء من السُخريه: هذا من دلعكم الزايد له .. يعني لو خليتوه من طفولته يعتمد على نفسه ويدافع على نفسه كُل ما ضربه أي طفل كان كبر وهو يعرف كيف يدافع عن نفسه مو من هوشه يدخل مُستشفى ..!!
طالعتها ملك تقول: وليه طوّل في المُستشفى ..!! جهاد جاء هنا وهذا يعني بإنه جاء وكِرار بالمُستشفى وبعدها رجع له .. لو أُصيب برضوض وجروح من الهوشه كان بس إسعافات سطحيه له وخرج من وقتها ..!! آنجي وربي حاسه إن الهوش ذي مو عاديه ..!! أكيد الموضوع فيه سكين ولا شيء وتعرفين هوشات شباب هالأيام ما ينمزح فيها ..
تنهدت آنجي وتركت جوالها تقول: مام أنا قلت لنفسي كِذا في البدايه بس يعني لو الموضوع خطير كان ما تركه جهاد وجاء هنا يدور عن أُسامه ..!! وكمان ما كان هيخبي علينا هالشيء ..!! إحنا أهله في النهايه ..
طالعتها أمها شوي بعدها لفت وجهها ولا علقت ..
حاسه إنه صار شيء مو عادي وأكيد بما إن جهاد لسى شايل بخاطره منها ما علمهم ..!
فعشان كِذا تحاول تتصل فيه وتعرف ..
لحضه .. هو ما يطنش إتصالات أبوه ..!!
رفعت جوالها ودقت على عزام عشان يدق عليه ويعرف الموضوع ..
حطت الجوال على إذنها وشوي سمعت رن جواله قريب ..
قفلت ولفت فإذا هو داخل لعندهم ..
قامت آنجي وراحت له تقول: داااد آي ميس يو ..
وتعلقت برقبته ..
طالعها بنص عين يقول: ليه نزلتي من غرفتك ..؟!
عقدت حاجبها بعدها تذكرت العقاب القديم ذاك ..
ضحكت غصب عنها تقول: بابا أنا بنفسي نسيت فكيف إنت تتذكر ..! حتى لما عرفت إني رحت لحفل ميلاد أصيل ما قلت شيء ..
تنهد وتقدم يجلس على الكنب فراحت وجلست جنبه ..
مدت أصبعها تنغز خده وهي تقول: داد إنت لسى زعلان صح ..؟! ياللا خلاص أوعدك ما أكررها ولا مره .. ياللا عقاب إنو مالي سواق خاص هو عقاب كافي صح ..؟! ترى كذا مره بغيت أخرج وسواق حلا ينفس في وجهي ويا عليه أسئله تجيب المرض .. وسواق ماما ما يطالع في وجهي أصلاً .. وربي شيء يقهر ..
طالعها يقول: تستاهلي .. عشان قلة أدبك ذاك اليوم ما عاد تكرريها ..
آنجي: وربي توبه خلاص ..! تعلمت من درسي وقسم ..
إبتسمت تقول: ها داد .. شكلك رضيت ..؟!
طالعها شوي بعدها لف يطالع في ملك اللي كان واضح تبغى تكلمه بس تنتظرهم يخلصوا ..
عزام: شكنتي تبغين ..؟!
طالعته ملك شوي بعدها قالت: أبغاك تتصل على جهاد تسأله عن كِرار ..
عقد عزام حواجبه يقول: وليه أسأله عن كِرار ..؟!
طالعت ملك في آنجي فتكلمت آنجي تقول: جهاد أمس قال لي إنو كِرار دخل بهوشه مع شباب ودخل المُستشفى ..
إندهش عزام يقول: كيف كِرار يدخل بهوشه ..؟!! من متى وهو من هالنوع ..؟!
هزت آنجي كتفها فقالت الأم: أتصل على كِرار ومُغلق جواله .. أدق على جهاد ولا يرد فبالله دق عليه وشوف وش الموضوع اللي خلى كِرار يدخل المُستشفى .. خايفه يكون الموضوع كبير يا عزام ..
طلّع عزام الجوال من جيبه ودق على جِهاد ..
خمس دقات تقريباً بعدها رد جهاد يقول: هلا يبه ..
عزام: كيفك جهاد ..؟!
جهاد: الحمد لله بخير عساك طيب ..
عزام: جهاد وش موضوع هوشة كِرار هذه ..؟! صدق ولا تضحك فيها على أختك ..؟!
رفعت آنجي حاجبها تقول بهمس: أنا ما ينضحك عليّ ..
سكت جهاد شوي بعدها قال: يبه وينك اللحين ..؟!
عزام: بالبيت ..
جهاد: خلاص يبه بأجيك بُكره الصبح وأقولك وش صار ..
بدأ عزام يقلق وقال: جهاد وشو بُكره تجيني وتقولي عاللي صار ..؟!! جهاد وش الموضوع ..؟!
جهاد: يبه لا بس لأن الوقت اللحين بالليل .. بُكره أقولك وإن شاء الله خير يبه .. ياللا مع السلامه ..
وقفل قبل لا يعترض عليه أبوه ..
قفل أبوه جواله فقالت ملك بقلق: وش صار ..؟! الموضوع كبير صح ..؟!
عزام وهو يدخل الجوال بجيبه: لا مو كبير .. ياللا طالع أنام ..
وقف فوقفت ملك تقول: عزام لا تضحك عليّ ..!!! واضح إنه فيه شيء .. طالعني وجاوبني ..!
عزام بإنزعاج: يا كثر حنتكم إنتم يالحريم ..!! قلت مافي شيء .. تصبحون على خير ..
فتحت ملك فمها بتتكلم بس أشرت لها آنجي بإنه خلاص ..
لف عزام بيروح فإبتسمت آنجي تقول: وإنت من أهله ..
وبعدها خرج فلفت آنجي على أمها تقول: مام خلاص بتخليه يعصب كِذا .. بُكره إسأليه مره ثانيه ..
جلست الأم على الكنبه بتوتر وهي تقول: واضح إنه فيه شيء .. حاسه بهذا الشيء ..
آنجي بهبل: أوووه قلب الأم ها ..؟! واااه أول مره أحس مام أم مثل بقية الأمهات ..
ضحكت وكملت: لا مام خليك مُختلفه ..
ملك بعصبيه: آنجي أنا مو رايقه لك فخليك ساكته ..!!!
تأففت آنجي وقالت: بروح أنام بدري مثل الدجاج أبرك لي ..
وراحت لجهة. الباب وهي تهمس: كريزي وورلد ..
* عالم مجنون *