Ren's Untitled Story [一战]

Chapter VIII (U)

(Suggest song - Right time)

ပုံပြင်တွေမှာ အချိန်ရှိသလား... ။

ယိပေါ်တို့ လက်တွေ့ဘဝတွေမှာတော့ အချိန်တွေကို ရပ်ထားလို့ မရခဲ့ဘူး..
ရက်တွေကနေ လ တွေ ဖြေးဖြေးချင်း ကုန်ဆုံးလာခဲ့တယ်.

ဒုတိယနှစ်ဝက် သင်ခန်းစာတွေ စ နေခဲ့ပြီ။

မြောက်ပြန်လေဟာ Nakano ထဲ ဖြေးဖြေးချင်း ဝင်လာခဲ့ပြီ.

နှင်းမှုန်လေးတွေ မမြင်ရသေးပေမယ့် ဆောင်းလေကိုတော့ သိသိသာသာ ခံစားနေရတယ်. ညဘက်တွေဆို လမ်း မပေါ်မှာ လူတွေ ကျဲပါးလာတယ်..

Nakano ရဲ့ ပထမဆုံး ဆောင်းဦး ။

အချိန်တွေက အကုန်မြန်ပါတယ်.
ကိုကို့ ဒဏ်ရာတွေကို ကုစားပေးရင်း၊ အတူတူ ရှိပေးရင်း..

ကိုကို့ အပြုံးတွေက ဟိုးအရင်တုန်းကအတိုင်း ပြန်လတ်ဆတ်လာခဲ့ပြီ.
ဆောင်းဦးရဲ့ Anemone ပန်းတွေ အတိုင်း.. ။

ဘုရားကျောင်းတွေကို မကြိုက်တတ်တဲ့ ကိုကိုက
Shirakawa ဘုရားကျောင်းကိုတော့ လိုက်ပို့ပေးဖို့ ခဏခဏ ပူဆာတယ်.

ဘာလို့ဆို.. အဲဒီ့မှာ ပီယာနိုတီးရလို့ ။ ကိုကို့ အိမ်မှာလည်း ပီယာနို ရှိပေမယ့် အိမ်မှာ တီးရတာ မကောင်းဘူးတဲ့.

နှင်းတွေမကျသေးတော့ နှင်းလျှောသွားစီးလို့ မရသေးဘူး . သွားစီးကြဖို့တော့ နှစ်ယောက်လုံး တိုင်ပင်ပြီးပြီ.

" ယိပေါ်.. စောင့်နေရတာ ကြာပြီလား
ဆိုင်ထဲ ဝင်ခဲ့တာ မဟုတ်ဘူး.. "

ကိုကိုက ဆိုင်ထဲက ထွက်ထွက်ချင်း အပြုံးလေးနဲ့ မေးတယ်.

" ဟင့်အင်း၊ အပြင်က စောင့်ချင်လို့ "