Ren's Untitled Story [一战]

Chapter XIX (U)

( Suggest song - Chisana koi no uta )

ကြိုတင်စီစဉ်ထားတဲ့အရာတွေက အမြဲနှောင့်နှေးတတ်ပြီး မစီစဉ်ထားရင်တော့ အလျင်အမြန် ဖြစ်သွားတတ်တာ သဘာဝပဲ..

အလုပ်ကို ခွင့်ယူဖို့ ခက်ခဲနေတာရယ်..
နှစ်ယောက်စလုံးက ရှက်နေတာရယ်..
နောက်ပြီး..

မေမေ့ ဈာပနကြောင့်ရယ်..

လက်ထပ်ပွဲက ထင်ထားတာထက် ပိုနောက်ကျသွားခဲ့ရတယ်.. ။

လက်ထပ်ဖို့ ရက်သတ်မှတ်ပြီးမှ မေမေဆုံးတာလား..
မေမေ ဆုံးပြီးမှ လက်ထပ်ဖို့ စီစဉ်ကြတာလား ဆိုတာတော့ သူသေချာ မမှတ်မိချင်တော့ဘူး ။

ကြားထဲမှာ တော်တော်နောက်ကျသွားခဲ့ရတာပဲ သိတော့တယ်.. ။

လက်ထပ်ပွဲဟာ Kurashiki က ဘုရားကျောင်းလေးမှာ..

လက်ထပ်ပွဲလို့ ဆိုရလောက်အောင် တကယ်တော့ လူက နှစ်ယောက်တည်း..
သူရယ်.. ကိုကိုရယ်.. ။

မှတ်မိသလောက် အဲ့ဒါဟာ ဆာကူရာတွေ ပွင့်ဝေနေခဲ့တဲ့ နွေဦး.. ။

ကိုကို့ မျက်နှာကလည်း ဆာကူရာတွေနဲ့ အပြိုင် ပန်းရောင်ခြယ်နေခဲ့တယ်..

သင်းအုပ်ဆရာဟာ Wedding Vows ကို အကြာကြီး ရွတ်တယ်..

ကောင်းသည်ဖြစ်စေ..
ဆိုးသည်ဖြစ်စေ..

ကျန်းမာသည်ဖြစ်စေ..
နာမကျန်းသည် ဖြစ်စေ..

....

ရိုးမြေကျ..

~

"..You may kiss your groom.. "

" .... "

အားယူပြီး ပင့်သက်ရှိုက်လိုက်တယ်..

ရှည်လျားတဲ့ ဒီခရီးရဲ့အဆုံး... ။

တကယ်တော့ တစ်သက်လုံး လွှတ်မချဖို့ ဆိုတဲ့စကားဟာ ကတိတွေထက် ပိုခိုင်မြဲနေခဲ့တယ်.

အဲ့ဒီနေ့က..

ဘယ်နေရာ ကြည့်ကြည့် မျက်နှာမလွှဲနိုင်လောက်အောင် ပွင့်ဝေနေတဲ့ ဆာကူရာ ပွင့်ဖတ်တွေ..

_

" ဟာကွာ.. ကိုကိုကလည်း
မပြီးသေးဘူးလား "

" ပြီးပါပြီ ဒီတစ်အိုးပဲ. မင်းမရွှေ့ချင် ဖယ်..
ငါရွှေ့လိုက်မယ် "