ذات النقاب

"الفصل العاشر"

Part(10)
"بسم الله"
_______

هدير بحنية
"حبايبي الحلوين، بتعملو اية لوحدكم؟"

مروء من غير م تبصلها قالت بعتاب:
"لا إحنا زعلانين منك يا مامي"

هدير بصتلهم بحزن مصطنع وقالت:
"لية بس يا روح مامي؟"

بصلها مؤمن بزعل وقال:
"عشان انتي سيبانا من الصبح، ومش اهتميتي بينا"

ابتسمت هدير بخفة علي أخواتها وقالت:
"يروح مامي انت، مش انت راجل والمفروض مش تحتاجني؟ صح ولا لا؟ مامي بس كان مشغولة شوية، بس انا عملالكم مفاجأة، تعالو نشوفها يلا"

ومسكت ايدهم وراحت ل الجناح الخاص ب العيلة، خبطت علي الباب، وبكل احترام وقفو الاغاني ووقفو يسمعوها

هدير بهدوء:
"أحب اعرفكم، مؤمن ومروء، آخر العنقود"

ابتسمت روز بفرح، وراحت عليهم عشان تحضنهم الاتنين، وقالت بسعادة بالغة:
"يغوحي (روحي) إنتو، عاغفة (عارفة) يا مغوء (مروء) انا كنت شبهك اوي وانا صغيرة، اة والله"

ضربتها ندي علي قفاها بمرح وجدية مصطنعة وقالت:
"يعني انتي لدغة في الراء ومشاء الله بتقولي كلمات كلها حرف الراء، هيبتك يماما تروح قدام العيال كدة، عيب"

أبتسم مؤمن بخبث ومسك ايد روز وقال:
"مس، هو انتي ممكن تقولي أمر أمير الأمراء بحفر بئر في الصحراء؟"

روز بصتلة بضيق وسابت ايدة وقالت:
"انا صحيح لدغة، بس مش غبية يا حبيبي"

مروء ببراءة مصطنعة
"مس، هو انتي ممكن تغني اغنية (غريبة الناس) بليز يا مس"

ضحكت روز ببراءة وفرحت من طلبها وخصوصا أن روز صوتها فعلا حلو اوي:
"اة ازا كان كدة اوكي....غغيبة الناس غغيبة الدنيا دياا، أعز الناس بتتقمغ عليا، لو كنت عملت خاطغ ل يوم حلو عشناة، لية كدة معقول يا ساتغ مفيش كدة في الحياة"

روز باستغراب:
"اية بتضحكو علي إية؟"

هاجر ووقعت من علي الارض من كتر الضحك علي اختها:
"ههههههه، والله إنتي مسخرة، تصدقي حبيتك، والله حبيتك، ههههههه، غني تاني تاني"

روز بضيق:
"تصدقو أنكم عالم غخمة (رخمة) 😒"

ندي بضحك:
"يبنتي بطلي تقولي كلام فية حرف الراء، شكلك بيبقي مسخرة اوي وربنا 😹"

هدير بابتسامة:
"طيب بما إننا متجمعين كدة، م كل واحد فينا يحكيلنا عن حياتة عشان نبقي عارفين بعض"

زين بتفكير:
"فكرة حلوة"

علي بطفولة واندفاع:
"انا إللي هبدا الأول، انا الكبير"

هديل بضحك:
"إبدأ يا عم الكبير"

علي بابتسامة عذبة:
"بصو بقي، انا علي 27 سنة متخرج من كلية هندسة بدير الشركة بتاعتنا اللي هي كانت بتاعت ماما الله يرحمها، أنا مليش في الكورة الصراحة، بحب الضحك والهزار ومش بحب النكد خالص يعني، مش مرتبط ومش بفكر في الموضوع دة دلوقتي، أقرب انسانة ليا هي توؤامتي، وبس"