آيروس

١

(آيروس:هو اله الحب عند الإغريق وهو الحب الطفولي الأناني حب الإمتلاك)
صحيت من النوم وأنا مخلوعة جسمي كلو كان بكب موية وبتتنفس بصعوبة🥺💔 ختيت يدي في قلبي وحاولت أطمن نفسي من الحلم الشفتو دا😭😭😭أنا أكتر حاجه بكرهها الأحلام دي🥺 لأنو أحلامي كلها عبارة عن كوابيس👽 شي قطة شي كلب شي ثعبان🥺🥺عاينت ليه وهو نايم جنبي كان ظاهر عليه التعب كأنو ليه سنة ما نام🥺 قلت في سري(ربي ما يحرمني منك يا رضا♥)شلت يدو وختيتها قريب من قلبي عشان أطمن🥺أنا متعودة أحضن يدو عشان أقدر أنوم ♥حاولت أنوم بس ما قدرت ختيت راسي في راس السرير وبقيت أتذكر قبل سنتين من أسي لما شفت رضا أول مرة كنت في حفلة واحد من أهلنا اليوم داك كنت قاشرة قشرة بسوي كدا👋🏻😹😹هو جاء ماري بجنبي كان لابس بنطلون أسود مع قميص كوبي وشاكيه كان طالع دماااار🥺وأنا انبرشت فيه😹😹 بقيت أعاين ليه وهو ماشي وجاي ماشي وجاي حتى الحفلة ما قدرت أركز فيها😹كنت عايزة أعرف دا منو سألت أمي منو بفوق قلت ليها الود دا منو أول مرة أشوفو😹👋🏻 أمي قالت لي دا رضا ود تهاني بنت عمي يعني هو ببقى لينا؟🥺♥شوية وهو جاء سلم على أمي ومد يدو سلم علي يعني أداني شوية نظرات كدا😹😹ما أدري بس نظراتو كسارة🤤وأنا من اليوم داك عايزة أصل لرضا دا بالجد فتشتو كتير لأنو صورتو ما كانت بتروح من بالي☹بقيت أفتش عنو فيس وما لقيتو الكلام دا استمر شهرين عديل😓وهو ما منو خبر وغير كدا نحنا قرابتنا ما قوية شديد يعني مافيها زيارات وكدا☹أنا الوقت دا كلو كنت خاتاه في بالي بس في حاجه خلتني أتمسك بيه وما قدرت أنساه😓 يوم كنت قاعدة أتصفح في الفيس فجأه ظهرت لي صفحة فيها صورتو بإسم alzaeem reda ياخ أنا في اللحظة دي ما عرفت أعمل شنو ختيت التلفون من يدي وبقيت أنطط في السرير😹😹ما مصدقة إني لقيت الأكاونت بتاعو لكن جيت في قصة اني كيف أعمل ليه آد😓كنت خايفه هو أصلا ما بعرف اسمي أو يمكن بعرفو ما عارفه بس حاسة الحركة ما ظريفة دي خفة مني😓 بقيت قاعدة أسبوع محتارة في قصة اني اعمل ليه آد ولا لا بعد الأسبوع رجعت ليه عملت research على alzaeem reda والمرة دي عملت ليه آد ما عدت دقيقتين وهو accepted وطوالي خشى لي خاص رسل لي (ربا بنت أهلي المزة♥🤤)أنا بقيت عاملة كدا😳 لا هو يعني عارف انو دي انا عارف اسمي لا بالجد هو قال لي ربا I can't believe😳 اتخيلو انو هو أصلا كان مركز معي وأنا عاجباه🤤يلا بس من هنا بدت علاقتنا هو كان زول جادي ما بتاع تلفونات وكدا طوالي اتقدم لي واتزوجنا أنا كنت ياداب متخرجة من الجامعة أسي نحنا عندنا سنتين متزوجين لكن الله ما قسم لينا نجيب اولاد لسه☹دي أكتر حاجه بتخليني أحس انو رضا ما مبسوط معي😓 لأنو بحب الأطفال شديد بس هو ماكان بحسسني كدا خالص بالعكس كان بقول لي دي ارادة ربنا واعتبريني أنا ولدك حميني وسرحي لي شعري وأكليني😹😹 وكلو لو عايزة تضربيني أضربيني وأهرشيني وعصبي علي وأنا حاسمع كلامك😹♥ بس انتي كوني مبسوطة♥☹ ياخ لو عايزاني أقول ليك ماما بقول ليك أها تاني في حاجة؟😹😹
قعدت أتذكر في كلامو دا وأضحك هو صحى وقعد يدعك في عيونو عاين لي شافني صاحية
-(بصوت ناعس)حبيبي في  شنو مالك صاحية؟
-كنت بفكر
- في شنو؟(وهو بتساءم)اي بس نفس المنظر الاتخيلتو😹😹
-فيك انت
اتقلب بالجنبة وخت يدو في خدو
- يا شيخة؟
-جد☹
-(وهو بعاين لي بخبث)طيب ولما أكون صاحي ليه ما بتفكري فيني يعني دا ما بحصل الا وأنا نايم؟(وهو برفع في حواجبو😹😹)
-اااه اممممم
-تعالي هنا(جراني عليه ونومني في حضنو)♥
الصباح،،
صحيت بدري نظفت البيت وطلعت لرضا ملابسو بتاعة الشغل ختيتها في السرير ومشيت المطبخ أعمل ليه شاي بلبن هو جاء حضني بورا وباسني في رقبتي(الحركة دي بتعمل لي رجفة عديل😹😹)
-صباح الحرير خلينا نمشي السرير🤤🤤
-رضا خليني انا ما فاضية أسي
-صباح الحنان خلينا نمشي الحمام🤤
-يووو رضا ياخ
- يعني ما عايزة تحميني يا زولة؟😓😓
-ليه شافع انت؟😑
-على اساس اني ولدك؟😭😭
- لا ولدي لا بعرفك يلا خش استحمى سريع عشان الشاي جاهز😒
-كويس حسابك معي بعدين(عمل لي حركة بضبحك برقبتو😹😹)
ختيت ليه الشاي ومعاه البسكويت هو خشى الحمام باب الشارع دق مشيت فتحتو لقيتها أم رضا عرفت انو في مشكلة وجيتها لينا من الصباح دي وراها حاجة😢
لمن فتحت ليها الباب بقت تعاين لي كيف كيف حيرتني😟قبل ما تسلم لي
-رضا وين؟
-رضا في الحمام اتفضلي أقعدي استني أجيب ليك موية
- ما عايزة اقعد وما عايزة أشرب أي شي بس جيت أشوف ولدي
-طيب يا خالتي أقعدي لحدي ما هو يطلع
قعدت في الكرسي وشغالة تصر وتعمل حركات مشيت المطبخ أجيب ليها موية بقت تتكلم براها بتحت تحت يعني كمان تحبس ولدي معاها حتى أمو ما مخلياه يجي يشوفها هو زاتو بسمع كلامها أتقول كاتباه غيرها هي ما بعرف زول😒😒
أنا سمعت كلامها دا وبلعتو عشان ما عايزة مشاكل خالتو تهاني دي كانت كويسة معي لحدي قبل العرس بعدين اتغيرت مني ١٨٠ درجة ما عارفة السبب شنو😔😔لكن انا بسمع كلامها وما برد ليها ما بحب أتناقش معاها في حاجه رضا طلع من الحمام جاء لقاها قاعده سلم ليها وباسها في راسها
- والله يا حجتي مشتاق ليك شوق🥺💜
- هو انت بتعرفني أصلا يا ولادة الندم أمك ما تجي تشوفها ولا تسلم عليها يخسسي عليك
- والله يا أمي انتي عارفه أنا مشغول قدر شنو لكن والله دايما خاتيك في بالي أسألي ربا أمس قلت ليها نمشي لأمي نسلم عليها عشان لينا زمن منها
قامت لوت خشمها وعاينت لي
- والله ما أستبعد هي زاتها البتكون بتحرشك ضدي
-دا شنو البتقولي فيه دا يا أمي ربا دي بتحبك زي أمها ما تشوفيها كدا هي حنينة شديد🥺💜
قامت عاينت لي وكشمت
-ربا جيبي لأمي حاجه تشربها تبرد شوية🙂
طوالي انسحبت خشيت المطبخ وانا سامعاها بتتكلم مع رضا
- انت يا ولدي ما تشوف ليك وحدة تانية عرسها فوق مرتك دي تجيب لي الحفيد الأنا نفسي فيه
-يا أمي مافي غير ربا حاتجيب ليك الولد الإنتي عايزاه انتي أصبري علينا شوية كل شي قسمة
- لكن يا ولدي انا عايزة أفرح فيك وأشيل ولدك في حضني أسي هي ليها قريب ٣ سنين ما حملت تاني بتحمل متين؟
-دا كلو بحصل عادي وفي تأخير لخير وبعدين نحنا ما مستعجلين نحنا لسه صغار ولا ما كدا؟😹زعلت من كلامها شديد والله😔قعدت أبكي😭 شلت العصير عشان ما يقولو اتأخرت قشيت دموعي وطلعت هي بقت تعاين لي خافت اني أكون سمعت كلامها ورضا بقى يعاين لي بخوف خاف برضو لأنو عارف أمو كلامها قاسي جاء شال مني صينية العصير
- خلاص جيبي العصير دا وأقعد ارتاحي من الصباح شغالة
أمو طوالي فتحت خشمها
- يعني حيحصل معاها شنو لو اشتغلت نحنا ما كنا بنشتغل شغل البيت دا كلو وعمرنا أصغر منها😒😒
رضا أداها العصير من غير ما يفتح خشمو معاها انا مشيت قعدت في الكرسي الجنبها وهي شغاله تتكشم
- يا أمي انا طالع الشغل ممكن أوصلك في طريقي لو عايزة
-اي خلينا نمشي أصلا أقعد ليه هواء زاتو مافي😒😒
-خلاص حالبس بس دقيقتين
خشى جوة وانا وهي بقينا قاعدين برانا كل شوية تتلفت تلوي لي خشمها وتقعد تتأفأف😟😟شويه كدا رضا ناداني
-حبيبي تعالي طلعي لي قميصي الأبيض ما لاقيه
-كويس جاية
في اللحظة دي بقت تعاين لي عين حقارة😒😒
مشيت لرضا من جيت خاشة مسكني حضني عليه شدييييد
-ربا عليك الله ما تزعلي من كلام أمي انتي عارفاها كويس هي قلبها أبيض بس
-(قاطعتو)بس بتعمل دا كلو عشان انا ما جبت ليك الولد الهي العايزاه
قام غط لي خشمي بيدو
-هشش ما تقولي كدا عايزاني ازعل منك؟ربا أنا مافي شي بهمني في الدنيا غير وجودك معي مادام انتي معي حاقدر أتحدى أي شي وخليك عارفه حاجه وحده أنا غيرك ما عايز اذا بقى عندنا اولاد أو لا انا ما عايز غيرك وأوعى لما انا أطلع تقعدي تبكي والله أزعل منك
-😞طيب ما حابكي
-بحبك يا قميييل انت💜يا البتسمع الكلام انت يختتتييي🖤🖤
-هههه رضا خلاص
-😹😹طيب يلا ساعديني ألبس عشان الحجة دي منتظراني
هو لبس وطلعنا لقيناها قاعدة زهجانه
- يعني انا منتظراك وانت جوة مع الهانم😒😒
-خلاص انا جيت يلا نمشي🙂🙂
#يتبع