رونق أغمى عليها حسن شالها وداهاا وركبو ليها درب😢أما رضا كان قاعد في الأرض وفي نص المستشفى ما قادر يستوعب أي كلمة من كلام الدكتور فجأة ركز في الجنين اتوفى الجنين اتوفى يعني ربا كانت حامل؟كانت حامل بولدي؟يعني كان حايجيناا ولد؟🥺الولد الكنا منتظرنو السنين دي كلها كان حايجيناا؟🥺كيف تمشي تخليني انتي قولي لي كيف بس🥺🥺ربا انتي كيف تعملي فيني كدا؟🥺على أساس انك مستحيل تتخلي عني على أساس انك حتفضلي معي العمر كلو؟على أساس انو الموت ما حايفرقناا🥺كيف تخلي الموت يفرقنا طيب كيف؟😩كيف نفسك تسمح ليك تخليني كيف بس؟😩فجأة صرخ شدييييييد لدرجة انو الناس كلها بقت تتلفت على الصوت😢تاني قام من الأرض زي المجنون ومشى مسك الدكتور انت متأكد أنها ماتت؟انت شفتها خلاص ماتت؟انت اتأكدت كويس؟ارجع اتأكد هي ما بتكون ماتت أرجع اتأكد🥺الدكتور بقى يقول ليه الدوام لله ربنا يصبركم😢
بقى يبكي ويبكي بصوت عالي🥺🥺ياداب حتى أستوعب انها ماتت ياداب حتى أستوعب انو ربا ما حاتكون موجودة تاني🥺
حسن ساب رونق وطلع لرضا لما سمع صراخوو مسكو وحضنو شديد ورضا ببكي وبضرب حسن في ظهرو هي ماتت يا حسن ماتت وسابتني ماتت🥺كانت بتقول لي انها ما حاتسيبني كانت بتقول لي انها حتفضل معي العمر كلو بس هي سابتني سابتني ي حسن🥺🥺سابتني لأنو أنا القتلتهاا انا القتلتهاا يا حسن انا🥺ويصرخ أكتر😩حسن بقى يبكى معاه ما عارف كيف يهديهو ما عارف صعبة عليه هو عارف قدر شنو هو بحبها ما حيقدر يتجاوز بالجد صعبة عليه😢
فجأة زح من حسن وطلع الشارع ركب عربيتو ومشى على القسم الطريق كلو كان ببكي كان مخنوق ما فضل ليه الا يقلع قلبو عشان يرتاح لأنو تعب منو شديد تعب😩🥺
حسن كان مفروض يكلم أهلها بس ما عارف كيف المشكلة مافي حل غير انو يكلمهم🥺
•
•
•
رضا وصل القسم وجاء للضابط قال ليه أنا قتلت مرتي وولدي انا قتلتهم فاهم؟انا قتلتهم والله العظيم قتلتهم😩😩انا بحلف ليك بالله اني قتلتهم يلا دخلوني الحراسة سريع😩مش انتو بتعاقبو المجرم يلا انا مجرم عاقبوني😩
الضابط كان فاكر انو من شكلو سكران قال لواحد من العساكر ياخ تعال شيل السكران دا من قدامي دخلو الحراسة العسكري جاء ساقو وهو بقول والله انا قتلتهم انتو ليه ما عايزين تصدقوني ليه انا قتلتهم بالجد😩😩كان بصرخ وببكي🥺
رونق صحت ومسكت حسن وبقت تبكي بحرقة عليها ربا يا حسن ربا ماتت صحبتي وأختي أكتر وحدة بحبها وبحب أشوفها ماتت كنت بعتبرهاا أكتر من مرة أخو🥺ماتت وهي حامل حتى ما فرحت بولدها🥺ماتتت يا حسن🥺
وتبكي وتبكي وهو يحاول يهدي فيها وهي تقول ليه انا مش قلت ليك رضا دا مجنون مش قلت ليك نوديه لدكتور نفسي عشان يتعالج؟لكن انت ما سمعت كلامي🥺يعني نحنا ما عملنا حاجة لحدي ما هو قتلها قتلها يا حسن🥺
•
•
•
هو كان قاعد في طرف الحيطة وببكي بكاء مغبون وبتكلم مع نفسو
- يعني عشان كنت بحبك كتير سبتيني؟عشان كنت بغير عليك كتير سبتيني؟🥺عشان حبيتك أكتر من نفسي؟🥺عشان كنت م بستحمل أشوفك مع زول غيري؟عشان كنت مجنون بيك؟عشان كنت بخاف عليك؟🥺عشان كنت ما بستحمل زول يشوفك غيري🥺كنت ما بستحمل زول يسممع ضحكتك🥺كنت ما بستحمل زول يشوف ابتسامتك🥺عشان كنت مانعك تتكلمي مع زول؟عشان كنت مانعك تشوفي الناس؟عشان كنت مانعك تطلعي؟يعني عشان بحبك يا ربا تسيبيني؟عشان بحبك بأنانية سبتيني؟عشان بحبك بتملك سبتيني؟عشان بحبك يا ربا تعملي كدا؟عشان بحبك تتخلي عني؟انتي ما عارفة اني بدونك ولا حاجة؟ما عارفة اني بلاك ما بعيش؟🥺كيف تمشي تخليني يا ربا كيف🥺
بقى يبكي ويبكي بحرقة ويصرخ😩تاني يقوم يضرب راسو في الحيطة حتى م بحس بالدم البنزل منو😢تاني يرجع يبكي ويبكي ويناديها يا ربا ليه سبتيني يا ربا ليه عملتي كدا ليه؟🥺🥺
•
•
•
حسن ما كان عارف يكلم أهلها كيف بس ضرب ليهم وكلمهم مع انو كانت صعبة عليه حتى أم رضا وأخواتو عرفو رؤى وحسام برضو عرفو.
أمهاا:(بتبكي وبتصرخ)انا كنت حاسة انو حتحصل ليها حاجة كنت بقول ليها انو قلبي مقبوض يا ربا ما تطلعي براكي لحدي ما طلعت وجابوها لي ميتة بنتي الكنت ما بشوفها كتير كنت محرومة منها وما بشوفها انا وقعتها في النار بنفسي وقعتها في النار لما خليتها تتزوجو وهو حرمني منها حرمني من بنتي الله ينتقم منو بس😩😩
آمنة:(مصدومة وما قادرة تصدق)ليه الدنيا دي كدا بس هي أختي الوحيدة دنيتي وسعادتي يعني انا اتحرمت منها وما حشوفهاا تاني؟يعني خلاص هي بقت مع الأموات ليه الدنيا دي قاسية كدا بس ليه؟
أبوهاا:ربنا يغفر ليك ويرحمك يا بنتي ربنا يعوض شبابك بالجنة ان شاء الله تعيشي الحياة الحلوة الإنتي ما عشتيها هنا ان شاء الله تعيشيها هناك الحمدلله يا رب الحمدلله
عماد:(ببكي)أنا منتظرها ٣ سنين ٣ سنين انا ما عرفت بنت غيرها لما يقولو لي عرس ي عماد بقول ليهم انا ما جاهز لعرس لكن انا كنت منتظرها هي بس حتى وهي اتزوجت كان عندي أمل انها ترجع لي وانا وهي نعمل بيت وأسرة مع بعض طيب ليه يا ربا تمشي تخليني ليه بعد ما انتظرتك كتير كدا ليه يا ربا😩😢
رؤى:تتذكر يا حسام لما قلت ليك اني أكتر وحدة غلطانة في حقهاا هي ربا مرة أخوي قلت ليك انا نفسي أعتذر ليها من كل العملتو ليها كان نفسي تسامحني يا حسام كان نفسي تسامحني بس هي ماتت قبل ما تسامحني😩😢😢
رؤية:(بتبكي)يا أمي نحنا غلطنا في حقها كتير والله غلطنا كتير كنا طوالي بنظلمهاا طوالي بنعذبها ما كنا فاكرين انو الموت دا قريب كدا والله ما كنا عارفنو قريب كدا🥺ربنا يغفر لينا من حقها بس ربنا يغفر لينا🥺
-تهاني:والله أنا أكتر وحدة ظلمتهاا أكتر وحدة كنت بهينهاا مع انها كانت متحملاني وما بترد لي نهائي كنت بعذبها بس عشان ما جابت لي حفيد بس حتى لما هي ماتت ماتت وهي حامل لو كنا انتظرناها شوية ما كان حصل الحصل لو ما كنا اتدخلنا في حياتهم ما كان حصل الحصل ربنا يغفر لينا ويرحمهاا🥺
#يتبع
