-ههه يعني انتي بأي طريقة عايزة تشوهي صورتو في نظري😒
- انا جادة معاك ومرتو صحبة ربا حتى أسالي رونق😒
-انتي أكبر كذابة وأمير ما حسيبو فاهمه؟والما عاجبو يضرب راسو بالحيطة😒 ولعلمك هو في الأيام الجاية دي حيجي بيتنا😌
-هههه أحلمي أحلمي
- ياخ انتي مالك أساسا ما عندك شغلة بي😒😒
-(اتذكرت انو أمير خلاها تتزوجو عرفي وغشاها وبعدين سابها خافت انو يعمل مع رؤية نفس الشي وهي راسها خفيف😪)ي رؤية أنا أختك وعايزة مصلحتك بالجد الولد دا كعب والله العظيم كعب أحلف ليك بشنو عشان تصدقي؟وبعدين هو متزوج ومرتو ابتهال صحبة ربا حتى انا ما كنت عارفة لكن رونق كلمتني عليك الله أخطيه😢
•
•
•
- أمير خلاص قوم نوم انت🥺
- لا ما حنوم وأخليك
-انا ما عندي حاجة كويسة وبعدين انت بكرة عندك شغل 🥺🥺
-انا ما حامشي الشغل لحدي ما انتي تبقي كويسة
-انا كويسه وبعدين أهي أمي حتجي بكرة حتقعد معانا لحدي ما انا ابقى أتحسن عشان كدا اطمن
- طيب انتي نومي في الأول عشان انا انوم
-طيب أها نمت😴
في سرو كان بقول الله ما يحرمني منك يا ابتهال بالجد انتي زولة كويسه وما بتستاهلي البحصل معاك دا كلو🥺🥺وانا آسف عشان عملت كدا وخنت ثقتك فيني بس أنا مضطر والله مضطر🥺🥺
•
•
•
-رضا انت ما تديني تلفوني كفاية خلاص🥺
-عايزة بيه شنو؟😒
-عشان أطمن على ابتهال أمس الا ضرب أمير في تلفونك حتى عرفت انها حتولد وانت تاني حاتكون في الشغل اطمن عليها كيف🥺🥺
-بعد أجي من الشغل أضربي ليها من تلفوني😒😒
-رضا ياخ خلي الحقارة طيب افترض انو انا وعدي احتجنا حاجة نكلمك كيف أو حصلت اي حاجة وانت في الشغل🥺😢
-حجيب ليك شريحة جديدة وغير رقمي ما يكون فيها اي رقم ولا حتى بالغلط فاهمه؟😒
- يعني ما أدي الرقم دا لصحباتي ولا لناس بيتنا ولا أي زول؟🥺
-اي ولا زول غير رقمي مافي رقم حيدخل الشريحة دي فاهمه؟😒
- طيب وناس بيتنا؟🥺
-اتكلمي معاهم من تلفوني
- طيب وصحباتي؟🥺
-مافي حاجة اسمها صحباتك وقلت ليك الكلام دا قبل كدا أنا😒
-ليه يا رضا بس ليه؟😭
-كدا بس😒
- طيب يعني ما أخش فيس ولا واتس؟
-اصلا حجيب ليك تلفون ربيكا عشان ما تفكري تخشي ولا بالغلط😒
-ليه يا رضا انت كدا والله العظيم حرام عليك😭😭
-انتي مش قلتي انك بتحتاجي تضربي لي ويمكن تحصل حاجة وانا مافي معناها انتي عايزة تضربي لي بس وقت الطوارئ معناها ما محتاجة لتلفون وشنة رونة نوكيا ربيكا مع شريحة وحدة فيها رقمي وانتهى الموضوع😌
-بكرهك يا رضا بكرهك😭
-ما تخافي فيه لعبة الثعبان😹
-حيوااااااااااان😒😒
•
•
•
-انا لا حصدقك انتي لا حصدق رونق لا حصدق ربا وأمير ما حسيبو😒
-كويس خليك كدا لحدي ما يوديك خبر كان و ياخد منك شرفك
-شنو؟😳كيف تقولي عنو كدا؟
- دي الحقيقة يا رؤية أمير كدا
-وانتي منو القال ليك انو كدا ما يكون..
-(اتلبكت)لا لا ما كدا يا غبية بس حتى صحباتي عارفنو وقالو انو عمل مع وحدة كدا وغشاها خلاها تتزوجو عرفي😢
-😳انتي جادة؟
-والله🥺عشان كدا يا رؤية سيبي عليك الله انا خايفة انو يعمل ليك حاجة الولد دا انا ما بضمنو😢
- لا أمير ما كدا وما حيعمل لي شي أنا واثقة منو🖤
بعد مرور شهرين..
بالنسبة لي في الفترة دي حاجات كتيرة اتغيرت في حياتي أول شي عدي بقى حاجة أساسية في حياتي بقى ولدي عديل🖤🖤🥺حتى هو بقول لي ماما اتعود علي وبقى ما ببكي زي زمان ولا حتى بقول عايز أمو وانا مبسوطة بيه شديد🖤🥺بس لاحظت انو بشبه رضا في أي حاجة بياكلو نفس الشي حتى كلامهم مع بعض نرفذتهم بزهجو من نفس الحاجات بتفرحهم نفس الحاجات سبحان الله كأني عايشة مع رضا اثنين صغير وكبير🖤🖤وهو قريب من رضا شديد يعني بتحسي كأنو رضا ابو عدي بالجد بقى متعلق بيه حتى مرات بمشي معاه الشركة والنادي وأي مكان بطلعو مع بعض🖤 بالنسبة لرضا علاقتي معاه كويسه بس مشكلة الغيرة البقت تزيد كل يوم دي يعني هو بقى غيور بطريقة ما طبيعية انا في الفترة دي كلها ما طلعت غير مرتين مرة مشيت معاه لإبتهال لما طلعت من المستشفى ومرة وداني لناس أمي بعد ما حنستو وبكيت ليه كتييير انا ما عارفة ليه رضا اتغير كدا صاح هو من البداية كان بغير علي من الأولاد وكدا بس أسي بقى يغير من البنات انا انقطعت من صحباتي لما هو شال مني التلفون وعمل الغي راسو وجاب لي تلفون تاني بشريحة جديدة فيها رقمو هو بس وأصلا الأرقام كلها في شريحتي القديمة عشان كدا ما قدرت أصل لأي رقم بتذكر كان وحدة من صحباتي جاتني في البيت ورضا اتضايق من جيتها حتى هي حست وناس بيتنا ما بخليني أطلع أشوفهم وحتى هم لما يجونا بحس انو ما عايزهم يقعدو كتير وكدا وانو بتضايق ولما اتكلم معاه وأقول ليه انت ليه بتتصرف كدا؟بقول لي انا ما برضى أشاركك مع زول🖤ما عارفة هو عايز يصل لشنو يعني معقولة يكون خانقني كدا وما يخليني اشوف زول ولا حتى زول يشوفني؟؟😪😪بالجد انا لو ما عدي دا كنت حكون زي المسجونة😪😩
وفي حاجة تانية رضا شغلو فجأه بقى كعب يعني خسر مبالغ كتيرة وهو المشكلة ما عارفهم مشو وين ولا حتى عارف القروش دي كلها بتمشي وين وراجع حسابات الشركة كلها وما لقى شي وكان بجي زهجان ومتضايق من الشغل وما فاهم ليه بحصل كدا مع انو أمير كان بساعدو وواقف جنبو بتذكر انهم خشو في مشروع مع بعض وربحو قروش كتيرة بس حتى القروش الربحها دي لقى انها كلها انسحبت منو فجأه بس ما عارف كيف😢😢
بالنسبة لرؤية هي ما صدقت كلام رؤى وبقت متواصلة مع أمير مع انو رؤى حذرتها وحاولت بأي طريقة انو تبعدها عنو وما قدرت ورؤية بقت متعلقة بيه لدرجة بعيدة يعني ممكن تعمل أي شي عشانو وأصلا هو دا العايزو ورؤية بقت تكره رؤى شديد وطبيعي بتتشاكل معاها طبعا بتحاريش من أمير انو أختك ما بتحبك وأختك بتغير منك عشان أنا بقيت احبك انتي وسبتها هي يعني خلاها تكرهها ودايما تفتكر انها بتغير منها وما عايزاها تكون مع أمير وهي ما صدقت انو أمير بالجد متزوج وكانت كل ما تقول ليه انت حتجي تتقدم لي متين؟يقول ليها أنا أموري جايطة شوية في الشغل وكدا خليها تتصلح وبجيكم معيشها على المنوال دا وهي الهبلة مصدقاه😪😪
بعد يومين حايكون عرس رونق وحسن ورؤى وحسام🖤🖤انا مبسوطة شديد لأنو حايكون في تغير في حياتي شوية من الكتمة الأنا فيها يعني حاطلع وأغير جو شوية وحلاقي أمي وأختي وأتونس معاهم.
•
•
•
- شنو يا رضا مالك زهجان كدا من الصباح؟
-يا أمير انا زهجت ما قادر أفهم حاجة في حسابات الشركة دي ما عارف القروش الكتيرة دي مشت وين انا خلاص حفلس😪
-استهدى بالله كلو بتحلا منو المسؤول من الحساباات العندك في الشركة؟
-سامي لكن دا بثق فيه شديد هو شغال في الشركة دي قبل ما أبوي يتوفى يعني مستحيل
- انا ما قلت انو ممكن يكون هو لكن احتمال نحنا مفروض نخت كل الاحتمالات
- طيب يعني انا أحاسبو على الملفات والحاجات البسلمها ليه
- اي عشان ممكن نصل لراس خيط ونعرف القروش دي كلها مشت وين
- طيب حكلم أواب عشان يقول ليه يجي
•
•
•
-شايفك يا فردة ليك زمن كسرت حنك ربا
- ما كسرتو ولا أي شي أنا بس منتظرها
-ههه وعايز تنتظرها لمتين هي ما حتطلق
- لا حتطلق وحاتجيني برجلينها براها
-😹والله يا عماد أمرك غريب الله يشفيك بس
•
•
•
انا عايزة أعرف أمير دا ليه فترة بقى بنشغل كتير وبرجع البيت متأخر حتى يوم الجمعه بقول عندو شغل وغير كدا التلفونات الكتيرة البتجيه بليل دي والرسائل الكتيرة ي ربي أمير دا قصتو شنو؟🥺
•
•
•
-انتي يا رؤية ما ناوية تخلي أمير دا؟
- لا ما ناوية وانتي فضل لعرسك يومين ما ناوية تنسيه؟😒😒
-انتي لسه فاكرة اني عايزة أخرب عليكم وبس انا عايزة مصلحتك خايفة عليك منو🥺😢
- انا اسي لي معاه ٣ شهور وللان ما فكر يقول لي حاجة ما ياها بالعكس محترمني وبعاملني أحسن تعامل عشان كدا اطمني وسيبينا في حالنا😒
•
•
•
-الملفات دي ما فيها اي حاجة يعني القروش دي بتمشي وين ما ممكن لكن البحصل دا😪(دق يدو في التربيزة)😠
-يا رضا أهدأ الأمور ما بتتحلا كداا
- ما هو ما ممكن تكون القروش دي كلها بتضيع وانا حتى ما عارف بتضيع كيف وغير كدا الشركة أمورها اتدهورت وحاضطر أنزل ناس من الشغل لأني ما حاقدر أديهم مرتبات😪
-كدا خلي الموضوع دا علي انا ححاول أحلو
-طيب😪
#يتبع
