بعد رجعو البيت،،
فتح باب الشارع جراها من يدها وحضنها شديييد شال نفس
-أخييرا رجعتي لي🥺
حاولت تفك نفسها منو بس هو ضاغط عليها شديد
- ربا انا ما بقدر أعيش بدونك انتي فاهمة انك حياتي كلها والله انتي الهوى البتنفسو من غيرك انا بختنق ربا انتي أي شي أي شي والله انا بلاك ولا حاجة عليك الله ما تعملي كدا تاني🥺🥺لأني ما بقدر أنا ما عارف انتي عملتي لي شنو والله ما عارف بس عارف اني مجنون بيك ومستعد أعمل أي شي عشانك🥺 وأنا بوعدك حاعمل البفرحك كلو بوعدك حنسيك اي حاجة ما حلوة انتي عشتيها معي بوعدك حنبعد عن كل المشاكل ونمشي مكان ما فيه غيرنا بوعدك حصلح أي شي بس انتي خليكي معي🥺🥺
- انا عايزة اخش جوة ارتاح حاسة نفسي تعبانة😪
- طيب خلينا نمشي سوا🙂
شالهاا ودخل بيها الغرفة مع انها كانت عايزة تتهرب منو في حاجة بتقول ليها أحسن تبعدي عنو هو مجنون وممكن يأذيك بالطريقة دي كانت حاسة انها محبوسة وما عارفة تطلع كيف معقولة علاقتها مع رضا تصل للحد دا تصل فإنها تكره نفسها وهي معاه؟كانت بتفكر في حاجة بس خافت لو عملتها هو يأذي نفسو لأنو مستحيل يتحمل كانت مترددة وما عارفة تعمل الخطوة دي او لا عملت نفسها نايمة وانتظرتو لحدي ما نام وشالت تلفونو وطلعت بيه برة طلعت رقم من ورقة واتصلت عليه جاهاا جرس والزول رد📞
-الو عماد
-ربا؟😳
- اي انا(بتتكلم بهمس وخايفة)
- في شنو ي بنت حاصلة معاك حاجة صوتك مالو كدا؟
-عماد انا عايزة أطلق من رضا بس هو ما حيرضى يطلقني وحارفع عليه قضية😪
-دا الخيار الصاح انا من زمان قلت ليك تعملي كدا بس انتي ما وافقتي😏
- انا اسي عايزة أطلق منو وفي فرصة قريبة😪
-طيب انتي بتقدري تطلعي من البيت؟
- ما أظن صعبة
-حاولي عشان أشوفك ونتكلم في الموضووع دا وعلى الأقل بمشي معاك المحكة وانا مستعد أشهد بأي حاجة عشان يدوك الطلاق😏
- طيب بشوف لو قدرت بكلمك ودا تلفون رضا انا حامس رقمك وانت ما تتصل فيه
- طيب
قفلت الخط وبقت تتلفت خافت يكون شافها😢بس لقتو لسه نايم بقت تعاين ليه وتتأمل في ملامحو وتتذكر رضا الزمان رضا الكان بعمل أي حاجة عشان يفرحها رضا الكان بحبها أكتر من عيونو رضا الما أناني رضا البخليها تعمل أي حاجة بتفرحها حتى لو بتضايقو😢دموعها بقت تنزل وقالت(والله ما كان نفسي نصل للوصلنا ليه😢)بقت تفكر كيف تطلع من البيت وكيف تشوف عماد وكيف تمشي المحكمة طوالي فكرت في رونق ضربت ليها تلفون من تلفون رضا وقالت ليها تجيها في البيت الصباح رونق سألتها من رضا ولو في حاجة وهي طمنتها انو مافي حاجة بس قالت ليها انتي تعالي أول المشكلة انها لو جات ما عارفة حاتقول ليه شنو😪رضا كان لسة نايم مشت اتدوشت وجات لبست وهي بتفكر في حاجة بتقول ليها واصلي معاه كدا اصلا انتي بتحبيه حاولي تتحمليه🥺 في حاجة تانية بتقول ليها سيبيه انتي لمتين حاتكوني عايشة في السجن دا انتي مفروض تاخدي قراراتك بنفسك ما تكوني تحت جناحو😢🥺☹
•
•
•
-أنا لازم أطلع من هنا سريع؟
-تمشي وين؟
- ياخ أي حتة لأنو رضا ما حايريحني
- هو أسي مشغول بمرتو ما بفضى ليك
- لا أكيد بكون خاتيني في راسو انا ما ناقص سجن وكلام زي دا
- طيب والعمل؟
-شوف لي أي مكان أمشي عليه أدبر نفسي بيه
-طيب حامشي أشوف وبجيك
- طيب ما تتأخر حاول تنجز سريع
-عديلة
-أواب دقيقة
-ايوا
-عليك الله شوف ابتهال لو محتاجة أي حاجة لأنها طلعت مني زعلانة خلي بالك منها أنا ما معروف يحصل لي شنو☹☹
- ما اتقول كدا ما حيحصل شي انت زي أخوي يا أمير وما قصرت مني في حاجة وابتهال زي أختي وأكيد ما حقصر منها وانت ما حتحصل ليك حاجة وحترجع تعيش مع مرتك زي السمنة على العسل وانا أسي حامشي أفتش مكان وأجي
•
•
•
-رونق خشي جوة
- في شنو ي بنت جايباني كدا خوفتيني رضا عمل في نفسو شي قولي في شنو☹
- لا رضا كويس ما حاصلة معاه حاجة
- طيب في شنو وانتي لابسة مالك ماشة وين؟
-رونق بصراحة انا عايزة أطلع ولو كلمت رضا ما برضى لي انتي عارفاه قلت أسوقك معي عشان ما يعترض
-وانتي عايزة تمشي وين؟
-(حكت ليها كل القصة ومن غير ما تكذب عليها)انا استحملتو كتير انتي أكتر وحدة عارفة انا استحملت منو قدر شنو وأكتر من كدا ما بقدر لأنو كتير ي رونق والله كتير☹☹
- أنا حاسة بيك وعارفة انو صعبة ورضا ما بستاهلك والله ي ربا انتي ما قصرتي معاه في حاجة كنتي بتسمعي كلامو في أي حاجة بس هو دايما بغلط وبنتظر منك انك تسامحيه بالجد انتي استحملتيه وانا ما بقدر أقول ليك أديه فرصة أو واصلي معاه لأنو كدا حكون قصرت في حقك☹
- انا ي رونق بحبو والله بحبو بس اني أعيش معاه تاني وانو نكون كزوج وزوجة دي من سابع المستحيلات لأني ما قادرة أتخيل نفسي معاه و بعدين علاقتنا دي م حاتواصل أكتر من كدا وانا عايزة أطلق منو وخلاص لأني ما بقدر أحمل نفسي طاقة أكتر من كدا☹☹
- طيب مافي مشكلة أسي خلينا نمشي ونشوف حل للموضوع دا.
- انا حامشي أصحيه وأكلمو اني طالعة معاك
-حاتقولي ليه ماشين وين؟
- ما عارفة كدا تعالي
ربا مشت صحتو هو قام مخلوع في شنو في شنوو؟
- معليش صحيتك بس عايزة أقول ليك اني طالعة
-طالعة وين؟😒(صوتو علا وكأنو ما كان نايم)😹
-رونق جات وأسي قاعدة برة وقالت أمشي معاها المستشفى
يتبع
