هو كان بصرخ بصوت عالي دا شنو يا حيوانة😠انتي لما أقول ليك ما تخلي راجل يخش البيت وأنا مافي يعني تسمعي الكلام شنو جسمك سمح وما أدري وياريت لو كنت محل راجلك وميتين ربا انتي عايزاني أقلب ليك وشي التاني ولا كيف؟😠😠
دا كلو وأنا واقعة في السرير قعدت أبكي بالجد الكف كان حار شديد والله حسيت كأنو خدي دا اتقطع عديل😭😭وهو لسه بصرخ وانتي تلبسي قدامو ملابس البيت ليه أصلا يعني جابت ليها قلة أدب جديدة كمان؟😠انتي عايزاني أمنعك تطلعي من البيت يعني؟عايزاني أمنعك؟هو بسأل فيني وأنا بعاين تحت قام صرخ بصوت عالي لمن خلعني عايزاني أمنعك؟هزيت ليه براسي لالا انتو ما عارفين انا في اللحظة دي خفت منو قدر شنو😭😭أقسم بالله جسمي دا قام شعرة شعرة كأنو دا ما رضا الأنا بعرفو بعد ما صرخ كدا ولقى العافيه طلع من الغرفة بعد ما قرب يكسر الباب😣😣انا انصدمت منو شديد لأنو أول مرة في حياتو يضربني أي صاح هو غيور شديد وأي حاجه وصعب شديد في الأمور دي لكن ما لدرجة انو يضربني😔😔قمت طلعت برة أشوفو لقيتو مافي😳 فتشت البيت دا كلو وهو مافي دخلت الغرفة شلت تلفوني بقيت أضرب ليه وهو ما برد اتوقعت حاجة وحدة انو مشى لأخو لينا لا أكيد مشى ليه بقيت خايفة ومقلقة😟😟ضربت ل لينا وهي برضو ما بترد بقيت أضرب ليها وأضرب ليها لحدي ما ردت
-الو لينا وين انتي من قبيل انا بضرب ليك ما بتردي😟
- كنت بعيدة من التلفون في شنو يا ربا خير؟
-أخوكي في البيت؟
-طلع قبل شوية جاهو تلفون
-شنو تلفون من منو؟😟
- ما عارفة والله في شنو يا ربا؟
وحكيت ليها القصة
-انتي جادة؟معقولة أخوي يعمل كدا يعني رضا بكون ضرب ليه😟
-والله ما عارفة يا لينا انا زاتي محتارة😔
-خلاص لو هو جاء البيت انا بكلمك وححاول تلفونو أشوفو
-طيب😔
قعدت ساعتين وانا ما عارفة حاجة عن رضا وبضرب ليه وهو ما برد لي😭😭بعد شوية تلفوني ضرب لقيتها لينا
-الو يا لينا اها حصل شنو؟
- يا ربا خالد دا جاء ومضروب ومعوق شديد والله نحنا اسي مودينو المستشفى
-شنو😳
قفلت مني الخط طوالي طبعا دا رضا أكيد هو بقيت أبكي وأبكي😭😭والله الولد دا حايجنني😭بعد شوية هو جاء خاشي البيت بقيت قاعدة منتظراه جاء داخل علي في الغرفة بقى يعاين لي
-أسي في داعي للبكى دا كلو؟
-رضا انت ليه بتعمل كدا ما حرام عليك وود الناس ذنبو شنو؟
-ذنبو انو عاين ليك انتي وانتي حاجة حقتي يعني محرمة على اي زول غيري وأي واحد يحاول يتعدى حدودو حايكون دا جزاهو والمرة الجاية ما حاضربو ضربة خفيفة المرة الجاية حاقتلو وأقتل اي واحد بحاول يقرب منك او يعاين ليك فاهمه؟
أنا بقيت أعاين ليه كدا😳
-انت ليه بتتكلم كدا؟☹
- ربا انتي مستحيل تفهمي قدر شنو أنا بحبك انا ما بقدر أتحمل أشوف واحد بعاين ليك ما بقدر أنا لو علي أدسك من عيون الناس لأنك حقتي أنا بس🥺🥺
جيت قعدت جنبو ومسكت يدو
- يا رضا أصلا انا حقتك انت وبس وانت عارف اني بحبك كتير بس انت مفروض تهدأ شوية وما تعمل كدا يعني عشان واحد طايش كدا تتضايق قدر دا في داعي؟😔
- يا ربا انا ما بقدر عديل ما بقدر
بقى يعاين في وشي شكلو لاحظ للأثر الفي خشمي من الكف🥺🥺قام مسكني وحضني عليه شدييد
-حبيبي انا اسف والله اسف تنقطع اليد البتضربك انا ما قاصد صدقيني والله انا اتضايقت شديد وما قدرت أتحكم في تصرفاتي بس انا ما قاصد اضربك والله☹☹
- ما مشكلة انا ما زعلانة منك بس عليك الله ما تتضايق كدا حاول تتريس
-حاضر
صاح المشكلة دي اتحلت بس الموضوع ما وقف على كدا ومن اليوم دا حياتي اتقلبت ١٨٠ درجة😔
قبل سنتين لما شفت رضا أول مرة حسيت انو بس دا الزول الحايكملني💜هو الحايكون لي زي الضوء في العتمة💜✨وهو كدا رضا بقى لي أي شي في حياتي أبوي أخوي صحبي راجلي أي شي حلو بحتويه هو💜حتى غيرتو علي بحبها مع انو قاعد يكترها بس برضو بحبها بحب قصة انو يحبني بتملك💜ويغير علي شديد كدا يحسسني اني بتاعتو هو وما عايز حاجة تمسني أو تقرب مني💜
قفلت الدفتر بتاعي الأنا بكتب فيه اي حاجه بحسها🙂💛 لما سمعت صوت الباب شكلو دا رضا جاء من الشغل مشيت فتحتو ليه كان شايل أكياس كتيييرة كأنو جايب السوق كلو😹😹ساعدتو شلتهم منو ودخلناهم جوة بقيت أفتح في الأكياس وأدخل الفواكه والخضار في التلاجة لقيتو جايب لي فراولة وانا نفسي فيها لي يومين🤤طوالي هجمت عليها😹😹هو جاء لقاني باكل بقى يضحك فيني
-طوالي كدا؟😹😹
- لا عايزني أنتظرك؟🙄
-قولي شكرا حبيبي وااااو جبت لي الفراولة الأنا نفسي فيها لي يومين واي انت عسل حبيبي كدا حاجات زي دي مش بتشيلي وبتقرمي طوالي😒😒حتتعلمي متين انتي؟🙄
وأنا لسه باكل ولا شغالة بكلامو😹😹قام جاء قعد جنبي في الأرض وكانت الفروالة في خشمي جاء قرم مني باقيها من خشمي والقصة قلبت بوسة😹
- يا سلام فراولة مع روج شي لذيذ🤤
-رضا ياخ سخيف😒
-😹😹الروج دا طعمو حلو كدا جيبي منو تاني
-أبيييييت
-أقوم يعني؟1 2 3 اووووبح
هو قام وانا قمت جارية قبليه😹😹مشيت الغرفة وقفلتها علي هو بقى واقف برة
- ربا أحسن انك تفتحي الباب دا على فكرة ممكن عادي أكسرو
-😹😹😹أبيت
- يا زولة؟طييييب خليك عند كلامك لما أمسكك بتشوفي كلام تاني
-رضا ياخ اوووف منك خليني في حالي😒
-طيب أفتحي الباب عشان أخليك في حالك
- لا ما عايزة أفتحو😌
- طيب عايزة شنو انا بعملو ليك بس أفتحي الباب
-أي شي أي شي؟😌
-أي شي لو دايرة سبونج بوب بجيبو ليك(عشان بحبو شديد😹😹)
-اممم😌طيب بفكر
-فكري سريع😒
- طيب بكرة توديني لناس أمي ومنهم حاطلع مع صحباتي لأني اشتقت ليهم لي زمن منهم🥺
-😒😒ربااا
-عليك الله يا رضا انا زهجت من اني أكون قاعدة في البيت براي وانت بتمشي الشغل بتخليني🥺🥺عليك الله عليك الله عليك الله
-خلاص خلاص طيب حوديك
(اي دا كلو ونحنا بنتكلم من ورا الباب😹😹)
-يلا أفتحي الباب سريع قبل ما أغير رايي
وفتحتو ليه و.. سكتت شهرذاد عن الكلام المباح😹😹
#يتبع
