وصلنا البيت وهو جاريني من يدي كان ماسكني بقوة خشينا الغرفة ولزاني في السرير كان زهجان لدرجة انو عيونو كانو محمرات من الغضب انا بقيت أبكي خفت منو شديد😭😭
-لو كان ود خالك او كان أخوكي أو كان أبوكي برضو ما كان تشوفيه وتقعدي معاه براكم وكمان تكوني قريبة منو كدا😠😠(وهو بصرخ)😩
أنا بقيت أرجف وأبكي😭😭
- والله يا رضا هو جاء لقاني قاعدة مع صحباتي بالصدفة وجاء سلم علي وبعدين قال لي تعالي دقايق عايزاك وانا ما حبيت أحرجو مشيت معاه وقعدنا برانا لكن والله قصي دا زي أخوي انت بس ما بتعرفو لأنك شفتو يوم العرس بس😭😭
-ياخ انا ما بهمني اذا شفتو قبل كدا او لا فهمتي؟😠ولا بهمني اذا هو ود خالك أو حاجة تانية😠انا بهمني انك ما تشوفي بني آدم ولا تتكلمي مع بني آدم ولا تقعدي مع بني آدم عارفة ليه؟لأنك حقتي أنا بس يا ربا انتي بتاعتي انا😠
وهو بزيد في صراخو😠
•
•
•
-عماد اخبارك شنو؟
-تمام التمام كيف انت
-بخير الحمد لله وين اختفيت كدا؟
-والله شغل بس كدا اسمعني يا فردة ما عندك رقم لربا ولا رقم لزول من ناس بيتهم؟
- ربا دفعتنا؟
-اي ياها
-والله يا عماد ربا دي أخبارها مقطوعة عديل عندي بس رقم بنت خالتها الكنت مربط معاها ديك
-اااه خلاص أديني ليه تكون ما قصرت
- طيب دقايق أشوفو ليك
- طيب
-أكتب099
-تسلم يا فردة🙃
•
•
•
أنا حسيت انو رضا دا ما طبيعي معقولة دي كلها غيرة؟☹معقولة هو يعاملني بالطريقة دي يكون ساهل عليه انو يحرجني قدام الناس ويصرخ فيني بالطريقة دي☹ يحرجني قدام صحباتي عشان شنو؟عشان شافني قاعدة مع ود خالي الي هو في مقام أخوي😢بقيت أعاين ليه وهو زهجان كدا وعيونو محمرات من الغضب ما رديت ولا بكلمة بس بقيت أعاين ليه نفسي يكون دا ما رضا الأنا بعرفو يكون بدلو ورضا في مكان تاني لا أكيد دا ما رضا🥺🥺طلع من الغرفة وخلاني متكومة في السرير وببكي وشكلو طلع من البيت لأني سمعت صوت الشارع عمل كوووو بصوت عالي وانا قعدت أبكي ما خليت بكا في الدنيا ما بكيتو🥺🥺بعد شوية تلفوني رن لقيتها رونق أخت رضا رديت ليها
- ربا الشووق يا عفنة مالك ما بتسألي مني☹
وأنا لسه ببكي😭
- في شنو يا بت مالك بتبكي؟😳
-😭😭😭
-اتشاكلتي مع رضا؟
-😭😭😭
- في شنو يا بت ما تخوفيني ياخ🥺
(وحكيت ليها الحصل كلو)
-😳😳دا كلو يحصل من رضا والله لو ما كنت بعرفو بغير عليك شديد كنت قلت دا واحد تاني
-رونق والله انا ما عارفة اعمل ليه شنو انا خلاص ما قادرة😭😭
-كدا أهدي عشان نقدر نتكلم عايني رضا دا الا توري العين الحمرة بس انتي ما تقعدي تبكي وخلاص ختيها ليه بالواضح ما تعمل معي كدا عديل كدا ما تخافي منو😒
-انتي عارفاه مجنون لكن لو قلت ليه كدا يمكن يضربني🥺🥺
- بالطريقة دي لما تسكتي ليه حيضربك لكن لما توقفي في حدو تاني ما حيقدر يعمل حاجة
-انتي أختو وبتحرضيني ضدو😹
-ههههه انا ما بحرضك ضدو ولا حاجة لكن انتي برضو صحبتي وما برضى فيك عشان كدا انتي لازم تأدبي وعلى فكرة والله رضا بحبك شديد🖤🙃
- انا عارفة انو بحبني يا رونق بس ما بالطريقة الصاح😢
-هو بس عايز شوية قرصة كدا وبرجع زول عديل😹
-ههههه
-ايوا كدا اضحكي ي بنت الدنيا دي فيها شنو ياخ
- والله يا رونق تسلملي كتير انتي الوحيدة البتقيفي جنبي لما ألقاك☹
- يا هبلة مافي داعي لدا كلو نحنا صحبات
-🙂🙂🙂💛
- والله يا ربا كنت عايزة أقول ليك حاجة لكن خايفة تزعلي وانتي الفيك مكفيك
-لالا قولي أصلا هي كدا كدا خربانة🙂
- والله أمي دي بتفكر تعرس لرضا قبيل سمعتها بتتكلم مع رؤى ورؤية☹
-عارفه🙂سمعتها اليوم داك قالت لرضا
- ربا انا عارفة انو رضا ما حايعرس لأنو بحبك شديد بس انتي حاولي انك تسيطري وأهم شي ما تخليك ضعيفة قدامو
-ان شاء الله🙂
قفلت منها الخط وبقيت أبكي زيادة مع اني عارفة انو أمو عايزاه يعرس تاني لكن لما سمعت الكلام دا من رونق حسيت انو في مصيبة حتحصل☹☹
قمت خشيت الحمام اتدوشت ولبست لي فستان حلو كدا ورفعت شعري ضنب حصان🤤وعملت شوية ميكاب وقعدت أتصور والله بس نفسيات😹😹مشيت المطبخ عملت لي فشار وجيت قعدت في اللابتوب عشان أحضر فلم كنت بأي طريقة عايزة أعدل مزاجي😔😔شوية وسمعت باب الشارع فتح شكلو دا رضا رجع جاء خاشي علي في الغرفة انا سامعة صوتو خاشي بس عاملة فيها مركزة مع الفلم لأني عايزة أتجاهلو🙄جاء قعد جنبي في السرير
- دي ايه الحلاوة دي🤤
رضا دا والله ما نصيح أثبت لي دا مش كان بصرخ قبل شوية يلا ما حنك انا حوريه الجن على أصولو لازم أعمل زي ما رونق قالت لي😈وأصلا انا براي زعلانة منو زعلانة من عمايلو☹يلا ما رديت ليه😒
- يا حلوو
قام شال من الفشار وبقى ياكل ونام جنبي انا كنت نايمة على بطني وبشاهد يلا عمل زيي وقفل اللابتوب
-ممكن تخلي الفلم دا دقيقتين وتركزي مع راجلك الحايموت من الشوق دا☹
قمت شلت اللابتوب وطلعت بره جاء لاحقني
- ربا دا شنو البتعملي فيه دا يعني دا كلو زعل؟☹
برضو ما رديت ليه
-ي بنت😠
جاء قعد جنبي في الكرسي ومسكني من نصي وزح لي شعري من رقبتي وباسني يلا انا قمت منو سريع كدا بزهج ومشيت دخلت الغرفة وقغلتها بجوة يلا هو شكلو كان مستغرب من تصرفي عشان كدا قعد مسافة مصدوم😹😹بعد ٥ دقايق كدا قام جاء وقف في باب الغرفة
- ربا انا اسف عارف اني قسيت عليك شديد ف الكلام وعارف اني أحرجتك قدام صحباتك وخليت منظرك ما حلو بس أعمل شنو يشهد الله انا بغير عليك شديد بغير عليك من الهواء الطاير لو علي ما يمسك ربا انا ما عارف دي غيرة ولا جنون ولا نفسيات ولا شنو سميها زي ما عايزة تسميها بس والله انا ما بتحمل انا في لحظة بلقى نفسي هجت واتضايقت شديد وما بقدر أتحكم في غضبي بس يشهد الله انا بحبك يا ربا ما يتحمل انك تكوني بعيدة عني الله يرضي عليك أفتحي الباب ما تعذبيني انا اسف والله اسف☹☹☹
والله من جهة حنيت عليه شديد قربت أقوم أفتح ليه الباب لكن تاني رجعت قلت أسيبو يتأدب😒😒
•
•
•
-اها يا رؤى رايك شنو في بسمة بنت خالتك علوية لرضا😌
- والله يا أمي البنت حلوة ونظيفة وما فيها كلام لكن بترضى انها تبقى مرة رضا التانية؟
-وليه ما ترضى رضا دا أي بنت بتتمناه😒وبعدين نحنا حانخليه يطلق ربا دي عشان نرتاح منها لكن شوية شوية😈
-كيف يا أمي انتي ما شايفاه بحبها كيف؟☹
-انتي أصبري أول شي نخليه يعرس بسمة وهي تخليهو يحبها وينسى المجنونة دي وبراه بمشي يطلقها😈
•
•
•
-الو السلام عليكم
-وعليكم السلام
-معاك عماد صاحب بكوري
-ااه أهلين عماد كيفك
- والله تمام الحمد لله كيف انتي؟
-كويسة
-معليش بس كنت عايز أسألك من ربا لأنو من يوم عرسها تاني أخبارها انقطعت☹
-والله ربا كويسه لكن انا زاتي ما قاعدة أشوفها كتير مرة مرة بس
-بس لو تتكرمي تديني رقمها تكوني عملتي لي خدمة كبيره🙂💛
- طيب أطلعو ليك🙂
-تسلمي كتير🤤
•
•
•
أنا قاعدة في الغرفة ولسه ما فتحتها😹رضا ساكت وما قال حاجة الساعة كانت عاملة ١٠ وانا عارفة انو بنوم زي الزمن دا قلت يمكن يكون مشى نام لأنو ما سمعت ليه حس مشيت جنب الباب وحاولت أسمع اذا في حاجة لكن ما كان ف شي فجأه سمعت صوتو
-اي يا ربا انا لسه قاعد وما حامشي الا انتي تفتحي لي الباب وحافضل قاعد هنا للصباح وانتي عارفة اني ما بعرف أنوم الا جنبك ومادام انتي عايزة تحرميني منك حأفضل صاحي كدا☹☹
والله حنيت عليه شديد🥺🥺وهو الصباح عندو شغل بدري لكن ما حافتحو ليه🙄وعنو ما نام مشيت ضربت لرونق
-رونق عايني انا من قبيل قافلة باب الغرفة وقاعدة جوة وأخوكي دا واقف برة في الباب وشغال من قبيل يعتذر مني وقال انو لو ما فتحت ليه الباب حيفضل قاعد برة كدا للصباح☹
-خليه يقعد هو لازم يتأدب أوعك ثم أوعك تفتحي ليه الباب فاهمه؟لازم يتأدب عشان تاني ما يعمل حركتو دي😒
- لكن ي رونق هو مسكين وبكرة عندو شغل بدري🥺
-ويعني شنو يوم واحد سهار ما حايعمل ليه حاجة😒😒
- طيب تاني أعمل شنو؟☹☹
-بس خليك قاعدة في الغرفة كدا الصباح قومي ما تعملي ليه شاي ولا أي حاجة خلي يعمل براه وأهم شي ألبسي حاجات سمحة قدامو أشبكيه أصفر أخضر أحمر😹😹خليه هو زاتو يتلبش وأوعى تضعفي قدامو أو تخليه يقرب منك فاهمه؟صديهو طوالي
- طيب طيب والله انتي ي رونق طلعتي ما هينة😹😹
- يا زولة لازم😹
#يتبع
