قام من الأرض ودور عربيتو وماشي لربا ما قدر ما يمشي ليها ما قدر ما يشوفها ويشكي ليها ويترجاها ثالث ورابع وخامس انها ترجع ليه😢😢حسن لحقو وبقى ماشي وراه خاف انو يعمل في نفسو حاجة وصل ليها وبقى يضرب في الباب شديد ربا كانت قاعدة مع آمنة أمها وأبوها مافي عرفت انو دا هو آمنة قالت ليها خليه يدق كدا لمن يفتر ربا جاتها شجاعة كدا خلتها تقوم وتفتح ليه الباب مع انو آمنة كانت بتحذر فيها انها ما تفتحو فتحتو ليه وعيونو اتلاقت مع عيونها😢عيونهم الكانت بتحكي الحزن الهم عايشنو والعذاب الشوق الألم الدموع المخبية جوة بتحكي قدر شنو هم محتاجين لبعض قدر شنو انهم نفسهم يرجعو😢
-(كان بتكلم بحنية وصوت براحة صوت تعبان ومع عيونو المدمعة)ربا انتي ليه بتعملي كدا ليه بتعذبيني كدا معقولة أنا بستاهل العذاب دا كلو؟😢انتي عايزة شنو بس عايزة شنو؟
-عايزاك تبعد عني بس(هي زاتها ما عارفة نفسها قالت كدا ليه؟)
-(بقى يعاين ليها بنظرة ضعف عايزها تحن عليه🥺)أ أ أنا ما بقدر أبعد عنك وانتي عارفة أنا ممكن أعمل اي شي بس الا أبعد عنك🥺
-(شالت نفس وقالت في نفسها أنا لازم أنهي الموضوع دا)أنا وعماد حنتزوج عشان كدا أحسن تبعد عني وتمشي لمرتك وولدك وخليني في حالي
عيونو بقت حمراء والغضب بطلع من عيونو زي شرار😠🔥خش جوة البيت ومسكها من يدها بقوة كأنو عايز يكسرها ليها قلتي شنو؟😠تتزوجي انتي والحيوان دا؟على فكرة انتي لسه مرتي لو ما عارفة أعرفي وانا ما طلقتك فاهمة؟وتاني مرة ما تجيبي سيرتو في لسانك عشان انا ما أقطعو ليك😠
وهي تصرخ فيه فكني ياخ فك لي يدي انا ما بسمح ليك وأصلا انت ما عندك حق علي😠وكل ما هي تتكلم يمسك ليها يدها أقوى وهي تصرخ من الوجع آمنة حاولت تفكو منها بقت تصرخ فيه انت ما راجل يا جبان تتهجم على بنات في بيتهم طوالي لزاها وقعت في الأرض ربا وآمنة بقو يبكو وهو لسة ماسك يدها شديد قال ليها انا بحذرك يا ربا الولد دا لو شفتيه أو لاقيتيه بالغلط ساي والله ما أرحمك فاهمة؟وانتي لسة مرتي وعندي حق عليكي واتذكري الكلام دا كويس😠فكى ليها يدها وطلع وهو زهجان شديد شغال يقول انا بعرف أعمل ليك شنو يا ربا بعرف أعمل ليك شنو😠😠
هي بقت تبكي مجنون مجنون دا واحد مريض وجبان🥺🥺قومت آمنة من الأرض وهم الاثنين بقو يبكو🥺🥺خافو منو شديد🥺
بعد المغرب،،
ربا كانت قاعدة مع أمها وأختها بتكلمو في موضوع رضا وحكو لأمهم العملو قبيل وهي خافت شديد وقالت يمشو يقدمو شكوى عشان يضمنو ما تحصل ليهم حاجة وهو مجنون وممكن يعمل أي شي أي وحدة كانت خايفة أكتر من التانية حتى ربا جاها احساس ما حلو قلبها كان ماكلها وأمها برضو كانت خايفة شديد على بنتها والخوف دا ما كان عادي نهائ وقلب الأم ما بخيب😢شوية وعماد ضرب ليها قامت بالتلفون ردت عليه بقى يتكلم معاها وهي حكت ليه عن الحصل قال ليها الولد دا مجنون انتو مفروض تشتكو طوالي انا ما حخليه والله كيف يعمل معاك كدا😠😠وشنو المهم بقى يمثل ليها انو خايف عليها شديد وكدا ربا في سرها(انا عارفة انو عماد أحسن من رضا بمية مرة بس هو مستحيل يبقى زي رضا مستحيل قلبي يحبو مستحيل يشيل مكانو🥺)عماد قال ليها انو عايز يشوفها وكدا وحايقيف ليها جنب الدكان هي قالت ليه انها ما بتقدر والزمن اتأخر بس أصر عليها شديد بحجة انو عايز يطمن عليها بعدين هي لبست توب وكلمت امها انها ماشة الدكان أمها قالت ليها خلي آمنة تمشي معاك لأنو قلبي ماكلني شديد🥺قالت ليها دا خوف منك ساي ما حتحصل لي حاجة وانا عايزة أشم شوية هوا في النهاية طلعت لقتو واقف جنب الدكان سلم عليها وقال ليها خلينا نتكلم في العربية ركبت معاه واتكلمو شوية وقال ليها خلينا نعرس وشنو وهي قالت ليه خليني أكمل عدة الطلاق لكن هي أساسا ما عايزاه هي عملت كدا في لحظة زعل من رضا وكلمت رضا عشان تضايقو بس هي مستحيل تدخل راجل في حياتها غيرو🥺حاولت تصرفو سريع سريع مع انو هو أصر عليها تقعد معاه شوية لكن هي اتحججت بأمها وانو أبوها حيجي بعد دا ونزلت من العربية وماشة على البيت🚶🏻♀كانت شايفة نور عربية وراها بطفي وبنور بطفي وبنور حست بخوف شديد بقت تسرع في المشي العربية جات جنبها لكن كانت مظللة وترجع ورا وتاني تمشي قدام عملت ليها ارهاب بقت تقرا قرآن وتدعى انو ما تحصل ليها حاجة وتصل البيت بالسلامة لحدي ما العربية فتحت وفي زول جراها جوة وهي عايزة تصرخ لكن خدرها قبل ما تصرخ😢
بلسان ربا...
صحيت لقيت نفسي نايمة في سرير كبير ومغطية بملاية الشمس كانت جاية في وشي من شبابيك صغيرة كدا في غرفة كبيرة الأثاث بتاعها كلو بالأسود كانت حلوة وفخمة انا ما كنت عارفة انا وين والجابني هنا شنو اتذكرت العربية وانو في زول جراني جواها معناها انا مخطوفة😳انا مخطوفة؟شكلو دا الصباح انا من امس هنا؟😳وناس بيتنا وأمي؟😳نزلت من السرير سريع ومشيت على الباب بقيت بدق في الباب بيديني ورجليني ومافي زول بفتح قعدت في الأرض وانا ببكي بس ما عدت أكتر من ٥ دقايق والباب فتح ودخل منو رضا😳اي دا رضا زاتو يعني رضا هو الخطفني؟هو الجابني هنا؟هو الكان في العربية؟
-حبيبة قلبي صحت🙂
كان مسترخي شديد وباين عليه مرتاح ومبسوط وهو بتكلم
- انت كيف نفسك تسمح ليك تخطفني كيف😠(بتصرخ)
- انا ما خطفتك انا بس جبت مرتي لمكان حلو وفاضي ومافيه زول غيرنا عشان ناخد راحتنا في الكلام ونحل مشاكلنا
-مافي حاجة نحلها انت واحد مجنون ومريض😠وانا مستحيل أعيش لي مع واحد زيك فاهم؟وأسي رجعني بيتنا لأني ما حاقعد معاك هنا😠
-ويين ياا!اكيد بتهظري انتي من هنا ما حتطلعي لعلمك يعني😌
كان بتكلم معي وكأنو ما رضا الأنا بعرفو خفت منو شديد هو خطفني وجابني هنا وبتكلم معي بالطريقة دي وكأنو شارب حاجة كيف نفسو تسمح ليه انو يعمل كدا أصلا🥺بقيت بحس بيه كأنو مجنون بقيت خايفة على نفسي منو لا دا مستحيل يبقى رضا الأنا بعرفو مستحيل🥺بقيت أتلفت على الغرفة الباب كان فاتح وهو واقف بالجنبة طوالي جريت برة وهو بصرخ لي ربااا البيت كان شكلو غريب أول مرة في حياتي اشوف بيت زيو كان عامل زي البيوت الأثرية القديمة ما كنت شايفة أي باب قدامي وما عارفة أطلع بوين لحدي ما هو ظهر قدامي وانا خفت أكتر حاولت اجري بس هو مسكني من نصي وشالني وانا بصرخ وببكي وبترجاه ينزلني😭🥺 وهو بقول لي هاربة وين انتي؟يعني انا بعد ما أجيبك هنا أخليك تهربي هه وييين ياا😹رجعني لنفس الغرفة قعدني في كرسي بتاع حديد وشال قطعة وربطني بيها في الكرسي اي اتخيلو انو ربطني انا بصرخ وبصرخ وببكي ليه وهو بس بقول حاجة وحدة يعني فاكرة اني حسيبك تمشي تاني بعد ما لقيتك فاكرة اني ممكن أسيبك تاني؟قلت ليه الله يرضى عليك خليني لو بتعز الرسول خليني أمشي عملت ليك شنو انا عشان تعمل فيني كدا عملت ليك شنو حرام عليك 😭😭
قعد في السرير قدامي وقال لي يعني أتعذب براي لا لازم نتعذب سوا وأنا جبتك المكان البعيد من كل الناس المكان الما حيلقانا فيه زول حانكون برانا مافي زول عشان يضايقك مافي أمي عشان تنبذك وتشاكلي مافي اخواتي عشان يحسسوك انهم ما عايزنك لأخوهم مافي أي زول في أنا وانتي بس🖤🖤
رفع راسو بقى يعاين للغرفة
-وبعدين المكان هنا زاتو حلو شديد يعني حانعيش هنا حياة حلوة مع بعض ومن غير مشاكل🖤
-ومنو القال ليك اني عايزة أعيش معاك أساسا انا عايزة ارجع بيتنا وبس😒
-من الليلة ولقدام بيتك هنا بس🙂🖤
- انا ما عايزة أعيش معاك افهمني انا ما عايزاك وما عايزة أعيش معاك عليك الله سيبني لأنو ما ممكن البتعمل فيه دا🥺😢
•
•
•
آمنة وعماد وأمها ورونق وحسن كلهم بفتشو عن ربا من أمس بعد المغرب لحدي الليلة صلاة الظهر وهي مختفية مافي زول عارف عنها حاجة والقلق ماكلهم الببكي ببكي والخايف خايف عماد شغال يقول والله دا المجنون دا هو الخطفها وانا متأكد وانا ما حخليه لو تحت الأرض بجيبو😠حسن بضرب لرضا وتلفونو مغلق رونق تضرب لربا تلفونها مغلق خوفهم زاد أكتر وشكوكهم اتأكدت انو رضا هو السبب ورا اختفاءها دا😢كلهم كانو خايفين انو يعمل فيها حاجة لأنهم كلهم متأكدين انو رضا ماطبيعي وأكتر وحدة متأكدة كانت رونق أمها بتبكي شديد وتخت يدينها في راسها وتقول انا قلت ليها ما تطلع براها قلت ليها سوقي آمنة معاك لأني كنت حاسة انو في حاجة حتحصل والخايفة منو حصل😭😭ياريت لو ما خليتك تطلعي ياريت😭عماد وحسن مشو على أقرب قسم والباقيين بفتشو برجلينهم وبالتلفونات😢
#يتبع
