- يعني انتي ما لاحظتي للشبه الكبير البين رضا وعدي معقولة؟😏💁🏻
ربا دي بقت لا شايفة لا سامعة الدنيا دي بقت لافة فيها وما فاهمة شي😦بقت تتذكر في المواقف لما قالت لرضا انو نفسها في ولد وهو طوالي جاب عدي مع انو الإجراءات بتاعة التبني بتاخد زمن ولما عدي كان بقول عايز أمو وفي البداية ما كان قادر يتقبلها وكان قريب من رضا شديد كانو في حاجة بيناتهم والكلام القالو ليها عدي اليوم داك وانو رضا جابو مت أمو بالغصب وقال ليه ما تكلم ربا بحاجة وملامحهم البتتشابه والشامة الفي بطنو وحاجات كتيرة😦كيف انا ما انتبهت كيف ما لاحظت كيف؟يعني خنت ثقتي تاني يا رضا يعني ظني الكعب فيك طلع في محلو يا رضا؟يعني تاني عايزنا نرجع لنقطة الصفر؟يعني كنت واهمني ومعيشني على كذبة؟🥺
وهي بتتكلم مع نفسها رؤية طقطقت ليها يدها
-بالمناسبة انا وأمي قررنا نمشي نجيب مرة أخوي من البلد ونسوق عدي معانا عشان يعيشو معانا في البيت وقدام عيونا وعلى ما اعتقد المعلومة وصلت صاح؟😒😒
هي ما كانت قادرة ترد ليها بس بتسمع حتى للان ما قادرة تستوعب كانت عايزة زول يقول ليها دا كذب رؤية بتكذب☹☹رؤية مشت لعدي لبستو وقالت ليه يلا نحنا حنمشي بيتنا وهو ببكي خليني مع ماما قالت ليه بلا ماما معاك اصلا هي ما امك يلا تعال وهو مادي يدو لربا عشان تمسكو وهي بتعاين ليه من غير ما تتكلم وهو يبكي ماما ما تخليها تسوقني ماما😭😭بس رؤية ساقتو وطلعت خلت ربا في حالة مافي زول بحسدها عليها☹
•
•
•
-صباح الخير ي قمر🙂
-(بتتساءم)صباح النور
-نمتي كتير يلا خلاص☹
-الساعة كم؟
-وحدة
-(وهي مخلوعة)الظهر أذن😳
- اي قبيييل
-ليه ما صحيتني يا حسام🥺
-شايفك تعبانة قلت ما ازعجك🥺
- طيب حقوم أصلي
-طيب سريع عشان نفطر انا جوعان
-حااضر
•
•
•
جاء أواب داخل مكتب رضا بعد ما أمير طول شديد خاف انو رضا يكون شاف الجواز واتفاجأ لما شاف رضا بضرب في أمير وأمير شبه غمر خلاص بقى يحاول يمسك فيه وهو لسه مصر يضربو وما عايز يفكو أواب ما قدر عليه طلع برة ونادى حسن وكم زول من الشركة هم جاريين وبحاولو يفكو فيه وهو ما عايز يفكو وبصرخ فيهم خلوني أقتلو قلت ليكم خلوني أقتلو😠😠بعد تعب حتى قدرو يفكو منو وأمير في اللحظة دي كان خلاص الا شالو سريع سريع عشان يلحقو بيه المستشفى وكلهم طلعو كانو خايفين من رضا ومن الحالة الكان فيها اي زول كان بعاين للتاني قعد معاه الا حسن رضا قعد في أقرب كرسي وخت يدينو في راسو وبقى يبكي وبقول اي شي ولا ربا بس اي شي ولا ربا😭😭😭انا ما بقدر بدونها والله ما بقدر😭🥺كان ببكي زي الشافع الصغير حسن بتكلم معاه في شنو ي رضا الحصل شنو قول بسم الله وهو ببكي يا حسن اي شي ولا ربا بس اي شي ولا ربا😭🥺حاتضيع مني يا حسن حاتضيع مني🥺ما بقدر بلاها انا ما بقدر🥺🥺وحسن يهدي فيه في شنو استهدى بالله الحاصل شنو وهو ما اتكلم معاه ولا رد ليه بس بردد أي شي ولا رباا😭🥺بعد شوية قام من الكرسي بسرعة وجرا سريع على عربيتو وبقى يسوق بسرعة وهو الطريق كلو بدعى انها ما تكون عرفت وما تكون مشت وخلت البيت ومرة يبكي ومرة يصرخ مرة يدعى بقى حاسي انو الطريق بقى طويل وما قادر يصل كان سايق بسرعة والتوتر الفيه مع الخوف مع الدموع كان في حالة بتحنن قلب الكافر🥺🥺
•
•
•
ربا كانت قاعدة في الأرض وبتبكي كانت عايزاه يجي ويفهمها حاجة عايزاه يشرح ليها هو ليه كذب عليها ليه خلاها وهمانة وما فاهمة حاجة ليه عمل فيها كدا يعني انا طلعت المرة التانية في حياتو؟يعني كان بكذب علي لما يقول اني اول وحدة في حياتو واني أول حب يعني طلع دا كلو كذب🥺🥺يعني رضا طلع عندو أسرة مرة وولد ومخليني محبوسة في البيت وهو طلع متزوج وبولدو(تبكي)🥺ليه يا رضا تعمل فيني كدا ليه بس قول لي ليه؟ليه مصر تعذبني ليه🥺🥺(تمعط في شعرها)ااه ي رب انا ليه اتعذب كدا بس ليه؟🥺يعني دا كلو عشان انا ما بنجب😩 أول اتزوج عشان أمو وانا سامحتو مع اني مفروض من الزمن داك أتطلق منو وأسي اكتشفت انو أساسا متزوج وكمان عندو ولد وما كفاه دا كلو جابو لي في البيت عشان أربيهو وانا الهبللة صدقت انو بحبني واتبنى الولد عشاني بس شكلها مرتو تعبت من التربية قال ليها بوديه لربا تربيه اصلا هي شغالة تخدمني بس قاعدة في البيت لا عندها شغلة لا عملة جيبيه هي بتربيه اي ما انا خدامتك يا استاذ رضا(وتبكي)🥺😭
•
•
•
- الو يا مدام
-أهلين
-معاكي أواب صاحب أمير
-اتفضل
-امير دا في المستشفى
-سجمي مالو😳
-يستحسن انك تجي وتعرفي الحاصل
-طيب🥺في اي مستشغى انتو؟
-.....
- طيب جاية
•
•
•
-عارف يا حسام؟
-شنو؟
- انا نفسي اتغير وابقى كويسة نفسي أغير حاجات كتيرة في حياتي🥺
-انتي كدا حلوة وما محتاجة لأي تغيير
- لا محتاجة وكتير كمان محتاجة جواي يبقى حلو☹
- والله يا رؤى انتي طيبة ونظيفة بس انتي ما مصدقة نفسك☹
- انت ما عارف انا كنت قاسية كيف مع الناس خاصة ربا☹
- ربا منو؟
-مرة رضا أخوي والله البنت دي طيبة لكن انا كنت دايما بضايقها عارف يا حسام نفسي أعتذر منها على اي حاجة تفتكر حاتسامحني؟☹
-اكيد حاتسامحك
•
•
•
رضا وصل البيت نط من العربية سريع سريع لقى الباب فاتح قلبو بقى يدق خاف انها تكون مشت بقى زي الضايع خش جوة ولقاها في وشو قاعدة في الأرض وبتبكي هنا عرف انها عرفت نبضات قلبو كانت عالية حتى هو سامعها كان خايف من ردة فعلها خايف انو يخسرها☹☹
رفعت عينها لقتو قدامها مسحت دموعها وقامت من الأرض هو كان واقف بعيد منها وبعاين ليها عايز اي ردة فعل وخلاص بقى خايف ما قادر يتقدم ليها ما عارف يرجع ولا يقيف بقى ثابت في محلو وهي ما كانت مدياه اي موقف غير انها قامت من الأرض وجات مارة بجنبو وهو واقف لسه دخلت الغرفة وبقت تطلع في ملابسها من الدولاب وتدخلهم في الشنطة هو في اللحظة دي عرف انو مفروض يتحرك من مكانو فجأه احساسو اتحرك وحس بالمصيبة الهو فيها لحقها في الغرفة هي كانت بتبكي ومنهارة شديد🥺🥺حتى هو دموعو بقت تجري وما كان عارف يقول ليها شنو ولا يبرر ليها كيف من بعيد
-رباا
-....
-ربا
دموعو بقت تجري وهو شايفها بتدخل ملابسها في الشنطة وما عايزة ترد ليه قرب منها وقعد ليها في الأرض وهو ببكي🥺🥺
- ربا انا اسف والله اسف أعملي أي شي عايزة تعمليه بس عليك الله ما تمشي تسيبيني انا غلطان عشان ما كلمتك اني كنت متزوج قبليك بس انا خفت أكلمك وانتي ما توافقي بس والله ي ربا أنا الوقت كلو كنت معاك انتي حتى هي ما عارفة مكاني وين والله ي ربا عشانك انتي انا اتخليت عنها واتخليت عن ولدي والله انا ولا بالغلط بمشي عشان أشوفو انا أصلا ما مديه شي بس كلو عشانك والله ي ربا أنا بحبك كتير والله بحبك الله يرضى عليك ما تسيبيني انا اسف بالجد اسف🥺
-(بتبكي)كفايه ي رضا كفاية لحدي هنا انا اكتفيت منك بما فيه الكفاية ما بقدر أتحملك اكتر من كدا ما بقدر أتحمل أنانيتك وكذبك ما بقدر أنا اتحملتك كتير ولحدي هنا وكفاية بس طلقني وخلاص
- ربا عليك الله ما تعملي كدا انا مستحيل أطلقك انا بحبك وما عايز أبعد عنك ومستعد اعمل اي شي عشان ترضي حرجع عدي لأمو ولا أقول ليك حاجة حاتبرا منو عديل وأقول انو ما ولدي حاعمل اي شي بس انتي ما تسيبيني ي ربا الله يرضى عليك ما تسيبيني🥺🥺
- انت كيف نفسك تسمح ليك تعمل كدا مع ولد صغير ما عندو ذنب انت أصلا وقت ما عايزو وما عايز أمو ليه اتزوجتها من البداية؟
-اتزوجتها عشان ما كنت بعرفك بس لما شفتك وحبيتك بعدت عنها مع اني كنت عارف انها حامل بس سبتها عشانك انتي عشان ما تكون عائق في طريقنا عشان انا ما عايز حاجة تقيف بيناتنا أنا وانتي انا خمسة سنين بعيد منها وحتى ولدي ما شفتو وكنت مختفي وما حاولت أظهر عشان هي ما تعرف مكاني وتجي تعمل لي مشكلة وعشان انتي ما تعرفي انا حتى ما رسلت ليها ورقة طلاقها لأني خفت انها تعرف مكاني وكنت مخبي القصة دي سنين حتى ناس بيتنا ما عارفين بس لما انتي قلتي عايزة ولد و شايف انو الموضوع مضايقك شديد فكرت أجيب عدي وأخليه عندك وتربيه على أساس انو ولدك وبالفعل مشيت لأمو وأديتها ورقة الطلاق وشلتو منها ودا كلو عشانك انتي ي ربا🥺
#يتبع
