رونق جات لناس أمها مع حسن لما كلمها بالحصل مع رضا🥺
- لا حولا ولا قوة الا بالله يعني يا أمي دا كلو حصل وأنا ما عارفة😨
- والله ي رونق دا الحصل حتى نحنا محتارين وما عارفين نعمل شنو دي محن دي😪
- طيب وربا حايكون شعورها شنو؟😪
- ما بس تمشي بيت أمها وانتهى الموضوع😒
-انتي فاكرة الموضوع بالسهولة دي؟حاتكون متأثرة شديد والله ي حليلها😪
-بلا متأثرة معاك😒اسي الولد دا نعمل ليه شنو؟
-ودو لأمو بس خلي رضا يجي ويوديه لأمو هو زاتو بكون تعب من التوترات الحاصلة دي😪
-ربك يسهل بس😪
وهم قاعدين سمعو صوت الباب بدق شديد كووو كووو كوو حسن كان قاعد في الحوش البهناك لما سمع الباب مشى فتحو لقاه رضا وعيونو محمرة وظاهر عليه زهجان شديد ومنفعل حسن كان مستغرب فيه بعاين ليه كدا😳بتكلم معاه ي رضا في شنو مالك؟وهو خشى طوالي من غير ما يسلم ولا يتكلم مشى لأمو وأختو
- عدي وين؟(بصرخ)😠
-بسم الله الرحمن الرحيم في شنو 😳
-قلت ليكم عدي وين😠
-قاعد جوة بلعب
خشى ليه وجوة طوالي جراه من يدو وهو بقى يبكي فكني فكني😭😭طلع بيه برة وهم مستغربين فيه ليه ماسكو كدا😨
-فك الولد دا انت ماسكو شديد وهو ببكي فكو😩
ما اشتغل بكلامهم بقى يتكلم براه
-مش انت سبب المشاكل دي كلها مش انت وأمك العاملين المشاكل دي كلها؟انت وأمك خليتو ربا تسيبني حرجعك لأمك عشان كفاية تخربو لي حياتي كفاية وما عايز أشوف وشكم تاني لأي سبب😠😠
هم مستغربين فيه كيف يعامل طفل صغير بالطريقة دي حسن بقى يحاول يفكو منو ويشيلو
•
•
•
-أستاذ أمير حمدلله على السلامة
-حسام😠انت عارف انا ممكن أعمل شنو انا حانهيك من وجه الكرة الأرضية
-هههه حيلك حيلك
-كلمت ابتهال ليه؟😠
-😹هو ابتهال وبس حتى رؤية حبيبة القلب الجاتك في المستشفى أنا القلت ليك انك في المستشفى عشان تشوف وشك الحقيقي😌✌🏻
-والله ي حسام ما حخليك فاكر انك حتمشي ساي😠
-عايز تعمل شنو يعني؟مش كفاية العملتو؟كفاية انك تأذي الناس اصحى على نفسك وسيب البتعمل فيه دا😒
- انا ما عايز منك نصايح وكلام فارغ😠حندمك ي حسام والله أندمك
-😹كدا انت لما تطلع من المستشفى أول وحتى لو طلعت حتلقى رضا منتظرك وحتمشي السجن😹✈
•
•
•
حسن شال منو عدي بعد تعب كان ماسكو قوي شديد وعدي ببكي ويصرخ لما يدو بقت حمراااء🥺أداهو لرونق ورجع يتكلم مع رضا
- انت ليه بتعمل كدا دا ولد صغير كيف تسمح لنفسك تعمل معاه كدا؟
رضا قعد في الأرض وبقى يبكي
-عشان هو سبب المشاكل دي كلها عشان بسببو خسرت ربا وهي تاني ما حترجع لي بسببو هي سابتني🥺سابتني😪
كلهم كانو بعاينو ليه بمفاجأة مستغربين في حالتو كان عامل زي السكران وهو قاعد كدا ببكي🥺🥺فجأه قام وبقى ماشي وهم مشو وراه من غير ما يسألو ماشي وين لحدي ما وصل السطوح وهو ما قادر يمشي عديل كان مرهق نفسيا وجسديا وكلو🥺وبفكر في حاجة وحدة بس ربا وهي سابتو كيف حيقدر يعيش بدونها تاني هو بلاها ولا أي شي🥺🥺وقف في حافة السطوح وعايز ينط😳
كلهم بقو مقلعين عيونهم وخايفين😨
-حسن ألحقو😩😩
-ي رضا استهدى بالله قول بسم الله ما صاح البتعمل فيه دا
-مافي زول يقرب مني ومافي زول يتكلم معي(بتكلم وهو تعبان الكلام كان بطلع منو بعد تعب😪)
-طيب طيب مافي زول حيسألك بس انت روق وأرجع ورا
- ما راجع أنا😪
رونق وأمها ببكو🥺😭 وحسن بحاول يقرب منو ويهديه بس خايف انو ينط🥺كلهم كانو متوترين لحدي ما رونق شالت التلفون سريع سريع وضربت لربا في تلفون أختها
•
•
•
- أنا مستحيل أكمل معاه تاني خلاص كرهتو والله كرهتو😩😩
-استهدي بالله الأمور ما بتتصلح كدا وبعدين رضا بحبك وانتي عارفة😪
- ما بحبني رضا دا عبارة عن واحد مجنون وأناني وانا مستحيل أرضى أكمل معاه مهما يحصل😪😪
-ي ربا الأمور ما بتتصلح كدا وانا عارفة انك بتحبيه
- اي بحبو بس مستحيل أرجع ليه تاني كفاية لحدي هنا بالجد كفاية انا تعبت من الضغوطات دي كلها والله تعبت عايزة ارتاح😩
التلفون دق📞
- دي رونق
- ما عندي نفس أرد على زول😩
-يمكن عايزاك لي حاجة ضرورية
-بتكون عايزة تتكلم معي في موضوع رضا
- ياخ أمسكي
فتحت ليها الخط وأدتهاا التلفون
-ايوا ي رونق
-رباا الحقي رضا الحقي سريع قبل ما يقتل نفسو😩😩
- في شنو؟رضا مالو😳
-حيقتل نفسو ي ربا عليك الله تعالي سريع تعالي وقفيه عايز يقع من السطوح😩😭😭
-شنوو؟😳😳
-تعالي سريع عليك الله😩
شالت ليها أقرب توب وجرت الشارع وهي بتبكي آمنة لحقتها وهي ما فاهمه حاجة ربا بتبكي وبتقول حيقتل نفسو بسببي😭😭وبقت جارية في الشارع آمنة لاحقاهاا وما فاهمه حاجة ربا ماشة برجلينها وما قادرة تركز آمنة وقفت ركشة ووصفت ليه بيت ناس رضا حتى جرت ربا من توبها😹وركبتها الركشة وهي الطريق كلو بتبكي😭😭
•
•
•
-رضا انت كبير وعاقل الأمور ما بتتحلا كدا أهدا أول
- ما عايز أهدا ومافي زول يقرب مني😪
كلهم كانو عايشين على أعصابهم خايفين انو ينط في أي لحظة😩😩رونق بتدعى لي قلبها انو ما ينط وما تحصل ليه حاجة وربا تجي سريع تلحقو😩أمو شغالة تبكي وتلولو وانو 😩حسن كان متوتر شديد لأنو كان جنبو وكل ما يقرب منو رضا بقرب أكتر وبصر انو يقع كان الوقت لحدي ما ربا جات ورونق طوالي قالو ليه خلاص ي رضا ربا جات هدي جات انت قلت عايزها ونحنا جبناها ليك عليك الله انزل عليك الله😭😭
ربا جات قريبة منو وهي بتبكي🥺🥺
-رضا عليك الله أنزل عليك الله🥺
-أنزل كيف وانتي سبتيني ي ربا اعمل شنو انا من غيرك بس قولي لي أنا قلت ليك مية مرة اني بلاك ولا أي شي قلت ليك اني ما بقدر أعيش بدونك قلت ليك صاح؟🥺🥺
-طيب انت انزل ونحنا حانحل أي حاجة كلو بتحلى بس انت تعال وانا بوعدك انو حنقدر نحل مشاكلنا🥺
- لا دا ما كفاية انا عايزك توعديني انك ما تسيبيني نهائ اوعديني انك ما تطلعي تخلي البيت لأي سبب أوعديني انك تفضلي معي عمرك كلو أوعديني انو ما تزعلي مني وما تسيبيني🥺🥺
- طيب بوعدك انت انزل اسي🥺
- يعني ما حاتسيبيني في يوم؟ما حتتخلي عني؟
- ما حاتخلى عنك وما حسيبك بس انت انزل🥺
بعدين هو نزل وكأنو ما حصلت حاجة😹جاء عليها وحضنهااا شدييييد بقى حاضنها كدا ويشيل ويبوسها في راسها وفي يدينها ويقول ليها انا بحبك كتير يا ربا والله بحبك مابقدر بلاك انا ما بقدر🥺🥺أمو وحسن ورونق لسه واقفين ودموعهم جارية كلهم مستغربين من رضا وكيف هو بحبها ومتعلق بيها كدا🥺 الموقف دا أثبت ليهم قدر شنو رضا مجنون وممكن يعمل أي شي عشان ربا حتى هي كانت حاسة بخوف لأنو هو أثبت ليها انو بحبها لدرجة بعيدة هي ما حتقدر تسامحو وترجع ليه بعد ما عرفت انو كان متزوج وعندو ولد ما حتقدر تديه فرصة تانية حست انو طلع من نفسها وما قادرة تواصل معاه أكتر من كدا بس هي خايفة عليه خايفة يعمل في نفسو حاجة 🥺وهي ما عايزاه يتأذى لأنها لسه بتحبو اي صاح بتحبو لكن ما عايزة تواصل معاه ما عايزة ترجع ليه ما عايزة أي علاقة معاه بس هي ما عارفة في الوقت الراهن تعمل شنو غير انها ترجع معاه وبعدين تتصرف🥺😪
#يتبع
