وقعت التلفون من يدي بقيت أرجف وجسمي كلو بكب موية🥺🥺ما عارفة الحالة الجاتني دي ولا قادرة أوصفها🥺💔 حتى ما قادرة أحرك نفسي فجأه حسيت كل شي وقف بقيت أبكي بصوت عالي😩 وأصرخ حسي دا كلو طلع يعني رضا عرس؟سمع كلام أمو وعرس؟🥺عرس فوقي عرس وهو دايما كان بقول لي يا ربا أنا بحبك يا ربا أنا مستحيل استغنى عنك ربا أنا ما بقدر بلاك ربا أنا ما بقدر أعيش بدونك يا ربا انتي حياتي كلها😓💔بقيت أتذكر في كلامو البقولو لي دايما حتى لما عرفت اني ما بنجب قلت ليه عرس وهو رفض وقال لي تاني لو جبتي السيرة دي في خشمك انا مستحيل اتكلم معاك يعني معقولة الكلام دا كلو كذب؟يعني رضا كان بغش علي؟يعني العشتو معاه كلو كان وهم في وهم؟🥺😩يعني رضا ما كان بحبني رضا واحد كذاب قعدت أصرخ كذااااب جبان محتال😩 والله الموت كان أسهل علي من الشفتو دا🥺قلبي بقى يوجعني زي كأنو مطعون بسيف حاد والله الطعن كان أهون من الشفتو دا والله اهون🥺🥺بقيت ابكي زي الميت لي الزول اتمنيت انو دا كلو يكون كذب اتمنيت انو يكون في زول فبرك الصور دي عشان يخليني ازعل من رضا اتمنيت انو يكون دا مقلب من زول🥺بس شكلو دا حقيقية أصلا أمو كانت عايزاه يتزوج وكانت ناقه عليه كتير بسبب الموضوع دا وحتى رونق قالت لي كدا بس انا ما كنت شايلة هم للموضوع لأني كنت فاكرة انو رضا مستحيل يعمل كدا بس هو استغباني وعرس😓لقيت نفسي غبية لما كنت بصدقو غبية شديد لأني ما كنت بخت احتمال للحاجات دي كلها غبية انا غبية تاني رجعت أبكي واصرخ🥺🥺بقيت قاعدة كدا ساعة كاملة ما فاهمه حاجة قمت مشيت الغرفة فتحت الدولاب ورميت ملابسي كلها في الأرض دا كلو وأنا بصرخ يا كذاب يا جبان يا حيوان الله يقتلك ياخ الله يقتلك ويريحني من العذاب العذبتني ليه دا😭😭شلت ملابسي دخلتهم في الشنطة وشلت تلفوني وطلعت لما وصلت الحوش هو جاء خاشي انا لما شفتو اتمنيت الأرض تتشق وتبلعني ما كان نفسي اشوف وشو كرهتو للحظة وقرفت منو لأنو واحد كذاب🥺لما شافني شايلة الشنطة في يدي وعيوني مورمة ووشي أحمر خاف شديد وجاء علي بسرعة
- ربا في شنو مالك بتبكي وشايلة الشنطة دي ماشة وين؟😳
ما رديت عليه بس مشيت مسكني من يدي
- في شنو يا ربا😠
فكيت منو يدي بسرعة
- ما تفكر انك تلمسني تاني فاهم؟😠
- يا بت انتي جنيتي قبيل ما كنتي كويسه في شنو اسي؟😒
فتحت تلفوني وفتحت ليه الصور ووريتهم ليه
-كدا عرفت في شنو؟
هو بقى مخلوع وعامل كدا😳
- يا أستاذ انا ما لعبة وقت تكون عايزني تجي تبكي لي وتقول لي كلمتين حلوين ووقت تلقى نفسك ما محتاج لي تجدعني انا ما حاسألك عملت كدا ليه لأنك كذاب وساهل عليك انو تطلع لي حجة وبوين بوين حاتخليني اصدقك زي كل مرة لكن وين المرة دي غير كل مرة رسل لي ورقتي ولحدي هنا وكفاية😭😭
جيت ماشة جاء وقف
قدامي🚶🏻
- ربا انا ما حكذب عليك اي انا عرست بس والله عندي مية سبب يا ربا أنا بس عايزك تسمعيني وحفهمك اي شي براحة براحة🥺🥺
بقيت أصرخ فيه
-تفهمني شنو ولا شنو ياخ يا بني ادم انت انا ما عايزاك تاني فاهم انا قرفت منك ياخ كرهتك وكرهت كذبك وعصبيتك كرهتك كلك انا ما عايزة حاجة غير ورقتي فاهم وباقي ملابسي وحاجاتي آمنة حتجي تشيلهم لي😒😪
وجيت ماشة وهو ما حصلني وصلت الشارع وانا مخنوقة ما قادرة أمشي وقفت لي ركشة وركبت من غير ما أتكلم معاه هو بقى يسألني ماشة وين ي أخت وأنا ما جايببة ليه خبر سألني مية مرة حتى انتهبت ليه وصفت ليه البيت والطريق كلو سرحانة وشغالة أبكي🥺😭
•
•
•
رضا جاء خاشي لأمو وأخواتو لقاهم قاعدين بشربو في جبنة كان عامل زي الثور الهايج جاء خاشي كدا وقع الكرسي في الأرض وبقى يصرخ😠
-الحيوان الرسل لربا صور العرس منو دا منو سريع قولو😠😠
كلهم بقو خايفين وأي وحدة بتعاين للتانية😳رؤية كانت خايفة شديد شغالة ترجف كلهم بقو يعاينو ليها لأنهم عارفين انها هي الرسلت الصور لربا هو لما شافهم بعاينو ليها وشافها خايفة
- دي انتي يا رؤية؟😠
ما قدرت ترد ليه وبقت ترجف قام صرخ فيها
- دي انتي قلت ليك؟😠
-اي🥺
الساعة الجاء ورزعها كف خلاها تشوف عشرة عشرة خشمها بقى ينذف قبل ما تقوم تاني لحقها واحد تاني🥺 أمو جات تحجز براها رونق ورؤى بحجزو
-خليها يا رضا سيب البنت عايز تقتلها انت رضااااا🥺😭😭
وكلهم بصرخو فيه عشان يسيبها هو بقى يصرخ ويتكلم زي المجنون😠
- انا مش قلت ليكم مافي زفت منكم يكلم ربا بالعرس دا قلت ليكم ولا ما قلت😠؟مش قلت ليكم أي شي ولا ربا ياخ ان شاء الله تشيلو روحي دي كلها لكن ربا ما تمسوها قلت ولا ما قلت؟😠ياخ انا عشان انتي قلتي متبرية مني وقلتي حاتموتي
لو انا ما اتزوجت قلت ليكم خلاص انا حاعقد عليها بس من
غير ما ربا تعرف داكلو عشان خاطرك بس في النهاية انتو عملتو شنو مشيتو كلمتوها وهي سابتني اي سابتني وتاني ما حترجع🥺
قعد في الأرض وبقى يبكي زي الشافع 🥺
-انا مش قلت ليكم أي شي ولا ربا اسي هي اتخلت عني اتخلت عني بكل بساطة وهي ما عارفة اني من غيرها ما بتنفس والله ما بتتفس ربا مشت اي مشت وبسببكم انتو هي سابتني 🥺🥺
قام من الأرض ورفع يدو قصادهم
- والله أندمكم على كل دمعة نزلتها ربا من عيونها والله أندمكم😠😠
كلهم بقو يعاينو ليه كدا😳😳
-رضا انت واعي لنفسك بتقول في شنو انا أمك وديل أخواتك كيف تتكلم معانا وكدا وتهددنا كمان😒
هو بقى يصرخ😠
-اي بتكلم معاكم وما اتكلم لو اتكلمت انتو البديتو وانا حوريكم حاعمل شنو ومش البنت الاتزوجتها دي أسي بطلقها ليكم😠 انا الف مرة قلت ليكم أي شي ولا ربا قلت ليكم ياخ أعملو أي شي عايزنو بس ربا لا ربا مافي زول يقرب منها ربا مافي زول يسألها😠 بس انتو معندين اي انتو مصرين تغلطو لكن كويس من يوم الليله ولقدام انا ما بعرف زول فيكم ولو ربا ما رجعت لي بوعدكم انكم حتندمو 😠😠
وطلع خلاهم كلهم مستغربين في كلامو معقولة هو واعي يقول كدا كيف أخواتو بقو يبكو أمو تولول وتبكي😭😭
هو من محلو دا ومشى على بيت ناس ربا لقى أبوها قاعد بقى يتكلم معاه في الموضوع لقى انو هو عرف من ربا انو اتزوج عشان كدا ربا جات هنا وهي طالبة الطلاق أبوها قال ليه انو الراجل محلل ليه ٤ ومن حقو يتزوج بس ربا ما عايزة تتقبل الفكرة وهي ما راضية انو يكون معرسين فوقها اتكلم مع أبوها كتير وقال ليه أنا عايز أشوفها مشى ليها في غرفتها لقاها طافية النور وقاعدة تبكي بصوت براحة🥺🥺فتح النور وجاب كرسي وقعد قدامها هي لما شافتو اتلفتت منو بقى يعاين ليها وعيونو كلها دموع
-ربا🥺
-•••••
-حبيبي🥺
-••••••••••
- ربا عليك الله اتكلمي معي🥺
-•••••••
- والله بحبك يا ربا والله بموت في التراب البتمشي عليه🥺اتكلمي معي ردي لي قولي أي شي ان شاء الله أضربيني شاكليني أعملي اي شي بس ما تسكتي عليك الله يا ربا🥺🥺
-••••••
- طيب أقول ليك حاجة انا عمري كلو ما فكرت أتزوج فوقك أو أخليك عشان أتزوج انا عارف انك قبل كدا قلتي لي يا رضا عرس ما مشكلة أنا موافقة بس أنا رفضت وقلت ليك ما عايز غيرك حتى لو حياتنا ما فيها أولاد أنا راضي لأنك انتي مكفياني🥺وانا لحدي الآن في كلامي ولحدي الآن انتي مكفياني وما عايز غيرك انتي عارفة أمي كانت كل يوم بتنق لي في الموضوع دا وانا بقول ليها غير ربا أنا ما عايز هي كانت طوالي بتفتح لي الموضوع دا وانا بتهرب منها وما بسمعها وما كنت راضي أكلمك عشان ما تزعلي😓بس هي هددتني انها تحرق نفسها لو انا ما عرست والله يا ربا شالت البنزين وعايزة تولع على نفسها دا كلو كان قدامي وما كان عندي طريقة غير اني أرضى بعدين هي قالت الا تعمل عرس وقومة وقعدة قلت ليها انا المواضيع دي كلها ما بتنفع معي وهي أصرت انو نعمل جرتق لكن والله ياربا انا البنت دي للآن ما شفتها ولا حتى عارف شكلها ولا عارفها عاملة كيف ولا اتكلمت معاها وما عندي معاها أي حاجة أنا عملت دا كلو عشان أمي انتي عارفة أنا بحبها قدر شنو وخفت اني أكلمك وتزعلي وانا ما صدقت اني خليتك ترجعي البيت ما بقدر أتحمل إني أخسرك تاني🥺
قعد جنبي في السرير ومسك يديني قوي
- ربا والله انا بحبك انتي أي حاجة ف حياتي🥺
#يتبع
