- والله يا رضا كان تعمل كدا من البداية😹😹
-كويس يا آمنة أصبري لي😒
-بالله تاني ما تخليها ترجع كفاية خلصت لينا أكل البيت كلو
-أي انا عارفها آفة
ضربتو في كتفو😒
-خلاص حاسبيني بعدين أنا راضي😉
-استنى أطلع ليك ملابسها
-للدرجة دي مستغنين عني اصبرو بس😒
-😹😹😹😹
- انا ما قلت ليك مافي زول بقدر يستحملك غيري😹😹
- انت تسكت خالص😒
-حاضر😹😹
دا كلو وهو شايلني ما تستغربو😹😹طلعنا برة ركبني في العربية وقفل الباب
- أنا لو عارف كان من البداية سقتك بالغصب لأنو دا البنفع معاك😒😒
- انت شكلك عايزني أنزل يلا باي👋🏻😒
وفتحت باب العربية😹
-ي بنت ي مجنونه خلاص يعني الزول ما يهظر😒
-😒😒اي
-مشتاق ليك💜
-اممم
-شنو امم أقول ليك مشتاق ليك
-وبعد داك؟😌
-عليك الله جبتي اللآمة دي كلها من وين؟😒
-منك انت😒
-ي شيخة؟🙄بس خلينا نصل البيت حأدبك أدب أدب عمرك ما اتأدبتي زيو تاني لو قالو ليك أطلعي من البيت دا ما تطلعي
-🥴🥴🥴
- ربا أحسن تبطلي ما لمصلحتك على فكرة😒
-😹😹😹😌😒
بس شغالة أعمل ليه في حركات كدا من غير ما أرد ليه وهو زهج مني شديد كل شوية يقول لي بس خلينا نصل البيت والله ما أخليك أصبري بس😹😹
•
•
•
-مالك زهجان كدا في شنو يا فردة؟
- ربا يا بكري😓
-عماد البنت متزوجة أحسن تخليها في حالها هي مش براها اختارت طيب انت ليه لسه مصر عليها عيش حياتك ياخ
- ما بقدر يا بكري انا استحملت ٣ سنين تاني ما بتحمل البنت دي انا عايزها😢
-عماد أحسن تفوق على نفسك البنت متزوجة سيبها في حالها ما تخرب ليها بيتها
- أنا متأكد أنها حاتجيني براها وتقول لي خلينا نتزوج لأنو راجلها مجنون وهي ما حتتحملو أكتر من كدا
-والله انت المجنون😒
•
•
•
-اي يا أمير في شنو ياخ مالك ضارب لي زي الزمن دا أسي لو زول سمعني😠
-انتي نسيتي انك مرتي ولا شنو وعندي حق أضرب في أي وقت زي ما انا عايز وغير كدا انا مشتاق ليك أعمل شنو يعني😓
- أمير انت عارف ظروفي أصبر شوية وما تضرب لي زي الزمن دا لأنو ممكن زول يسمعني
-ياخ طيب طيب لكن بكرة تجيني من الصباح لو ما جيتي أنا بتصرف براي فاهمه؟😠
-حاضر حاضر😢
وقفلت الخط لكن لما اتلفتت لقت رونق في وشها😳وخافت انها تكون سمعتها😢
-ر ر ر ونق؟
-كنتي بتتكلمي مع منو يا رؤى؟😠
-م م م ع م م م مع زول
-رؤى أحسن تنطقي دا منو الزول الماشة تشوفي دا😠
- ما ماشة أشوف زول ياخ
- انا سمعتك دا منو يا رؤى😠😠
-دا واحد بس صحبي
-صحبك تقولي ليه ما تضرب لي زي الزمن دا عشان مافي زول يشوفني لو صحبك بتدسي مالك وكنتي خايفة مالك وانتي بتتكلمي معاه وقعدتي تتمتمي لما شفتيني😠
-مافي شي يا رونق قلت ليك صحبي وخلاص ياخ😪
وطلعت خلتها وهي شغالة تتنهد خافت شديد انها تكون شكت فيها😢
•
•
•
بعد ما وصلنا البيت نزلنا من العربية هو بقى يفتح في باب الشارع بالمفتاح يلا انا عرفتو ناوي نية ما كويسة فتح الباب بيجاي انا خشيت جوة وجريت بيجاي😹😹وهو بقى ساكيني
- ربا اقيفي والله لو مسكتك ما بحصل خير😠
-أبييييت🥴
- ما تخليني أجري وراك كدا يا بت أقيفي😠
-😹😹😛😛
-كويس يلا ١ ٢ ٣
بس فجأه بقى جاري وراي شديد خفت انو يمسكني جريت على غرفتها وعايزة أقفل الباب كدا قام مسكو بيدو وفتحو بقى يرفع لي في حواجبو ويعاين بخباثة😏😏جراني عليه ومسكني من نصي
- يعني انا من قبيل جاري وراك في. داعي أسي لدا كلو😔😔
-😒😒
-يعني عايزاني اموت ولا شنو؟
-اممم
-بالطريقة كدا حتقتليني ما سمعتي بالولد الكان بحب ليه وحدة شديد شديد وما كان بشوفها ومات من الشوق
-هاااا😏
-جادي معاك بالمناسبة😹
-صاح صاح صاح
-المهم دا زاتو م موضوعنا
-اها موضوعنا شنو أنجز😒
-بحبك
واي من الكلمة دي🥺🥺وبالذات لو جات في نص الونسة🥺🥺ااه بس🥺 بعدين هو شالني وووو
قطعت جهيزة قول كل خطيب..😹
الصباح قمت من النوم ما لقيتو جنبي شفت الساعة لقيتها ١١ نمت كتير عديل😓😓رضا أكيد بكون مشى الشغل لما قمت لقيت في ورقة في الكوميدينا و معاها وردة حمراء🌹شلت الورقة فتحتها كان مكتوب فيها(عندما رأيتك في حفل أقاربي أخذني جمالك.... وشدني ملاحة وجهك، فتعلق نظري بك، وصرت أبحث في وجهك عن شيء ما.. ربما عن نفسي.. أو عن سر ذلك الضباب الذي يغطيه..
كنتي ..... تقفين أمامـي تمامًا.. بالقرب مني.. ممشوقـة القـوام، وبيـن عينيكي شـيء من حـزن قديم، أو فـرح لم يكتمـل.. كان في أسلوب حديثك عمق جذاب.. أو هو من نوع خاص.. فبدأت أشعر بإحساس لم آلفه من قبل.. كنت أشعر بأن جوارحي تسكت.. وأن هدوءًا مقدسًا يسيطر علي، ويجعلني أحدد معالم كل شيء من حولي..أحببتك نعم أحببتك من أول نظرة أحببتك وجننت بك 💙 💙 💙 💙
يلا قومي سريع عارف انك حتقعدي تقري الرسالة مية مرة وما حاتقومي من السرير وأنا لمن ارجع البيت حالقى مافي أكل عشان كدا قومي سريع فاهمه؟😒(لازم يخرب الرسالة بكلامو دا😹😹)
قعدت أقرا في كلامو وأتبسم براي وأضحك زي المجنونه😹😹يا الله يا رضا بحبك 🥺ياخ
قمت نظفت البيت وبقيت أعمل في الأكل رضا عارفة لو جاء وما لقى حاجة جاهزة بقتلني😹😹
خلصت بعد الظهر كدا بعدين قعدت أقلب في تلفوني خشيت الواتس ولقيت كمية من الرسايل بالجد الزول لما يكون عندو زمن ما فعل نت بلقى العالم دا كلو بسأل منو😹😹المهم قعدت أتونس مع صحباتي عاملين لينا قروب كدا بنحكي فيه شمارات بعض😹لقيت عماد عامل لينا قروب فيه ابتهال وحسكو وبكوري طوالي خشيت ليك فيهم مشتاااقييييين وشنو اقسم بالله ساعة كاملة نحنا بنتونس ما خلينا حاجة😹واتفقنا انو يوم نعمل لينا طلعة ظريفة وكدا وابتهال شغالة لينا انا ما بقدر انتو عارفين خلوني بعد أوضع كدا عماد شغال يكاوي فيها قال ليها نحنا حنمشي وما عندنا بيك شغلة وهي عملت زعلانة وشنو😹قطعت ونستي معاهم لما جاني تلفون من رونق
-اوو رونق المزة الشوق
-ماشاء الله شكلو مزاجك رايق
-اي شديد😌
-ان شاء الله دايما اها عملتي شنو مع رضا؟
-ي ستي رجعنا😌♥
-انتي جادة؟
-والله😌
-امم طيب رضا ما قال ليك شي؟
-شي زي شنو يعني؟
- لا يعني قصدي انتو كويسين مع بعض وكدا؟أموركم تمام؟
-اي تماام وأحلى من التمام كمان😌💜
-امم طيب انا حاقفل
- طيب
ما عارفة كلام رونق ما عجبني كأنو في حاجة حاصلة لكن ما ركزت معاها شديد رجعت الواتس تاني لقيت في رسايل من رقم غريب لما فتحتها لقيتها صور أكتر من ١٠ صور فتحتهم وكانو صور لرضا وهو لابس جلابية بتاعة جرتق ومعاه بنت لابسة توب أحمر ومعاه قرمصيص صورة هو ملبسها الدبلة وصورة فيها أمو خاتة ليه الضريرة في راسو😳
#يتبع
