مشيت رفعت التلفون الاستيكر اتكسر حتة حتة الحمد لله انو بقت على الاستيكر ما الشاشة😭😭دخلت فيه البطارية وفتحتو وهو واقف بعاين لي وبحمر بعد ما فتحتو خشيت المكالمات عشان أشوف الرقم لقيتو نفس الرقم الضرب لي أمس وم كان برد
- والله يا رضا الرقم دا انا ما عارفاه أمس ضرب لي ولما رديت ما كان برد🥺
- يعني امس برضو ضرب ليك؟😠
-اي بس لما فتحت الخط ما سمعت صوت أي زول
- هو قبيل قال عايز ربا يبقى زول بعرفك😒😠
- لكن انا والله ما بعرفو😭
فجأه جات رسالة في تلفوني قبل ما أقراها رضا ختفو مني😦
وقرا الرسالة بصوت عالي
(ربا انتي مالك ما بتردي علي أنا ما عارف عملت ليك شنو عشان ما تردي طيب طمنيني عليك على الأقل انتي كويسة؟ورضا كيف معاكي ان شاء الله ما يكون يضربك ولا بزعلك؟وعليك الله أرجعي لي بتلفون عشان أطمن عليك)يلا أنا خلاص في اللحظة دي بديت أشوف طشاش طشاش😦🥺والله خفت خوف الحيحصل لي شنو أنا ووب علي بس😭😭اصلا مافي غير عماد برسل الرسالة دي ياخ الولد دا مالو😭هو ما حيرتاح الا يخرب لي بيتي😭😭رفعت راسي عاينت لرضا لقيتو بعاين لي كأنو حيقتلني😭 بقى يكرر جملة(رضا كيف معاكي ان شاء الله ما يكون بضربك ولا بزعلك؟)انا بس بعاين ليه ما قدرت أنطق بكلمة😭
- يعني انتي بتحكي للناس عن مشاكلنا بتقولي ليهم انو راجلي بضربني راجلي بعذبني راجلي بزعلني صاح؟😠
-لالا والله يا رضا انا ما قاعدة أحكي لزول عن مشاكلنا والله بس دا شكلو عماد والمرة الفاتت لما حصلت المشكلة ديك وهو كان قاعد وكدا بس🥺🥺
-ايواا يعني انتي كنتي متواصلة معاه؟😠
-لالا بس لما انا كنت في بيت ناس أمي وانت كنت عارف ولما
-ولما مشيتي معاه لإبتهال اهاا😒
-اي بس😢
-ولما بقيتي ما بتردي عليه قال أضرب ليها أشوفها حاصل عليها شنو صاح؟😠وأشوف راجلها اذا بطل انو يضربها؟والله ماشاء الله بعرف يعمل الواجب😒
-ي رضا القصة ما كدا🥺
-(علا صوتو)أها كيف طيب قولي لي كيف؟😠
-والله انا بقيت ما برد ليه أصلا عشان ما عايزة اتشاكل معاك حتى حظرت رقمو والرقم الضرب لي منو دا انا ما مسجلاه عندي أصلا ولما رديت ما كان في زول بتكلم وما كنت فاكرة انو دا هو والله😢😢
- التلفون دا تاني حايكون عندي أنا فاهمه؟😠
(يعني حايشيلو مني🥺🥺)
-لكن يا رضا انا حاتكلم مع ناس أمي كيف وصحباتي🥺🥺
-أضربي ليهم من تلفوني لكن فكرة انك تكوني شايلة تلفون دي ولا تحلمي بيها مافي تلفون تاني من الليلة ولقدام😠
- بس يا رضا انا🥺
قبل ما أكمل كلامي طلع وخلاني😭😭يا لطيف(احي يا لطيف😹)
•
•
•
-ياخ انتي بتاعة أمور وأنا ما بقدر اواصل معاك أكتر من كدا😠
- انت بتقول ف شنو يا أمير انا عملت شنو عشان تقول كدا😭😭
- ما قادر أتحملك اكتر من كدا انا كل يوم طالعة لي بمشكلة جديدة والليلة جاية تقولي لي انت متزوج وبس عايز تغش علي😠
-انا اسفة خلاص اعتبرني ما قلت حاجة😢
-كيف أعتبرك ما قلتي شي أنا الأمور دي ما بتنفع معي وانتي عارفة حاجة زي دي عشان كدا أي زول يمشي باتجاه وخلاص😠
-كيف يعني يا أمير معقولة تعمل فيني كدا😢انا عملت شنو غير اني حبيتك عليك الله ما تسيبني😢
-يا زولة خلاص انا تعبت منك ومن مشاكلك أي زول يمشي بطريق بس ودا آخر كلام عندي😠
- بس يا أمير انا🥺🥺
قبل ما تتم كلامها تيت تيت قفل الخط وهي بقت تبكي وتبكي بأعلى صوت ليها كويس انو البيت مافيه زول بقت تبكي على خيبتها وعلى العملتو وعلى انها جابت ليه سيرة انو متزوج وعلى انها اتزوجتو عرفي من غير علم أهلها😭😭وأسي الحيحصل ليها شنو لما ناس بيتهم يجو حاتقول شنو😭😭
اتذكرت انها عملت معاه علاقة كاملة يعني هي تاني ما حينفع تتزوج ومافي زول عارف انها كانت متزوجاه أصلا😭وهو استغنى عنها والوعود الكان بوعدها بيها وانو يجي يتزوجها وانو يجيبو أولاد يعني دا كلو طلع كذب؟😭يعني أمير طلع كذاب😭أنا اعمل شنو اسي اعمل شنو؟😭فجأة مسكت بطنها وجرت الحمام تستغرغ والمصيبة الأكبر انها ما نزلت الولد لأنها بعد مشت مع أمير عشان تنزلو خشت للقابلة براها وأوهمت أمير انها نزلتو لأنها فاكرة انو لو هي عندها ولد منو هو ما حيهرب منها وحايكون مجبور انو يتزوجها لكن هي ما عارفة انو هو ما فارقة معاه أساسا😢😢
•
•
•
-اها اتكلمت معاه؟
-لالا لسه منتظرو يجي الشركة وللآن ما جاء
- طيب لما يجي انت شوف شغلك طوالي
-تمام
•
•
•
-انتي يا بتي ما تكلمي أمير دا يفتش ليك أبو ولدك يمكن يلقاه
- يا أمي نحنا ما عايزين نفتشو ولا عايزين منو حاجة أساسا انا كل العايزاه يطلقني وخلاص ولا انا حامشي المحكمة وأخلي القاضي يطلقني
-يطلقك هو وكيف وراجلك قاعد لا مفقود لا مسجون
- حتى لو هو غايب مننا السنين دي كلها تلفون ما بستخسرو فينا عشان بس يطمن على ولدو يعرفو حي ولا ميت
- هو ولدو دا قال ما عايزو عديل قالها ليك بالواضح كدا يبقى كيف حيسأل منو😢
- والله يا أمي انا ضاقت بي عديل ما قادرة أصبر🥺
-أصبري يا بنتي شوفي نهاية أمير😢
•
•
•
-سلام أستاذ رضا
-أواب تعال لي في المكتب
- طيب
ولحقو في المكتب
-عايز المستندات الأديتك ليها المرة الفاتت تراجعها
-طيب حجيبهم ليك بس يا أستاذ انا كنت عايزك في موضوع
-اتفضل
-الشركة العرضت علينا الشراكة العرض دا كويس شديد وانا شايف اننا ما مفروض نفوتو
-طيب جيب لي معلومات عن الشركة دي وأنا بدرسهم وبقرر
-طيب
•
•
•
-اها يا أواب كلمتو؟
-اي كلمتو بس قال عايز معلومات عن شركتكم
- طيب كويس أديه المعلومات الأنا رسلتها ليك وبالنص فاهم؟
-طيب
•
•
•
- انت عارف انو رؤى ما نزلت الولد؟
-😹اي عارف؟
-ومبسوط وهناي وبتاع😒
-أنا أصلا ما عايزها تنزلو😹😹
-ليه؟
-الموضوع دا بعدين حايفيدنا كتير لما أهلها يكشفو انها اتزوجت من وراهم دي مشكلة ولما يعرفو انها كمان حامل كدا بتبقى مشكلتين😌✌🏻عرفت كيف؟
-اهاا طلعت ما هين😹
-معاك أستاذ أمير ياخ😹
•
•
•
كنت قاعدة بشاهد في فلم وما عندي حاجة أعملها بالجد التلفون دا فرق معي والمشكلة محل هو ختاه انا ما عارفة😢الباب بدا يفتح عرفت دا رضا عملت مركزة مع الفلم🙂جاء خاشي شكلو مزاجو اتصلح كان بغني وبصفر والله انا اتأكدت انو الولد دا ما نصيح😹😹جاء لقاني قاعدة في الكنبة طوالي جاء اتزرع جنبي
- يا سكر🤤
يلا وصحبتكم عاملة فيها الكلام ما ليها
- يا مز انت🤤
-😒😒
- يا المدمرنا وما معبرنا شنو يعني؟🥺
طبعا اتغظت منو شديد ليه هو فاكر نفسو شنو زي العندو نفسيات مرة كويس مرة منفسن😒قمت طوالي رديت ليه وانا عندي نفس في مشكلة معاه
- انت فاكر نفسك شنو بس يعني انا لعبة في يدك الصباح تشاكلني وتشيل مني تلفوني وأسي تجي تتعامل معي عادي وكأنو ما حصلت حاجة ياخ انا ما قادرة أفهمك انت مجنون؟😠😠
قطع كلامي الكتير دا كلو ب بوسة في خشمي يلا انا سكت والكلام غلبني وما قدرت أرد ولا أقول حاجة بقيت عاملة كدا😳
-أي مجنون بس عارفة مجنون بشنو مجنون بيك انتي ما بقدر أشوف زول بعاين ليك أو يسلم ليك أو يلمحك ساي انا عايزك لي كلك لي اشوفك براي اتكلم معاك براي ألمحك براي ضحكتك أشوفها براي ابتسامتك تكون لي براي حتى ريحتك الحلوة لي براي يا ربا أنا بس عايزك كلك تكوني لي براي ما عايز زول يشاركني فيك صوتك في التلفون بس عايز أسمعو براي ما عايز زول يسمعو غيري حتى أصابعك دي ما عايزها تكتب رسايل لزول غيري😔💜
فجأه قلب
-يلا عشان كدا مافي تلفون انا ما حديك ليه تاني عشان ما عايز زول يتكلم معاك أساسا ولا عايز زول يشاركني فيك فاهمه؟😠
وانا لسه متفاجأه منو ومن تصرفاتي هو بقدر يعصبني وبقدر يخليني أنصدم من تصرفاتو وبقدر يخليني أرضى بس بكلمتين بالجد هو مجنون🖤
-وأنا جوعان😢
وانا لسه متنحة فيه😹
- ربا انا جوعااان جوعاان😢
-شنو؟(ياداب انتبهت ليه😹)
-ج و عان يا بت جو عااااان😩
-اهاا
-اها شنو قومي ختي لي حاجة آكلها انا ماشي أتدوش طيب؟
ومشى وخلاني لسه قاعدة في محلي مستغربة😹
لا بالجد هو كيف كدا؟😢
#يتبع
