-يلا تعالي خلينا ناكل
- ما عايزة والله🥺
- يا الله يا رؤى يعني حتقعدي كدا لمتين بس قولي لي أكلي ليك حاجة عليك الله🥺
-عارف ي حسام ربنا دا كريم شديد يعني انا بعد ما عملت كدا وأذنبت ما حسيت بالندم نهائ بس هو خلاني أتزوج منك عشان بسببك أحس بالندم وأتوب سبحان الله🥺♥
-ربنا ختاني في طريقك عشان انتي ترجعي للصاح🙂
-بالجد انا مبسوطة لأنك دخلت حياتي مع اني ما كنت عايزة العرس دا بس دا يمكن الاختيار الصاح الوحيد الأنا عملتو🥺♥
-(كيف اقول ليك يا رؤى اني كنت مخطط مع أمير اني أفضحك قدام اهلك كيف اقول ليك😪 اكيد لو قلت ليها حتكرهيني حتكرهيني شديد😪)رؤى انا بعتذر منك لأني في البداية عاملتك بقسوة وضربتك انا اسف🥺
- انت ما عندك ذنب وأي واحد محلك كان حيعمل أكتر من كدا وانا ما زعلانة منك🙂
- طيب يلا أكلي الأكل برد
-طيب🙂
•
•
•
- الو يا رضا
-ست الكلل💜
-كيفك يا ولدي اخبارك شنو
-في نعمة الحمدلله انتو كيف
-كويسين اسمعني انا عايزاك في موضوع ضروري تعال البيت😏
- والله ي أمي انا مسافر بعد شوية
-سجمي مسافر وين؟😨
-ماشي بورتسودان عندي مشروع عاملو هناك وعايز أشوفو🙂
-وليه ما بتكلمني يعني لو ما اتصلت عليك اسي ما كنت حاعرف😒😒
- والله بس نسيت مع اللخمة
-تمام بس بعد ترجع تعال لي في البيت واتذكر انو عندك أم مع اني ما بعتقد انك حتتذكر اني أمك أصلا😒😒
- يا أمي ليه بتقولي كدا انا اصلا مسافر يوم واحد وحارجع طوالي من أجي كدا حجيكم
-تمام نشوف😒
•
•
•
-اها يا فردة الفهم شنو؟
- انت بأي طريقة لازم تجيب لي الملفات دي فاهم وحاول تشيلها بفهم من غير ما زول يحس بيك انتبه شديد لأنو حسن في الشركة وأي حركة صغيرة هو حايلاحظ ليها 😏
-دا كلو خلي علي انا بعرف اتصرف🙂✌🏻
- خلاص ظابط
-يلا انا حامشي عشان نلحق الطيارة
-عديلة
- لا حوللا ألحق😦
- في شنو😳
-الجواز بتاعي خليتو في مكتب رضا😦
•
•
•
شال اللابتوب ودخلو في الشنطة بتاعتو ومعاهم كم ورقة كدا وصلح الكرفتة بتاعتو وشال الشنطة في يدو وعايز يطلع انتبه للجواز القاعد في مكتبو عرف انو بتاع أمير شالو في يدو وفتحو عاين للاسم أمير مسعود الهادي حسن أب شيبة بقى يعاين للاسم بمفاجأة😳 قال في نفسو آمنة مسعود الهادي حسن أب شيبة مستحيل أنسى الأسرة دي أب شيبة فجأه اي شي اتجمع في راسو لما أمير جاهو أول مرة وعرض عليه الشراكة ولما اتفاجأ بأمير انو طلع راجل ابتهال صحبة ربا وفجأة بقى يقرب منو والقروش الضاعت فجأه وما عرف هو ختاها وين والحلم الفيه انو أمير حيسرق منو الملفات فجأه اي حاجة بقت واضحة بالنسبة ليه😳
•
•
•
-اها رضا قال ليك شنو؟
-قال هو ماشي بورتسودان أسي
- يعني ما حيجي؟
- اي الا بعد ما يرجع
- طيب مش نحنا مفروض نعمل خطوة قبل ما هو يجي😌✌🏻
-شنو؟
-نكلم ربا😌
- طيب ومنتظرة شنو امشي كلميها
-حاضر😹
•
•
•
خت الجواز في التربيزة وقعد في الكرسي مشبك يدينو وبفكر بعد شوية أمير جاء خاشي وهو بتنفس بصعوبة شكلو جرا لقى الجواز في التربيزة ومقفول أخد نفس عميق واطمن انو رضا ما شاف الجواز😩
-ي فردة خلينا نمشي بعد دا الزمن قرب🙂
- طيب بس عندي ملفات عايز أشيلها من هنا وأديها لحسن يمسكها
- طيب ما تتأخر
أمير شال الجواز من التربيزة وعايز يطلع فجأه رضا ناداه أمير مسعود الهادي حسن أب شيبة😏
أمير بقى يحرك في نفسو بصعوبة العرق بقى ينزل منو والخوف اتخللو عيونو بقت طشاش طشاش خاف لدرجة انو ما كان قادر يحرك رجلينو عشان يتلفت عليه😳😩🥺😨
•
•
•
ربا كانت بتنظف في البيت وعدي قاعد في التلفزيون بشاهد في مسلسل كرتون وبياكل في شيبس ربا حست ظهرها وجعها شديد مع انو الحركة دي ما بتحصل ليها لما تنظف مشت قعدت في السرير شوية عشان ترتاح فجأه سمعت دقت الباب عدي جرا وفتحو وهي لبست ليها توب وطلعت تشوف دا منو مع انو رضا محذرهم انو مافي زول يفتح الباب بس عدي فتحتو واتفاجأت لما شافتها رؤية هي كانت مستغربة متفاجأه وخايفة من جيتها لأنها اكيد وراها حاجة🥺
اتلفت عليه وهو مستسلم🥺☹
- يعني فاكر اني ما حاعرفك😏
-(صفق ليه بيدينو)طيب وبعد ما عرفت؟😒
-يعني معقولة بعد الذكاء الفيك دا كلو تنسى جوازك عند الزول الما عايز تكشف ليه هويتك؟😏
-(بعاين ليه بحقد)لعلمك ما تفتكر اني خايف من انك تعرفني اي انا بعترف اني عايز أخسرك عايز انتقم منك عشان أختي لأنك واحد تافه وما بتستاهل😠😒
- لو سمحت ألفاظك ما بسمح ليك واختك دي ما عملت ليها حاجة😒
-(وهو بصرخ)ما عملت ليها حاجة كيف يعني سايبها ٥ سنين لا سائل عليها لا سائل على ولدك وفي النهاية تجي تشيلو منها بعد الزمن دا كلو عشان شنو عشان السنيورة مرتك قالت عايزة بيبي😒😒
-(مسكو من الكرفتة بتاعتو)اياك ثم إياك تتكلم عن ربا ولو بكلمة لسانك دا بقطعو ليك فاهم😠😠
-(وهو بضحك)حيلك حيلك روق ما تزهج من اسي الحاجات كتيرة😌😌
-والله يا أمير ما اخليك ما يبقى اسمي رضا لو ما دخلتك السجن😠😠
-عايز تدخلني بسبب شنو عشان خسرتك في الشركة واحتلت عليك ولا عشان ضيعت شرف رؤى أختك وخليتها تحمل مني ولا عشان خليتها تتزوج صحبي وهو يشوف شغلو معاها ولا عشان خليت رؤية أختك تحبني وتثق فيني وتعمل لي كل العايزو ولا عشان ربا حتعرف انك كنت متزوج وانو عدي ولدك ويمكن تكون أسي عرفت😌يلا قول لي عايز تدخلني السجن عشان اي سبب من ديل😌👏🏻
رضا ما كان مستوعب الكلام البقول فيه أمير فجأه حس الدنيا ضاقت بيه تجيه من ربا الحاتكون عرفت ولا من رؤى أختو ولا من رؤية ولا من وين للحظة الأوردة بتاعتو كلها بقت ظاهرة الغضب سيطر عليه وما كان قدامو غير أمير السبب المشاكل دي كلها عشان يفضي فيه زهجو فجأه بقى يضربو ويضربو بوكس ورا بوكس أمير كان بضحك عشان يستفذو أكتر وهو يضرب فيه خلاه ينذف بضرب فيه ضرب انتقام أمير تاني وقف ضحك وبقى في نفسو ما عارف يخلص نفسو كيف وهو في يد رضا😦
#يتبع
