أم رضا بعد عرفت انو ربا اطلقت من ولدها بقت تزغرت لدرجة انها بكت من الفرح ورؤية برضو نفس الحكاية رونق الوحيدة الكانت متأثرة ليهم وعارفة انهم حيتعبو كتير من الطلاق دا😢😢حسن كان منتظر يطلعو رضا من الحراسة لكن مافي فايدة العساكر كلهم قالو انو الموضوع بيد القاضي نحنا ما حنقدر نعمل حاجة الا حسن ضرب لكم ضابط كدا هو بعرفهم وبعد تعب حتى قدر يطلعو وهو من محلو داك قال ماشي لربا كان بصرخ واعصابو بايظة شديد😢حتى حسن ما قدر يقول ليه انو المحكمة طلقتها طلع برة وهو عامل زي السكران حتى الناس كلها كانت بتعاين لحالتو ركب العربية وعايز يمشي الا حسن وقفو وقال ليه ما حخليك تسوق بحالتك دي وساق العربية وهو جنبو ماسك راسو
-ليه يا حسن ربا عملت فيني كدا ليه رفعت علي القضية دي ليه؟هي ما عارفة اني بحبها شديد ما عارفة اني من غيرها ولا حاجة ما عارفة اني بلاها ما بعيش ليه بس عملت فيني كدا؟😢😢
حسن ساكت وما عارف يقول ليه شنو
- انا والله قلت ليها اني حاتغير قلت ليها اني ما حزعلها تاني طيب ليه هي تعمل معي كدا ليه يا حسن ليه؟🥺🥺😢 حسن بقى ماشي بإتجاه بيت ناس رضا
-ماشي وين انت ناس ربا بيتهم ما بيجاي
- ما ماشين لربا نحنا
-(زهج)كيف ما ماشين لربا؟😠😠
-(بستعد عشان يكلمو)رضا بصراحة ربا دي المحكمة طلقتها منك
- ربا اتطلقت مني؟كيف اتطلقت كيف يعني كيف؟(بصرخ)انا قلت ليهم لو طلقتوها والله اكسر المحكمة دي فيكم كيف يعملو كدا هم مجانين والله ما أخليهم والله ما أريحهم والله أقتلهم واحد واحد هم مجانين مجانين هم؟كيف يعملو كدا ربا مرتي لو بكيفهم لو م بكيفهم😠😠والله مرتي مرتي اي وغصبا عن كل الناس😠😠😠
وصلو بيتهم وهو جايط وقال لحسن الا يوديه المحكمة ويوديهو لربا كان عايز يسوق العربية ويمشي المحكمة لكن حسن جراه بعد تعب دخلو جوة قال يمكن أمو وأخواتو يقدرو يهدو أمو من شافتو جرت ليه وحضنتو فرحانة شديد
-بركة ي ولدي الحمدلله انها اتطلقت
-(زهج وعضا خشمو)ربا ما اتطلقت مني هي لسه مرتي😠
-سجمي كيف يعني لسه مرتك؟😳المحكمة طلقتها منك
-(زهج أكتر وعلا صوتو)مافي حاجة اسمها المحكمة طلقتها مني هي لسه مرتي وحتفضل مرتي لمن أموت
-هي يا ولدي دا كلام شنو البنت دي خلاص بقت ما مرتك مفروض ترضى بالأمر الواقع
-مرتي قلت ليكم يعني مرتي وحتى لو ما مرتي مرتي وانا حامشي اتقدم ليها تاني وحنتزوج تاني ونعمل عرس تاني وترجع مرتي تاني وغصبا عن أي زول
- والله يا رضا تمشي للبنت دي تاني انا ما بعفى عنك لحدي ما أموت
-(قام فوق وهو زهجان)انا ماشي ومافي زول فيكم يلحقني أو يتكلم معي
حتى ما اشتغل بكلام أمو😹هي بقت تنادي عليه وتصرخ تعال هنا يا رضا تعال هنا قلت ليك😠وهو مشى ولا اشتغل بيها الشغلة قالت لحسن امشي الحقو رونق قالت ليها خلوهو في حالو بكون عايز يقعد مع نفسو حسو بيه والله نفسياتو بتكون تعبانة شديد😢😢قالت ليها ولو عمل في نفسو حاجة أخوكي المجنون دا يقوم بنتحر ساي أصلا الولد دا حايجنني بعمايلو دي😠😠حسن قال ليها انا حالحقو وما حخليه يعمل شي اطمني يا خالتي ومشى وراه لكن من غير ما يعرف انو هو وراه🚶🏻
أمو قامت باستعجال وخشت غرفتها وقفلتها عليها شالت التلفون وضربت مكالمة📞
ربا كانت قاعدة لي غرفتها نايمة في السرير والسرير دا كلو دموع بتتكلم مع نفسها بجوة حاسة انها مخنوقة شديد ليه عملتي كدا؟يعني أسي عجبك العملتيه؟🥺انفصلتي عنو وارتحتي؟مش كان أحسن يعذبني كدا؟مش كان أحسن من اني أبعد عنو والله بحبك يا رضا بحبك وما عارفة حياتي من غيرك حاتكون كيف🥺🥺فجأه تلفونها ضرب لقتو رقم غريب هي اساسا في تلفونها دا ما مسجلة أرقام ناس كتار+انو دا التلفون الكان جابو ليها رضا وقال ليها ما تسجلي فيه اي رقم وما يكون فيه غير رقمي
المهم ردت على التلفون لقتها أم رضا من صوتها
- والله يا بنتي ما تفتكري اني بشمت فيك ولا حاجة لكن لو فاكرة انك خلعتي ولدي وهو أسي ببكي وزعلان تبقي غلطانة😌لأنو حسن طلعو من الحراسة وبكرة حيمشي يجيب مرتو وولدو من البلد ويعيشو معانا والله انا عايزة أشكرك على العملتيه دا لأنك حاترجعي الضحكة لولدي تاني حايكون عايش مبسوط وسط مرتو وولدي ومع أهلو بالجد شكرا ليك وربنا يعوضك
ضحكت ليها ضحكة كدا في النهاية حقة استهتار وقفلت الخط📞
ربا بقت تبكي شديد وتصرخ يعني ما صدقت انك ارتحت مني؟يعني ما صدقت اني اتطلقت منك؟يعني انت أساسا كنت منتظر اني أعمل كدا كنت عايزني اعمل كدا من زمان عشان ترجع لمرتك ووولدك؟🥺🥺وتبكي وتبكي وتمسك المخدة وتقطعها بيدينها يمكن الإحساس الحست بيه في اللحظة دي هو نفس الاحساس الحاسي بيه رضا أسي🥺🥺
حسن كان لاحقو لحدي ما شافو وصل البحر كان خايف انو يرمي نفسو في البحر لكن ما حاول يقرب منو كان مراقبو من بعيد ربا وقف في حافة البحر رفع يدينو فوق وصرخ صرخة عااالية كأنو طلع الغضب الجواهو كلو🥺بعدين قعد في الأرض وبقى يعاين للبحر ويبكي ويبكي تاني طلع تلفونو وبقى يضرب لربا ويضرب ويضرب هي بهناك شافت المكالمة شالت التلفون وجدعتو وبقت تبكي وتنبذ فيه يا كذاب يا جبان انت عمرك ما حبيبتني بكرهك يا رضا بكرهك🥺وتبكي شديد وهي بجوة نفسها انو يرجعو لبعض نفسها انو اي شي يكون كذب هي بس عايزة رضا الزمان عايزة رضا حبيبها🥺لما هي ما ردت ليه فكر يكتب ليها رسالة قال فيها(للحبيتها أكتر من نفسي💔أنا غلطت في حقك كتير أنا كنت أناني أناني شديد كل ما أجرحك انتي بتضمدي جرحك لنفسك براك💔وترجعي لي💔انا الزول الخليتك تحسي انك غبية قدام نفسك💔كل ما تفتحي لي باب بسدو في وشك💔بتصرفاتي بتعاملي معاك بطبعي الكعب💔انتي الما ممكن ترفضي لي طلب بس انا عادي بقول ليك لا💔بتسامحيني وبتطيبي خاطري عشانك انتي💔عشان انتي عايزاني في حياتك مش عشان ما بتقدري تعيشي من غيري💔الكل ما تمسكيني من يدي وتسوقيني في مشوار حياتنا خطوة بلف وبرجع بيك خطوتين💔انتي البتمشي لي غلطي على أمل اني أتغير معاك للأحسن ومافي حاجة بتحصل💔أنا ما قادر اطلب منك السماح حتى💔بس انا انتهيت خلاص لأنك عودتيني عليك شديد على كلامك على ضحكتك على ابتسامتك الأنا مدمنها على ريحتك الزي ريحة الأطفال قولي لي حاقدر أعيش كيف من دون التفاصيل دي؟💔أعيش كيف؟رضا انتهى يا ربا والله انتهى😢💔بقى يبكي والدموع ملت التلفون😢رسل ليها الرسالة وجدع تلفونو في البحر لما سمعت صوت التلفون جرت تشوفو لأنها عارفة انو الرسالة دي حاتكون منو بقت تقرا فيها وتبكي وفي كل كلمة هو بقولها ليها بتقول ليه كذاب كذاب🥺🥺
ضربت في تلفون عماد
- الو يا عماد
-اوو ربا ازيك يا عسل
-عماد انت مستعد تتزوجني؟
-(اتفاجأ شديد وبقى فاتح عيونو كدا😳)اي مستعد وفي اي لحظة كمان🤤
قبل تبعد جيت أقول ليك وين كلامك لي زمان؟🖤وين عهودك لي وريدك؟🖤وين حكاويك الحنان؟🖤وكلو كان زيف يا حبيبي🖤 يعني بس ساكت لسان🖤 وأسي مارق من ضلوعي🖤 وقدرك الساديهو بان🖤 شلت ليك أروع مشاعر🖤 هسا فايت ريدتي وين؟🖤وما وصيتك لما تبعد تنسى ريدي الكان حنين🖤
#يتبع
