- انا خايفة أمي تغصبني على العرس دا انتي فاهمه وبعدين هو يكشفني انا عايزة أظهر كأني ما اتزوجت قبل كدا أصلا فاهمه علي؟😢
- اي فهمتك لكن الحاجة دي دايرة قروش كتيرة وغير كدا نحنا حاننزل الولد أول حتى نتصرف في الباقي💁🏻🙂
- اي ما مشكلة بس انتي خليني بنت زي ما كنت😢😢
- طيب بكرة تعاليني الساعة وحدة كدا بعد الظهر
- طيب🙂
•
•
•
-اها يا أمير شايف خطتك بتاعة رؤى دي ما نجحت😹😹
- انت مالك مستعجل كدا أصبر شوية الموضوع داير زمن اصلا كدا كدا نهايتها حيكشفوها لو ما عرفو بموضوع الحمل حيعرفو بموضوع الزواج يعني كدا كدا حتتكشف💁🏻♂😌
-هههه ثعلب
-لو سمحت الثعلب امير😹وبالمناسبة موضوع الشراكة دا بقى منتهي يلا نبدا في البعديه
- انت اول لازم تكسب ثقة رضا عشان تكون أسرار الشركة والصفقات كلها عندك ونقدر نختلص منهم💁🏻♂🙂
-رضا دا علي انا أصلا هو واثق فيني لأنو من عينة الناس البثقو سريع سريع بس هو مفتح وما مفروض نستهين بيه💁🏻♂
- اي والله بلقطها وهي طايرة بس انت حاول تكسب ثقتو💁🏻♂🙂
- قداام
•
•
•
-رضا كيفك😏
-أهلين يا ست الكل كيف أخبارك وأخواتي كيف؟🙂
-كويسين كلنا بس لو تشيل رجلك وتجينا تطمن بنفسك بدل التلفون دا😒
-والله يا أمي جاييكم بس مع الشغل انتي عارفة؟😢
-امم انا اسي ما ضربت ليك عشان أعاتبك😒😒عايزة اقول ليك انو رؤى أختك جاها عريس وانا موافقة😏
-عرس شنو يا امي رؤى لسه بتقرا ما خلصت😒
-فضل ليها سنة وحدة ما بتأثر ممكن تخلصها من بيتها و بعدين الولد كويس ود ناس ومحترم🙂💁🏻
-دا منو وانتي بتعرفيهم؟
- اي دا حسام ود خالتك هدية الكان قلت ليك ولدها سافر لندن عشان يحضر
-ااه اتذكرتو خلي الموضوع دا كدا لما أجيكم في البيت وننناقشو اوعى تديهم اي موافقة😒
- لو عايزين ننتظرك تجينا الا ننتظر سنة كاملة😒
-لالا حجي ان شاء الله
-(مع لوية الخشم😹)طيب😒
•
•
•
- رؤية ما تكوني قلتي لزول اسمي الحقيقي؟
-لالا نهائ حتى رؤى تومتي ما قلت ليها🙂
اخد نفس عميق وارتاح
- اي كويس اوعى تجيبي سيرة اسمي ولا بالغلط طيب؟حتى في التلفون ما تسجليني أمير
-أصلا مسجلاك مهند لأني قاعدة اقول لرؤى اسمو مهند😹😹
-ايوا كدا كويس
- بس يا أمير انت ليه ما عايز زول يعرفك اسمك الحقيقي؟☹
-انتي عارفة في تقاليدنا دي أخوكي لو عرف اسم حبيبك وهو جاء اتقدم ليك ما حايوافق لو عرف انو دا كان حبيبك وانا عايز لما أجي اتقدم ليك ما يكون عندهم اي خلفية عني😒
-بالجد يا ريت لو كل الناس زيك يا أمير🖤🖤
- ما أمير مهند
-😹😹اي مهند
-(البنت دي حتجلطني😒)حبيبي انتي🖤
-🙈🙈انا مبسوطة شديييد والله لأنك معي ربي ما يحرمني منك ياه🥺🥺
-ولا يحرمني منك انتي كمان🙈(الله يقتلك ياخ😒)
-بالجد يا أمير انا بحبك كتير🖤
-وانا كمان يا روحي(انا اسي ما قلت ليها ما تقول لي أمير البنت دي لطخة كدا مالها😒😒)
- يعني انت حتجي تطلبني من اخوي؟
-أكيد ي روحي(أطلبك بتاعة الساعة كم😒)
-متين طيب عشان أكون جاهزة؟🥺
- في اقرب فرصة(شوف اللصقة دي هي أكعب أحسن أختها😒)
- يعني اكلم أمي وأخواتي؟🥺
-لالالل ما تستعجلي تكلميهم أنا لما أظبط أموري بكلمك عشان تديهم خبر(لا حولالا هي بايرة للدرجة دي🤦🏻♂👋🏻)
•
•
•
صحيت الصباح قمت كسلانة وحاسة بحمى ما قادرة أشيل راسي من السرير ما عارفة مالي😢لقيت في الكوميدينا ورقة شكلو ختاها رضا كان فيها رسالة الصباح🙈ومعاها بعدين حجيب ليك معي هدية خليك جاهزة وخلي الكسل قومي أعملي أكل الليله أعملي حاجات كتيرة وحلوة من يدك الحلوة دي وماتطلعي برة البيت وما تفتحي الباب لزول وما تحاولي تفتشي التلفون لأنك ما حتلقي😌💁🏻♂
والله حفظت الكلام دا حفظتو😭😭
انو جايب لي معاه هدية دا شجعني شديد عشان أقوم😹😹 مع اني كنت كسلانة بس قمت بالغصب😢 كنت بفكر في موضوع ابتهال ووصلت لحاجة وحدة انو رؤى كذابة انا اصلا عارفة انها خسيسة وحاقدة وبطلع منها أي شي بس أمير زول كويس والله وبحب ابتهال شديد ومستحيل يفكر يخونها في النهاية وصلت لأني بس انسى الموضوع وخلاص👋🏻
بعدين رجعت لشغل البيت نظفت وطبخت وما خليت شي ما عملتو بعدين استحميت ولبست وسرحت😹😹وقعدت لي التلفزيون أصلا مافي شي يعملو تلفون وما عندي😭😭المهم استنيت رضا لحدي ما سمعت صوت الباب قمت جارية ليه هو جاء خاشي وكان ماسك شافع صغير بيدو عمرو بجي زي أربعة سنين كدا كان حلو شديد وكيوت سبحان الله بشبه رضا نفس ملامحو ونغس حركاتو جريت عليه حضنتو شديد والله من الفرح لمن بكيت😹 م مصدقة أخيرا حايكون عندنا ولد😭😭ياخ مبسوطة شديد الولد بقى يعاين لي كيف كيف وكأنو خايف مني😓كان متمسك برضا وما عايز يفكو جيت عشان اشيلو منو بقى يبكي وبقول عايز ماما
- يا رضا مالو ببكي كدا🥺
-عشان لسه ما اتعود عليك لكن حيتعود وحايحبك ي روحي🙂
-طيب قول لي اسمو منو أناديه منو أنا؟🥺
-قولي ليه عدي
رضا بقى يتكلم معاه
-حبيبي أمشي مع ماما عشان تغير ليك ملابسك
بقى يدعك في عيونو
- ما عايز😭😭
-أسمع الكلام عشان أجيب ليك شوكولاتة🤤
بقى يعاين لرضا ويعاين لي بعدين مد لي يدو مسكتها وسقتو رضا أداني شنطة قال لي دي فيها ملابس وحاجات ليه قلت ليه طيب ياخ كنت مبسوطة بسطة والله نفسي أعضيه عديل واي الولد حلو شدييد😭😭😭عسسسل🤤عيونو نفس عيون رضا حتى أنفو وخشمو والوجنة باليمين في خدو كلو بعقد🤤
رضا قال لي انا ماشي لناس أمي عشان رؤى جاها عريس ماشي أشوف الموضوع دا قلت ليه طيب☹باسني في خدي وقال لي خلي بالك من نفسك وما تطلعي لحدي ما انا أجي طيب؟وقال لعدي ما تتعب ماما خليك شاطر عشان اجيب ليك معي شوكولاتة🍫
•
•
•
- انتي متأكدة اني كدا خلاص؟😢
-اي اكيد لو دا كان راجلك زاتو ما حيعرفك😌
-تسلمي ي سماح لو ما انتي ما كنت عارفة حاعمل شنو☹
-ي هبلة نحنا أخوات😒يلا تاني اتزوجي وانتي مطمنة وخلينا نفرح شوية🤤♥وأنسي أمير الحيوان دا😒
-ان شاء الله حبيبتي🥺
طلعت من عندها وهي مرتاحة نفسيا قالت كدا أموري اتصلحت يعني لو غصبوني على العرس دا حعرس وانا مطمنة وأمير زفت أمير دا وأطلعو من بالي😌✌🏻
#يتبع
