حسام كان برة البيت قاعد في الجبنة بمزاج خاتي رجل فوق رجل وبتونس مع الحبشية وبقهقه لمن زهج رجع البيت لقى رؤى واقفة في البلكونة بتاعة الغرفة ولابسة فستان شفون طويل بالأبيض وشعرها نازل في كتفها كانت بتعاين بعيد وسرحانة حسام بقى يعاين ليها بنظرة إعجاب بقول في نفسو(لو ما كان حصل الحصل دا يمكن كنا مع بعض)رجع وقال لنفسو(بس هي ما عملت حاجة هي ما عندها ذنب دا أمير الثعلب دا لعب عليها واستهدفها لأنها بتحبو وهي صدقتو بالجد البنات دي ضعاف😪)تاني رجع قال لنفسو(ياخ انت مالك ومالها وبعدين هي لو كويسة بالجد وبنت ناس ما بتسمح ليه يعمل كدا وبعدين انا ما دخلني اصلا بعد كم يوم حطلقها وارتاح من الهلمانة دي كلها😒)عيونو البتعاين ليها دي ما قدر يتحكم فيها كل ما يحاول يشيل عيونو منها يرجع يعاين ليها بقى يحاول يقنع نفسو انها ما عاجباه لكن ما قدر هي انتبهت ليه اتلفتت عليه بعدين هو عمل نفسو ما كان بعاين ليها كان فاكر انها حتتكلم معاه او تقول أي حاجة لكن هي طلعت برة من غير ما تنطق بكلمة لأنها خافت يشاكلها وينبذها هو اتضايق شديد لأنو كان عايزها تتكلم معاه بقى بقول هي فاكرة نفسها منو اصلا عشان تتجاهلني طلع ليها برة وقال ليها وهو جايط😠
- طيري ختي لي حاجة آكلها قاعدة ليها شنو قومي😠😠
هي قامت من غير ما تعاين ليه أو تتكلم معاه مشت المطبخ وبقت تخت ليه في الأكل دموعها بقت تجري بتتكلم في سرها انتي ي رؤى السبب انتي الخليتي دا كلو يحصل اصلا تساهلي لأنك غبية😪😪هو لقى نفسو لحقها في المطبخ بقى واقف في الباب وبعاين ليها سمع صوت بكاها المغبون جواها وما عايزة حتى تسمعو لنفسها حس انو ضايقها شديد بكلامو وهو ليه يعمل معاها كدا☹☹
•
•
•
ربا كانت ما قادرة تنوم وبتتذكر في كلام عدي ماما آمنة دي منو؟وكيف رضا شال منها عدي بالغصب وهي كانت بتبكي وبتقول ليه ما تشيلو مني خليه لي؟كيف كدا بس كيف؟آمنة دي منو طيب؟معقولة تكون أم عدي الحقيقية؟طيب هي لو أمو ليه رضا ساقو منها وليه هو قاعد في الميتم مادام عندو أم؟وليه رضا قال لعدي انو أنا حوديك محل فاضي مافيه زول لو انت كلمت ربا ليه خوفو ليه هو ما عايزو يقول لي؟🥺🥺
بقت منتظرة رضا عشان تسألو لحدي ما هو جاء لكن لقاها نايمة في الكنبة شالها ونومها في السرير وغطاها وباسها في راسها🙂مشى غرفة عدي لقاه نايم وجادع الغطى رجع غطاه وباسو في راسو وقفل النور ومشى نام جنب ربا🙂
•
•
•
-أميييري🥺🥺
-قلبو(ما تقولي لي أميري يا فقرية😒)
-اشتقت ليك كتير🥺
-وانا كمان يا روحي(الشوق اليقتلك😒)
-كذاب اصلا انت بقيت ما شغال بي ولا حتى بتتكلم معي😭😭
-انتي عارفة انا قدر شنو مشغول بس حفضي ليك زمني كلو قريب(ياخ حريقة فيك😒😒)
-قريب متين؟🥺
-لما تبقي مرتي اصلا انا حكلم رضا بعد دا✌🏻(بكذب عليك يا متخلفة😏)
- انت جادي؟🥺
- اي يا روحي(ياخ يومك زاتو😒)
-مبسوطة شديد انا🥺تسلم لي🥺
-وانتي كمان تسلملي بس عايز منك طلب صغير كدا تعمليه لي؟😏
-اكيد حبيبي حاعملو ليك🙂🙂
- طيب عايز اشوفك أسي
-اسي؟😳لكن الزمن متأخر حاطلع كيف انا؟😳
- بس اتصرفي أنا مشتاق ليك شديد لو ما شفتك ما بقدر انوم🥺🥺
-اطلع كيف انا ما بقدر يا أمير والزمن متأخر🥺
- ما بعرف انا بس ما بعرف حاولي تطلعي بأي طريقة لو ما طلعتي والله اجيك في بيتكم وانتي عارفاني بعملها😏
-لالا خلاص حاتصرف🥺
•
•
•
الصباح،،
قمت من النوم بقيت أتلفت على أمل اني القى رضا ما مشى الشغل لأني عايزة أتكلم معاه ما عارفة كيف انا نمت قبل ما أتكلم معاه😭لقيتو ما جنبي في السرير وفي الحمام برضو مافي مشيت المطبخ لقيتو واقف بعمل ليه في شاي
-صباح الخير
-صباح الورد ي وردة🥀
جاء علي وحضني وباسني في خدي
-أمس لقيتك نايمة كنت حصحيك بس ما هنتي علي🥺🥺
-امم كنت نعسانة شديد😴🥺
- انا مش قلت ليك انتظريني😏
- ما قدرت🥺
- طيب انا الليلة ما حامشي الشغل عشان نعوض يوم أمس🤤
- يعني حتقعد معانا؟🥺
باسني في يديني
-حاقعد مع مرتي عشان مشتاق ليها وهي الليلة حاتفضي وقتها كلو عشان راجلها المسكين دا🥺
عايزة أتكلم قاطعني
-واوعى تقولي لي عندي شغل عندي نظافة عندي مكوة وعندي وعندي فاهمه؟😒
-اممم بس عدي🥺
-عدي انا حوديه يقعد الليلة مع أمي ورؤية عشان ما يزعجنا
- لا خليه مافي داعي☹
- لا حوديه انا ما عايز حاجة تمنعني عنك وعدي حيحتاج ليك كتير🥺
- طيب انا عايزاك في موضوع☹
-خلينا من المواضيع تعالي شوفي لي الشاي دا مع اني حاولت أعملو بس شكلو ما ظبط برضو☹
-هههه رضا دا شنو الشاي بعملو كدا؟وبعدين انت أصلا ما كبيت موية كيف تكب السكر؟😹
- يعني هو بعملو بموية؟☹☹
- لا بعصير😹والله انت ما بتنفع لأي حاجة افترض اني يوم كنت مافي حتعمل شنو☹☹
- لكن اليوم دا ما حيجي انتي دايما حاتكوني جنبي ومعي💜
-أكيد🥺
قفل البتوجاز وقال لي يلا بلا شاي معاه وشالني ومشينا غرفتنا وانا نسيت الموضوع😹
•
•
•
- انت عايز من رؤية شنو انا للآن ما فهمت نحنا حنستفيد منها شنو😪
-حنستفيد منها حاجات كتيرة😏
-زي شنو؟
- اي حاجة في وقتها حلو يا مان بس أصبر وشوف
-كويس صابرين
-صابرين ولا الفتيحاب؟😹😹
-نهائ ما بتخلي حركاتك
-أخليها كيف بس😹انا ماشي ألاقي السنيورة دي يلا أفصلها👋🏻
•
•
•
كان بياكل ويتكلم مع نفسو
- يعني معقولة هي ما أكلت من أمس؟معقولة بس؟انا متأكد أنها ما دخلت اي حاجة في خشمها معقولة البنت دي ياخ انا ما عايز أشيل ذنبها قام من الأكل وقال عايز يمشي ليها بس ما عارف يقول ليها شنو هو ما عايز يحسسها انو شفقان عليها أو اي حاجة لقى نفسو قام ومشى ليها حتى وأسي هو واقف قدامها😹😹هي لما شافتو رفعت عينها ليه
-عايز حاجة؟
بقى يتمتم ما عرف يقول ليها شنو
-عايز أكل زيادة؟
- لا انا شبعت بس كنت عايز اه
-شنو؟
ما عرف يقول ليها شنو
- لا ما عايز حاجة تعالي شيلي الأكل دا واعملي لي شاي
- طيب
•
•
•
-أمير انا لازم أرجع سريع قبل ما أمي تحس امي طلعت🥺🥺
-اي حترجعي بس أقعدي معي شوية(ان شاء الله تكشفك😒)
-5 دقايق بس طيب
-ما مشكلة على الأقل أملا عيوني بيك(انا زاتي ما طايق شوفتك😒)
-🙈🙈🙈🙈
-(ما تعملي لي فيها خجلانة😒)رؤية أنا عايزك في موضوع
#يتبع
