رؤى كانت لامة رجلينها عليها قاعدة في طرف السرير وبتبكي كانت مخنوقة شديد خشت في وضع صعب ومافي زول حيقدر يطلعها منو🥺من جهة هي اتزوجت من غير علم أهلها وكمان حامل والزول العملت عشانو دا كلو واتزوجتو بالسر عشان هي بتحبو اتخلى عنها وهو ما عارف بالولد لأنو مشى معاها عشان تنزلو🥺بقت تفكر كيف تحل المشكلة دي أمها ورضا لو عرفو ممكن يقتلوها عادي شالت تلفونها وضربت لأمير بجيها جرس ولحدي ما يقطع هو ما برد ضربت ليه أكتر من ١٠ مكالمات حتى رد ومن رد بقت تبكي😭
- يا أمير ما حرام عليك تعمل كدا فيني انا عملت ليك شنو بس؟🥺
-عايزة شنو تاني؟😠
- انا اسفة😢ما حضايقك تاني ومستحيل أفكر ازعلك او اقول اي حاجة عنك بوعدك😢
-يا زولة خلاص الموضوع دا حدو هنا فاهمه؟انا ما عايز أشوف خلقتك تاني ما كل مرة طالعة لي بموضوع مرة انت بتخوني مرة انت ما بتحبني مرة وفي النهاية جاية تقولي لي شنو انت متزوج؟يا زولة هيي أخطيني خلاص👋🏻😠
-أبوس يدك يا أمير انا آسفة والله آسفة😭😭انت كيف تخليني كدا بس وبعدين انا حامل بولدك
- ما تجي تطلعي لي بمواضيع الولد مشينا نزلناه سوا😠
- لا انا ما نزلتو لما خشيت جوة وانت كنت برة قلت ليها انا اصلا ما عايزة انزلو وانتظرت شوية حتى طلعت ليك على أساس اني نزلتو😢
-عليك الله خلي أوهامك دي انا ما مصدقك😠
-والله يا أمير ما نزلتو دي الحقيقة وبعدين انت كيف تخليني كدا بعد ما انت وعدتني انك تتزوجني بالجد أمير انا وثقت فيك وسلمتك نفسي على أساس اني حابقى مرتك أنا دسيت على ناس بيتنا اي حاجة لأني حبيتك كيف نفسك تسمح ليك انك تعمل فيني كدا؟😭ولو عرفوني حيقتلوني يا أمير والله يقتلوني😭
- طيب انتي وقت خايفة ليه مشيتي معي ليه اساسا وافقتي تتزوجني بالسر يعني داا اسمو حب؟ههههه دا اسمو انك سلمتي شرفك لواحد هو ما راجلك في القرآن وفي الدين وجاية تقولي لي شنو انا حامل بولدك يا أمير يا شيخة؟هو انتي مادام عملتي معي كدا ممكن تكوني عملتي مع واحد تاني عادي ويمكن الولد دا زاتو ما ولدي وغير كدا اسي البخوف شنو والله البنات الزيك ديل ما بخافو من حاجات زي دي بكونو متعودين اساسا😒وزي ما دخلتي بتقدري تطلعي يلا غوري من وشي بلا قرف معاك😠👋🏻😒
تيت تيت قفل الخط📞
وهي انهارت من البكاء كانت مصدومة منو ومن الكلام القالو ليها معقولة دا أمير؟أمير الكان بقول لي أحلى كلام أمير الكان مستعد يعمل أي حاجه عشاني😢😢أمير الكان البقول لي حتبقي مرتي وام اولادي وحايعشني ملكة وأعمل اي شي عشان يشوفني مبسوطة يعني دا كلو كان كذب؟😢يعني أمير طلع كذاب😢بقت تضرب في خدودها بيدها وتبكي اي انتي عشان غبية حصل معاك كدا عشان متخلفة عشان سلمتي نفسك عشان وثقتي فيه يا غبية😭😭
•
•
•
-رؤية يا قلبي🥺
-حبيبي أنا🙈
-مشتاق ليك والله لسه ما لقيتي طريقة تطلعي من البيت؟🥺
-بعدين المساء ممكن أشوفك لكن ما بقدر اقعد مسافة طويلة😢
-ما مشكلة كفاية اني ألمحك بس🥺
-طيب بعدين أنا بديك تلفون🙈
- ما تطولي علي🥺
- حاضر
•
•
•
كنت سرحانة بفكر في موضوع رؤى وأمير يعني معقولة أمير يكون بخون ابتهال مع رؤى؟معقولة يعمل فيها كدا وظاهر عليه انو بحبها شديد🥺أنا اعمل شنو كيف اقدر أساعدها كيف اكلمها بموضوع زي دا أساسا🥺فكرت امشي ليها مع اني ما عارفة حاعمل شنو بس عايزة امشي ليها بقيت منتظرة رضا يجي من الشغل عشان أكلمو في المسافة دي ضربت لرونق سألتها من الموضوع وقالت انها كلمت رؤى بأمير وهي ما صدقت انو متزوج لكن هي حذرتها وقالت ليها لازم تخليه بأي طريقة.
•
•
•
رضا كان قاعد في مكتبو وبقرا في أوراق قدامو وكل شوية يبتسم كان مبسوط ومزاجو عالي جاء خاشي عليه أواب
- يا أستاذ كيف لقيت المعلومات الجبتها ليك درستها؟🙂
-ياخ بالجد full company ليه من زمان ما جانا عرض زي دا؟انت عارف الشراكة دي لو تمت حاتربحنا كتير🙂✌🏻
-اي يا أستاذ مفروض ما نفوت فرصة زي دي من يدينا
-طيب انت أمشي أضرب للمدير بتاعها تقريبا اسمو أمير وحدد معاه زمن لإجتماع
- طيب يا أستاذ🙂
•
•
•
-يلا جيب البشارة؟
-اها في شننو؟
-دخل الشرك😹😹
-أيوووي دا الكلام المفروض أسمعو من قبيل ياخ انت كدا مهمتك انتهت والباقي علي أنا✌🏻🙂
-ناوي تعمل شنو يا أمير
-ناوي أدمر رضا وأنتهي منو😌ومن هنا the game gets started
•
•
•
-ههههه اي يا حبيبتي بس ياها زاتها رؤى بنتي التومة
-ماشاء الله حلاة الدنيا عليها انا لما شفتها ما عرفتها ماشاء الله سمحة
- تسلمي من زوقك حبيبتي
- والله يا تهاني مفكرة أزوجها لحسام ولدي انتي عارفة انا عايزة لي بنت يكون توبها من توبنا وتكون بتحبني وتحب ولدي وانا والله حاعتبرها بنتي وأختها في عيوني🙂💜💜
-عارفاك يا هدية أصلك ما بتقصري وانتي زي أختي وولدك حسام ماشاء الله عليه مافيه كلام وانا ما عندي مانع نهائي بس خليني أكلم البنت وأخواتها ورضا انتي عارفة انو بعد وفاة أبوهم هو بقى مسؤول منهم🙂
- ما عندك مشكلة حبيبتي أخدي راحتك بس في النهاية عايزين الموافقة
-هههه ان شاء الله ما عندك مشكلة
•
•
•
-رضووو🥺
-قلبوو🥺
-رضو انا زهجانة انت شلت مني تلفوني وما عندي حاجة أعملها بالجد زهجانة😭😭
- طيب خلينا نحضر فلم
- ما عايزة😭
-أجيب ليك بيتزا طيب؟
- ما عايزة😭
-شيبس بشطة🤤
-ما عايزة😭
- طيب أعمل ليك شنو يا روحي؟
-خلينا نطلع😭
-ربا ما تخليني أشاكلك مافي طلعة من البيت😒
-عليك الله عليك الله عليك الله😭😭
-مافي يعني مافي😒
-رضا حرام عليك انا زهجت أكون محبوسة في البيت كدا ياخ😭
-مافي حاجة بتزهج ومافي طلعة وما تنقي في راسي كتير 😒
-عليك الله يا رضا خلينا نمشي لإبتهال لي زمن منها😭وعايزة اطلع زهجانة زهجانة زهجانة😭😭
-طيب طيب ما تبكي خلاص أمشي ألبسي بس حامشي معاكي وما حنتأخر نقعد شوية ونرجع تمام؟😒
- حاضر أحبببج أنا💜🙈
مشيت لبست اسكيرت اسود على الجسم كدا لكن ما ضيق شديد ومعاه قميص بالكحلي وطرحة أوف وايت جيت طالعة لقيت رضا واقف برة منتظرني لما شافني
-طيري غيري الزفت دا سريع😒😠
-مالو أسي اللبس دا يا رضا؟
- ما شايفاه يعني جسمك كلو ظاهر؟متخيلة اني ممكن أخليك تطلعي الشارع كدا؟😒
- طيب خلاص اووف🙄
غيرت الاسكيرت ولبست مع القميص اسكيرت فاري شوية وطلعت
-غيري القميص🙄
-يالله يا رضا مالو القميص أسي؟😓
-من فوق فاتح شديد😠
- بس انا مغطياه بالطرحة
-افترضي الطرحة دي طارت بس😒امشي غيري ومن غير كلام كتير
-اووف😓
غيرت القميص والاسكيرت وكلو لبست فستان أبيض بأسود ومعاه جكت أسود وطرحة كوبية وعملت روج كوبي وطلعت بس الله يقدرو يقول لي غيري😒😒
بقى يعاين لي مسافة من غير ما يتكلم
-أمشي غيري الفستان دا😒
-ليه يا رضا ياخ مالو أسي الفستان دا😭
-مخليك حلوة شديد والناس حيقعدو يعاينو ليك وانا ما عايز زول يعاين ليك
- بس انا عاجبني🥺
- طيب خليه بس لو في زول عاين ليك ما تسأليني لما أقتلو😒
-رضا ياخ😭
-هههه خلاص خلاص ما تزعلي بس أمسحي الروج دا
- ما عايزة😭
-ربا😠
شال بنديل ومسحو لي طبعا غياظ😹😹ومسكني من يدي قوي وطلعنا كأني حاهرب منو فتح لي باب العربية وركبت بعدين هو ركب ومشينا في الطريق كان كل شوية يعاين لي وانا شغالة أقول ليه كدا حنعمل حادث وهو ما شغال بي😹نزل في سوبر ماركت جاب لي شيبس 🤤🤤وبقيت مندمجة معاه كل ما يقول لي حاجة بقول ليه اممم اممم قال لي غلطان البجيب ليك حاجة😹😹المهم لحدي ما وصلنا بيت ناس ابتهال نزلنا دقينا الباب كدا مسافة حتى فتح لينا أمير رضا وقف بعاين ليه بمفاجأه وأمير نفس الشي كان متفاجئ ومستغرب😦أمير أكتر حاجة كان متفاجئ مني أنا بقى يعاين لي ويعاين لرضا وكأنو أول مرة يشوفني
-أستاذ رضا؟
-أستاذ أمير؟
سلمو لبعض بالأحضان وخشينا جوة وهم بتكلمو في موضوع شغل وانو أمير جاء لرضا وعرض عليه شراكة بين شركاتهم وما كان فاكر انو رضا راجلي وكدا ورضا نفس الشي ما كان فاكر انو أمير راجل ابتهال المهم هم استلمو الشغل وبقو يتونسو ابتهال جاتنا وسلمت علينا وقعدت معاها نتونس لقيتها مبسوطة شديد قالت انو أمير الأيام دي بقى ما بمشي الشغل عشان يفضى ليها وكدا والله من كلامها عنو وحتى من تعاملو ليها نهائيا ما بتحس انو ممكن يخونها حتى انا بقيت محتارة اكلمها ولا لا😓مرات بقول انو رؤى دي أصلا بنت مسلطة يمكن هو ما بحبها هي براها متلصقة فيه وغير كدا أمير بحب ابتهال شديد مستحيل يخونها لأي سبب😓
طلعنا برة لأمير ورضا
- شنو يعني من قبيل شغل شغل كفاية اتكلمو في مواضيع نحنا بنعرفها
-الا كان نتكلم عن الحمل والبيبي😹
-هاا سخيف😒
بقى يتلفت ورا دا منو السخيف دا؟
- ما أظن في المكان دا في زول سخيف غيرك يا أمير؟
-أووومك جبهتي😓
كلنا:😹😹😹😹
بقو يتناقرو كدا وهو كل شوية يقول ليها حاجة حلوة وتاني بقو يتكلمو في اسم الولد الحايجيهم وحايسمو شنو رضا كان بديهم في اقتراحات بس انا كنت ساكتة😢فجأه اتضايقت حسيت انو حاجة حلوة شديد لما يكون عندك ولد من الزول الإنتي بتحبيه ولد يكملكم ويبقى ثالث ليكم بالجد نفسي أحس بالإحساس دا😭بالجد حسيت بضيق دموعي جات جارية مسحتها سريع سريع عشان مافي زول يشوفها بس رضا لاحظ لي وقال ليهم يا جماعة نحنا نستأذن بعد دا لأنو ربا شكلها نعست وهي بتنوم بدري🙂
#يتبع
