-خير موضوع شنو؟😳
-(من وين يجي الخير وانتي قاعدة في وشي😒)رضا
-رضا اخوي؟مالو؟😳
-والله يا رؤية انا الفترة دي عرفت أخوكي كتير وبقيت قريب منو شديد وعرفت حاجة عنو بس ما عارف أقولها ليك كيف؟🥺
-عرفت شنو؟😳
-رضا عندو ولد
-ولد؟منو؟😳
-عدي
-هههه لا عدي دا اتبنو هو وربا
- هو ما متبنيه هو ولدو الحقيقي وجابو لربا في البيت على أساس انو متبنيه💁🏻♂
-شنووو😳
•
•
•
-اسمع يا فردة
-اها يا حسن عرفت اي حاجة؟
-والله عرفت ليك شوية حاجات ممكن تفيدك
-شنو قول
-انت قلت لي عملت شراكة مع أمير دا؟
- اي
- طيب الشركة بتاعتو اسمها شنو؟
-اسمها ....
-مافي شركة بالاسم دا يا رضا
- كيف يعني؟😳
- انا سألت معارفي كلهم والحاجة العرفتها انو مافي شركة بالاسم دا لا هنا لا خارج السودان
-ك ك يف يعني طيب والأوراق الأنا وقعتهم والشراكة العملناها والقروش الانا دفعتها في المشروع والمشروع زاتو كيف الكلام دا😳
-يمكن يكون مافي مشروع أساسا ودي كذبة منو
- لا مستحيل يكون عمل كدا معقولة؟😨
-والله يا رضا شكلو عملها فيك☹
•
•
•
كانت واقفة في التوليت بتسرح في شعرها وبتعاين لملامحها البقت باهتة وعيونها البقت مورمة والهالات السوداء الظاهرة فيهم🥺🥺 حست انها أهلكت نفسها أكتر من اللازم🥺 بقت تعاين ف المصحف القاعد فوق الكوميدينا بتفكر انها ترجع تصلي وتواظب على صلاتها وتقرأ قرآن لأنو دي الحاجة الوحيدة الحاتساعدها🥺 هي محتاجة انها تتمسك بصلاتها يمكن الله يفتحها عليها🥺♥ مشت اتوضت وجات صلت ركعتين وقعدت في المصلاية وهي بتدعى🙌🏻♥(ياربي أسترني يا الله استرني يالله سامحني انا غلطت غلطة كبيرة لما فكرت أتزوج من غير علم أهلي لما فكرت اعمل حاجة حرام🥺 لما فكرت أنزل ولد هو ما عندو ذنب في البحصل دا🥺 انا عملت ذنوب كتيرة وبستاهل كل البحصل لي دا بس انا عايزة عفوك ورضاك يالله😪😪)لقت نفسها بتبكي بصوت عالي وجواها هموم كتيرة حست انها ارتاحت لما صلت ولما طلبت العفو من الله🥺 شالت المصحف وبقت تقرا وكل شوية تمسك في المصحف أكتر وتشدو عليها حست براحة واطمئنان🖤🖤دا كلو وحسام كان واقف بعاين ليها من بعيد حتى هو بقى يدعى معاها انو ربنا يغفر ليها ويغفر ليه😪🙌🏻
•
•
•
كانت حايمة في الغرفة ماشة وجاية ماشة وجاية وهي بتعاين في تلفون أمير القاعد في السرير ويدها ماكلاها عايزة تشيلو تفتحو في النهاية قفلت الغرفة وشالت التلفون ما كانت عارفة الpassword بتاعتو بس جربت تكتب اسمها ebtihal وطوالي فتح معاها خشت المكالمات ما لقت اسم بنت مسجل بس لقت في رقم بضرب ليه كتير وهو بضرب على الرقم دا كتير وكل مكالماتو في الأوقات البكون فيها برة البيت الرقم دا خلاها تزيد الشك فيه قامت سجلت الرقم في تلفونها عشان تضرب تشوفو بعدين دخلت المعرض بتاع الصور فتشت وفتشت ما لقت حاجة طلعت منو وقفلت التلفون وختتو زي ما هو وطلعت برة عشان تضرب في الرقم وهي قلبها بدق خايفة انها تكون بنت شغالة تقول ان شاء الله ظني ما يكون في محلو ان شاء الله اكون ظالماك يا أمير😪جاء جرس والخط فتح وجسمها بقى بارد لما سمعت صوت بنت هي شغالة ليها الو الو الو وابتهال ما كانت قادرة ترد بعد مسافة قالت ليها انتي أمل؟والبنت ردت ليها قالت ليها لالا رؤية وقفلت الخط دقات قلبها بقت زايدة أكتر واكتر رؤية؟رؤية؟رؤية؟رؤية دي منو؟😳وليه أمير بتكلم معاها؟وليه مكالماتو معاها كتيرة كدا؟🥺فجأه اتذكرت اليوم داك لما أمير كان بتكلم مع حسام وجابو سيرة رؤى ورؤية أخوات رضا معقولة رؤية دي أخت رضا؟😳
•
•
•
- يا أمي انتي مش عمرك كلو بتتمني انو رضا يكون عندو ولد؟
- اي ي بنتي والله انتي عارفة كويس انا قدر شنو متمنية رضا أخوكي يكون عندو ولد نفرح بيه لكن مع مرتو الفقر دي يبقى عندو ولد كيف بس😒
- طيب اتخيلي انو رضا عندو ولد اصلا✌🏻😌
- كيف يعني عندو ولد اصلا؟انتي جنيتي ي بنت؟😳
- يا أمي قلت ليكي اتخيلي بس حتعملي شنو لو حصل كدا💁🏻
-بخلي يطلق المسلطة ديك غصبا عنو
- طيب لو قلت ليك انو رضا عندو ولد اصلا
-شنو سجميي😳😳
•
•
•
-أمير
-اوو أستاذ رضا
-أسمعني جهز التذاكر عشان السفر
- يعني خلاص بقيت عليه
-اي لكن نمشي بكرة ونرجع
- اي ما عندك مشكلة انا حامشي أحجز😏
- طيب
•
•
•
-😌😌أول حاجة جيب البشارة
- في شنو؟
-صاحبنا وقع في الشرك وحايسافر معي😌
-ووووووو أستاذ أمير ياخ👏🏻👏🏻👏🏻
-بعجبك أنا😌يلا بعد دا دورك انت تجيب لي الملفات زي ما هم
-قداااام
•
•
•
-رؤى
-(وقفت وهي خايفة شديد)ايوا
-أقعدي
-(خافت أكتر🥺)
-ليه ما قاعدة تاكلي؟
-(اتفاجأت من سؤالو)ما عشان حاجة😢
-عايزة تموتي يعني ليك يومين ما دخلتي حاجة في خشمك😪
-(استغربت أكتر)ما جوعانه
- ما جوعانة كيف؟يعني انتي كدا بتعاقبي في نفسك ولا قصدك شنو؟
-(بقت تعاين في عيونو)دا ما عقاب كافي أصلا عشان أحاسب بيه نفسي😪
- ما هو انتي لو قعدتي كدا ما حاترجعي حاجة
-عارفه اني ما حرجع حاجة بس(وبقت تبكي)
هو كان بعاين ليها بشفقة وما عارف يعمل شنو وهي بدت تتكلم وتبكي
(والله يا حسام انا ما عملت كدا قاصدة انا ما كنت عايزة أفرط في شرفي بس انا حبيتو والله حبيتو شديد😪كنت دايما بقول ليه تعال اتقدم لي وهو بتهرب كل يوم يقول عندو حاجة وعندو مشاكل في الشغل وعندو وعندو انا كنت بصدقو لأني حبيتو بجد ولما عرف اني اتعلقت بيه شديد ومستعدة أعمل أي شي عشانو قال لي خلينا نعيش مع بعض من غير زواج وانا اتشاكلت معاه وقلت ليه كيف نفسك تسمح ليك تقول لي كدا أساسا بقى يهددني انو يطلع من حياتي وبقول لي انتي اصلا ما بتحبيني لو كنتي بتحبيني كان وافقتي وانا اسي ما مستعد لعرس لكن دي ما قادرة تقدري ظروفي وانتي وانتي وانا وافقت عشان ما يسيبني اتزوجنا عرفي بورقة بس وبقيت أمشي ليه في بيتو لحدي ما بقيت حامل كنت مبسوطة اني حجيب ولد من الزول الأنا حبيتو ولما كلمتو على أساس انو يجي يتقدم لي رسمي بقى يتهرب ويعمل مواضيع لحدي ما اتخلى عني براحة براحة خلاني بالمصيبة بتاعة الولد والمصيبة بتاعة نفسي وانا ما كان عندي حل غير اني أنزل الولد😪😪وبعدين اتزوجتك انت بس يا حسام انت م عندك ذنب وما بتساهل تكون مع وحدة زيي وانا ما حلومك على اي كلمة انت قلتها لي لأنو دي الحقيقة وانت أسي لو عايز تطلقني من حقك كفاية انك سترتني وما كلمت أهلي وما جدعتني في الشارع😪)
كلامها دا أثر معاه شديد بقى يعاين ليها وحس نفسو ما راجل لأنو عارف انو أمير عمل معاها كدا وهو اتزوجها عشان يهينها ويكلم أهلها وفضيحتها تبقى أكبر لقى نفسو لا اراديا مسح ليها دموعها وحضنها🥺
•
•
•
-يا عريس👏🏻🤤
-أهلين
- شنو يعني العرس بخفي الزول كدا من مشيت مع السنيورة دي ما لمينا فيك تاني نفهم شنو يعني؟
-لا ما كدا
- لا بس ما تقول لي حبيتها وشنو ودخلتو في دور المرة وراجلها وكدا ي زول البنت دي بعد كم يوم تطلقها وتوديها لأهلها تقول ليهم بنتكم دي كدا كدا
- لا انا ما حطلقها يا أمير وما حاعمل كدا
-شنووو كيف يعني؟ 😳
-زي ما سمعت
- انت عارف نفسك بتعمل في شنو؟انت عارف اني ممكن أوديك في خبر كان لو ما عملت القلتو ليك؟وبعدين دا اتفاق بيناتنا وانت ما عندك الحق تخرب الاتفاق دا😠😠
- انا ما حاعمل كدا يا أمير وعايز تعملو أعملو لكن انا مستحيل اعمل في بنت ناس كدا وما حرام عليك البتعملو كدا انت ما خايف من ربنا؟
- ياخ انت بتقول في شنو يا حسام أحسن تصحى على نفسك عشان ما أقلب عليك وبعدين هي اصلا ما بنت ناس عشان انت تخاف عليها كدا فاهم؟😠يلا اشتغل شغلك ومن غير ما تتناقش معي في حاجة😒
- أمير دا اخر كلام عندي انا ما حطلقها
وتييت الخط قطع👏🏻
#يتبع
