- يعني انت كدا فاكر نفسك عملت حاجة حلوة لما شلت الولد من أمو بالغصب وهو صغير؟ فاكر نفسك عملت حاجة حلوة لما اتزوجتني على مرتك وخليت الموضوع مخبى؟ فاكر نفسك عملت حاجة حلوة لما سبتها وهي حامل؟عارف الناس حايقولو عنها شنو ولا شنو؟ولا هي عاشت كيف مع ولدها ولا سجلت ولدها بمنو كيف قدرت تربيه براها ومن غير أب؟ يعني هي ذنبها شنو وانا انا ذنبي شنو بس؟(بتبكي شديد)🥺🥺
-انتي ما عندك ذنب ي ربا أنا المذنب وانا الكعب بس انا ما قاصد الحصل دا كلو ما كان بيدي والله قبل خمسة سنين بتذكر اني مشيت البلد وشفتها هي كان عمرها ١٦ سنة وعجبتني وخليت عمي يعقد لي وقلت ليه ما تكلم أمي لأنها ما حاتوافق اني أتزوج بالطريقة دي واتزوجتها وقعدت هناك زي شهرين ولما رجعت هنا وشفتك في عرس عبدو من اللحظة ديك انا ندمت على زواجي دا كنت متواصل معاها بالتلفون بس غيرت شريحتي وغيرت اي شي مع اني لما كنت بتكلم معاها قالت لي انها حامل واتا قلت ليها حانزل البلد بعد كم يوم بس ي ربا انتي خليتيني أبقى أعمى انا بقيت ما شايف غيرك قدامي ما كنت بقدر أخاطر بيكي انا لما عرفتك ما صدقت اني قدرت أخليك تحبيني ما كنت عايز أي حاجة تفرقني عنك كنت خايف أكلمك اني متزوج وانتي ترفضيني ما كنت مستعد لخسارتك🥺
- يعني انت كدا ما خسرتني؟يعني بعد ما انا عرفت متأخر معناها حسامحك؟ياريت لو كلمتني من الأول ياريت ولا أتعذب زي أسي ياريت😪
-يا ربا أنا بوعدك اني حصلح اي شي وأساسا انا طلقتها وعدي بكرة حرجعو ليها وبوعدك تاني ما تشوفي وشو وانا وانتي حنمشي مكان بعيد ما يكون فيه غيرنا عشان مافي زول يتسبب لينا بأي مشكلة نكون برانا وحعيشك أحلى عيشة يا ربا بوعدك حتى الشركة حسيبها عشان أكون فاضي ليك انتي وبس وحكون معاك الوقت كلو وبوعدك اني ما حزعلك بوعدك اني أتغير وأبقى أحسن ي ربا بس ما تسيبيني لأني بلاك ولا شي🥺🥺
•
•
•
(بعد ما عرفت بعمايل أمير)جات خاشة ليه في الغرفة الفي المستشفى هو كان ماسك راسو ومتوجع لما شافها مد ليها يدو
-وين انتي من قبيل انا منتظرك🥺
- يعني ما حرام عليك تعمل كدا في بنات الناس؟(بتبكي)يعني ما حرام عليك تفرق مرة من راجلها؟ما حرام عليك تشيل من بنت شرفها وتزوجها لصحبك عشان ينتقم منها؟ما حرام عليك تخلي بنت تحبك وتستغل حبها لرغباتك؟ما حرام عليك؟(وهي بتعيط)ياخ انت انسان؟معقولة تكون بالحقد دا كلو؟معقولة🥺
الدنيا ظلمت في وشو بعد عرف انو ابتهال كشفتو وقع وقعة سوداء اتقفلت معاه من كل الاتجاهات😪
-ابتهال دقيقة ما تفهمي غلط انا حفهمك اي حاجة انتي استهدي بالله
-تفهمني شنو ولا شنو بس تفهمني شنو😩(بتصرخ)انت عارف؟الحمدلله اني سقطت الولد الحمد لله انو ما عندي ولد منك وأنا ياداب عرفت ليه انا سقطتو عشان ربنا ما عايزني أجيب ولد من واحد زيك(بتبكي🥺)
-(دموعو نزلت)ابتهال والله انا ما كدا انا عملت دا كلو عشان آمنة انتي ما شفتيها اتعذبت كيف ما شفتي ناس البلد قالو عنها شنو هي كانت صغيرة لما رضا اتزوجها ولما خلاها خلاها حامل وما سأل عنها العذاب الهي اتعذبتو وأمي اتعذبتو معاها حيتحملو منو قولي لي حيتحملو منو؟وأنا في الفترة ديك لو كنت قاعد ما كان خليتها تتزوج لكن انا كنت بعيد عنهم وحتى لما رجعت وعرفت بالقصة بقيت أفتش عن رضا دا سماء وأرض لحدي ما لميت فيه وعرفت انو اتزوج وأمورو مظبطة وهناك أختي متبهدلة وهي ما عندها ذنب لا عايز يطلقها لا عايز يتولى مسؤوليتهم هي وولدو قولي لي انا كنت حاعمل شنو في الحالة دي يعني اشوف اختي كدا وأسكت؟🥺🥺
- طيب ما تمشي ليه هو اتكلم معاه اضربو اسجنو اي شي بس أخواتو ذنبهم شنو
-عشان يعرف العذاب الاتعذبتو أختي لما هو اختفى فجأه من غير ما يكون عندو أي مبرر بس عشان شنو عشان اتزوج وما عايز مرتو تزعل لما تعرف انو كان متزوج طيب أختي ذنبها شنو ولا ولدها الاتربى بدون أب ذنبو شنو؟خليه يعرف العذاب دا في أخواتو😒
-والله انت ما عندك قلب يعني حاستنى شنو من واحد زيك؟😪
فتحت الباب وعايزة تطلع
-رسل لي ورقة طلاقي وربنا يهديك
-(دموعو بتنزل)ابتهال ابتهال انا اسف والله اسف انا بوعدك اني ما حاعمل كدا تاني والله انا عملت دا كلو عشان آمنة كنت مضطر بس انا ما كدا وانتي عارفة🥺🥺عليك الله ما تمشي ابتهال انتي عارفة انا بحبك قدر شنو🥺🥺عليك الله ي ابتهااااال
وهي طلعت وقفلت الباب أواب جاء خاشي ليه
- انت حكيت لإبتهال عن الحاصل(عيونو محمرة)😠
-انا؟لالا واحكي ليها ليه؟☹☹
-في زول حكى لإبتهال عن أي حاجة انا عملتها ولو دا ما انت حايكون منو😒😒
- انا ما حكيت ليها اي حاجة غير اتصلت عليها وقلت ليها انك في المستشفى ما قلت اي شي
-معناها دا حسام الحيوان حسابو معي😠😠
•
•
•
-للأسف فات الأوان لأنو انا وانت مستحيل نرجع تاني
-ليه بتقولي كدا ي ربا🥺🥺حنرجع أحلى من اول كمان بس انتي أديني فرصة انا بوعدك اني أتصلح بوعدك اني أكون أحسن من أول بوعدك اني حاعمل أي شي انتي عايزاه بوعدك اني ما حزعلك تاني والله ما ازعلك🥺🥺
-(بتبكي شديد)رضا انا مستحيل أصدقك تاني مستحيل أثق فيك حتى قلبي كرهك خلاص وما عندو استعداد يديك أي فرصة انا استحملت غيرتك استحملت جنونك استحملت اني أقعد في البيت براي اليوم كلو استحملت اني ما أتواصل مع زول من أصحابي وصحباتي عشانك استحملت اني ما اطلع الشارع لأي سبب لأنك مانعني استحملت اني ما أفتح الباب لأي كائن برضو لأنك مانعني استحملت اني انقطع من أهلي وخليتهم يزعلو مني برضو عشانك استحملت انو ما يكون عندي تلفون وأكون منقطة من كل الناس برضو عشانك استحملت ضربك لي برضو عشانك استحملت جنونك استحملت عصبيتك استحملت انك اتزوجت عشان أمك ومن غير ما تكلمني ورجعت ليك عادي وكأنو ما حصلت حاجة استحملت انك تدفرني في الأرض قدام الناس عشان شفتني مع صحبي استحملت انك تديني كف استحملت انك تحرجني وتنبذني قدام صحباتي وود خالتي استحملت انك تجيب لي ولدك في البيت على اساس انو من الميتم طيب عايزني أستحمل شنو😩 بس قول لي عايزني أتحمل شنو؟😪🥺(بتصرخ)أتحمل انك كنت متزوج وعندك ولد وانا ما عارفة وبكل سهولة أتعامل مع الموضوع عادي؟ انت عايز كدا يعني؟هه والله كويس😪
هو ما كان عارف يقول ليها شنو تاني بس قعد يعاين ليها بعيونو المليانة دموع يمكن تحن عليه وتسامحو هي دخلت الملابس في الشنطة وطلعت ليها عباية لبستها وعايزة تطلع هو وقفها بصوت حنين
- ربا🥺
كانت ماشة وما شغالة بيه
-ربا انا من غيرك ولا حاجة لو عايزة تمشي كويس أمشي بس بوعدك اني ما حعيش من غيرك ولا يوم🥺🥺
ما اتلفتت عليه واصلت طريقها وطلعت وهي بتبكي خلتو سابح في دموعو
•
•
•
(بعد ما عرفت انو أمير في المستشفى ومشت ليه)
لقت أواب قاعد برة سلمت ليه ودخلت لأمير جوة جات جارية وهي بتبكي
-حمدلله على سلامتك حبيبي مالك حصل عليك شنو دا منو العمل فيك كدا🥺🥺
اتلفت ليها عاين ليها بعين حقارة واشمئزاز كدا لما هي استغربت قربت منو وحضنتو بس اتفاجأت لما دفرها بعيد😨
-(بصرخ)ما تقربي مني وأطلعي من الغرفة دي سريع😠👈🏻
-😳أمير انت بتقول في شنو
-السمعتيه😠
- أمير في شنو ليه بتتكلم معي كدا؟😳
-انا م عايز معاك درامات كتيرة لو سمحتي أطلعي عشان ما تشوفي مني تصرف تاني😠
-😳😳أمير في شنو ليه بتتكلم معي بالطريقة دي؟☹🥺
-(بصرخ)ي زولة قلت ليك أطلعي عشان ما أتصرف معاك تصرف تاني ياخ ما تسيبوني في حالي يومكم أبو اليوم الخلاني أعرفكم انتي وأخوكي وأختك وأهلك كلهم ياخ بسببكم خسرت مرتي خسرت البنت الوحيدة الأنا حبيتها🥺🥺
-(بقت تجمع في الكلام مرتي؟يعني هو كان متزوج زي ما رؤى قالت لي؟)يعني انت متزوج؟يعني انت كنت بتغش علي الفترة دي كلها انك بتحبني يعني رؤى كلامها صاح؟🥺🥺😳
-ايواا رؤى أختك لما قالت لي الولد دا متزوج كان تسمعي كلامها عشان ما تصلي للوصلتي ليه أسي وأيوا أنا كنت بغش عليك الفترة دي كلها كنت بقول ليك بحبك وبموت فيك وشنو ودا كلو كان كذب😒
-(بتبكي)ليه يا أمير تعمل فيني كدا انا عملت شنو عشان تعمل فيني كدا؟🥺
-أخوكي العمل أي شي أخوكي أتزوج أختي وهي صغيرة بعدين خلاها وهي حامل وما سأل عنها خلاها ٥ سنين وفي النهاية جاء طلقها بعد ما هي انتظرتو الفترة دي كلها وشال منها ولدها عشان يوديه للمصونة مرتو😠😒
- يعني انت أخو آمنة الاتزوجها رضا؟😨
- أي أنا وعملت دا كلو عشان أنتقم من أخوكي كنت بحب أختك اااه نسيت ما كنت بحبها وبس كنت معاها في علاقة جنسية وبعدين غشيتك انتي كدا وقع ليك؟😒
-(بتبكي على أختها وعلى نفسها)🥺كيف تعمل فينا كدا ما حرام عليك انت ما بني آدم؟ما حرام عليك تخليني أتعلق بيك كدا و في النهاية تطلع بتغش علي ما حرام عليك🥺
- ما في النهاية غشيت عليك من البداية كنت بغش عليك عشان انتي تكرهي أختك بسببي وعشان انتي تمشي تكلمي ربا انو رضا متزوج وعندو ولد وانتي عملتي كدا سلفا ووفرتي علي اي حاجة😌😌
-(متفاجأة😳)يعني انت قربت مني بس عشان أكلم ربا؟🥺
-اي يا شاطرة😌
- انت واحد حيوان وتافه😠😭
-كويس مقبولة منك أمشي تمي بكاك برة لأني ما ناقص زحمة في الغرفة دي😒
- الله يعذبك و ياخد حقنا منك ي حيوان😠💦
-(بصرخ)أطلعي برة قلت ليك أسرة ما نافعة لا انتي لا أختك مافي وحدة فيكم نافعة أطلعي برة سريع😠
(بتبكي ومنهارة حتى ما قادرة تتحرك من مكانها)🥺
- ما تعملي لي فيها مصدومة ومتفاجأة وما قادرة تمشي😒😒أطلعي عشان انا ما عندي مزاج أشوف وشك دا😠
برضو ما قدرت تطلع لسه بتعاين ليه ومصدومة منو معقولة دا أمير الأنا حبيتو معقولة يكون كدا معقولة يعمل كدا؟🥺🥺
- يا أواااااااب تعال سريع
-ايواا
-طلع البنت دي من هنا سريع😠
#يتبع
