- لا بحبو ومافي حاجة بتخليني أخاف منو😒
-طيب نفترض انك بتحبيهو حتقدري تعيشي مع واحد زيو؟ربا الانسانة الناجحة الما بتاخد أوامر من زول هي بتعمل الفي راسها يجي راجل يهزمها عشان شنو؟عشان هي فاكرة نفسها بتحبو؟انا عارف انك أقوى من كدا🙂
-بس انا بحبو بالجد وبعدين انا ما خايفة منو انا بحترمو بس
-ههههه ما تغشي على نفسك انتي عارفة الزيو ديل حيقعد يضربك كدا كل ما تحصل أقل حاجة بعد شوية لو شافك مع أخوكي حيضربك برضو ويضرب أخوك عارفة ليه لأنو دا جنون وبمشي مرحلة مرحلة لحدي ما يصل مرحلة مافي زول بقدر يتحكم فيها دا اسمو تملك عارفة يعني شنو تملك؟يعني هو ما بستحمل انو زول يشوفك مع زول يعني هو حايغير عليك من أبوكي وأخوكي وبعد شوية حايغير عليك من أمك وأخواتك والله جد ما تستغربي والتملك دا زي المرض إدمان يعني حبة حبة ببقى جنون وانتي مفروض توقفي قبل ما يصل المرحلة دي🙂
-عماد انت ما حتفهم اني بحبو شديد رضا دا أي حاجة في حياتي وما بقدر أستغنى عنو😢
- طيب انتي عاجبك الوضع دا يعني عاجبك انو راجل يسيطر عليك بالطريقة دي؟
- ما عاجبني بس ما بيدي أعمل حاجه😓
- لا انتي بيدك تعملي أي شي بيدك تخليه وتطلقي منو وانا راجيكي يا ربا نحنا ممكن نعمل عائلة جديدة بعيدة عن المشاكل وعن أي شي وأنا بوعدك اني حاسعدك وما حخلي دموعك تنزل في يوم🙂💜
-عماد انا ما بنجب عندي مشاكل وقالو مافي أمل ولا حتى ١% اني أنجب وانا ما عايزة أحرمك من انك تجيب اولاد وتفرح بيهم😓
- ربا القصة دي بيد ربنا ما بيدنا نحنا ولا بيد الدكتور القال الكلام دا يمكن الله ما كتب ليك تجيبي ولد من رضا لأنو ما لمصلحتك أو لأنو رضا ما عندو مسؤولية أو لأنو طايش دي كلها أسباب يمكن الله كاتب ليك تنجبي بس ما منو هو وبعدين نحنا أسرة م معقدة يعني أمي ما حتقعد تقول لي عرس لأنو مرتك ما بتنجب لا الحاجة دي بيدي انا ونحنا عارفين انو دا كلو بيد الله وكل شي قسمة وانا بوعدك اني ما حتندمي🙂🙂
-عماد انا الحب البحبو لرضا مستحيل يخليني اكون مع واحد غيرو انا بحبو والله بحبو 😓
- انا ما حاعصر عليك اكتر من كدا حخليك على راحتك وانا مستعد أستناك حتى لو اضطريت اني أستنى ال٣ سنين الاستنيتهم قبل كدا ووقت ما تكوني مستعدة انا قاعد يا ربا🙂ويلا قومي عشان أوصلك راجلك دا بكون خلص الاجتماع🙂
•
•
•
-أمير انت كدا حاتوقعني في مشكلة رضا أخوي لو عرف والله يقتلني😭
- يا رؤى يا حبيبتي انتي مالك خوافة كدا أخوكي ما حيعرف ومافي زول من ناس بيتكم حيعرف أساسا قلت ليك الموضوع دا حايكون بيناتنا بس🙂
-لكن يا أمير أنا خايفة والله انت ما عارف رضا صعب كدا😭😭
-رؤى انتي شكلك ما بتحبيني ويا خسارة أي حاجة عملتها عشانك أنا ماشي يلا سلام
-دقايق دقايق أمير انت عارف اني بحبك ليه بتعمل كدا انا بس خايفة انو رضا يعرف😭😭
-قلت ليك ما حيعرف ودا وعد مني الا لو انتي اتكلمتي
- طيب طيب😭
•
•
•
- يا أمي عليك الله ما تفتحي معي الموضوع دا تاني انا ما عايز أعرس وكلامي دا واضح والله انا أطفش في محل تاني محل تفتشوني ما تلقوني ما ممكن ياخ😠
- يعني عشان المسلطة دي تكسر كلمة أمك يا ولادة الندم من الليله ولقدام أنا ما أمك ومتبرية منك فاهم؟😠
تييت تييت قفلت الخط
هو رمى التلفون في الأرض فننننن😠
•
•
•
-رؤية تعالي خلينا نمشي لناس علوية ديل
-رضا ما وافق صاح؟😓
- ما وافق لكن حايوافق أسي خلينا نمشي ليهم عشان نحدد معاهم يوم للعقد خليهم يجهزو نفسهم
- هو العريس ما موافق تعملو عقد كيف؟😢
-قلت ليك حايوافق دا خلي علي انا كدا أضربي لرؤى شوفيها وين
- طيب
•
•
•
وصلت البيت وأنا بفكر في كلام عماد ما جاء على بالي اني ممكن يوم اوافق على كلامو اي صاح هو بحبي وأي شي وأنا متأكدة انو هو حايسعدني متأكدة انو حيعمل لي الما قدر يعملو رضا بس أنا ما بقدر أتخيل نفسي معاه أساسا لأنو رضا مسيطر علي ااه يا رضا ااه😓😓
•
•
•
-أخيرا بقيتي حلالي والله بحبك يا رؤى💜🤤
- وانا كمان🙈
-يلا خلينا نمشي
-نمشي وين؟
-بيتنا حايكون وين؟
- لا يا أمير انا حامشي البيت بعد دا لأنو لقيت مكالمات كتيرة من رؤية حامشي عشان ما يشكو فيني😓
-اووف يا رؤى ياخي أهلك ديل متين ترتاح منهم
-أمير لو سمحت ما تتكلم عنهم بالطريقة دي 😒
-خلاص يا روحي اسف😒أرح عشان أوصلك
-طيب
•
•
•
كنت قاعدة مع ناس أمي وقاعدين نتونس مشينا انا وآمنة عملنا قهوة وفنكوش وعملنا البخور وبقينا نتونس شوية ورضا جاء خاشي علينا🚶🏻
-مجتمعين في الحرم ان شاء الله🙂
- والله يا رضا حماتك بتحبك
-أصلا بتحبني مش يا امنه😉
-هههه تعال يلا أكب ليك جبنة
بقى يعاين لي يتكشم انا قعدت أصر ليه وألوي في خشمي😹جاء قعد جنبي
- والله يا خالتي لو ما شوية كدا كان جيت قعدت معاكم لأنو زي ما عارفين مرتي قاعدة هنا(وهو بعاين لي😒)وانا ما بعرف أعمل حاجة آكلها لكن بس الشغل
-طواالي يا ولدي والله تشرفنا في أي وقت البيت بيتك😇
-والله ما بتقصري عارفك يا خالتي🙂♥
مسك يدي بتحت وعصر عليها شديد قمت ضربتو في رجلو برجلي كانت حارة قام صرخ😹😹
- في شنو يا ولدي؟
- لا بس شكلها دي فارة ولا حاجة😒😒معليش بس حآخد منكم ربا دقيقتين عايزها
- ما ماشة معاك مكان😒
- ربا امشي مع راجلك دي شنو الحركات دي😒
-خليها يا خالتي هي ما بتعرف الزوق عشان كدا😹
-😒😒😒
مسكني من يدي وطلعنا برة شغالة أفك منو يدي تاني يمسكها
- في شنو يا رضا عايز شنو؟😒
-عايز مرتي ترجع معي وبس😓
-لعلمك انا ما حارجع معاك مكان خليك عارف😒
فجأه حضني شديد لدرجة اني حسيت انو جسمي وجسمو واحد
- ربا انا محتاج ليك شديد والله محتاج ليك أنا الفترة دي متضايق وأموري ملخبطة محتاج ليك جنبي يا ربا ما تعملي فيني كدا😓😓الله يرضى عليك أرجعي معي بيتنا مشتاق ليك كتير والله أنا من غيرك ولا شي😓
وأنا كمان مشتاقة ليه😭بس خايفة أخطي خطوة غلط لو رجعت ليه
-رضا انا محتاجة فترة أفكر فيها فترة تبعدني عنك عشان أعرف انا عايزة شنو محتاجة أبعد شوية
- ما كفاية كدا؟ربا انا اليوم الواحد الإنتي بعدتي فيه دا حسيتو سنة طويل وما بنتهي طيب كيف لو قعدتي أكتر؟أنا اتنفس كيف؟😓
- أنا عايزة فرصة أفكر فيها بس فرصة لأني ملخبطة شديد
- طيب حاضر انا ما حاضغط عليك بس بترجاكي أرجعي لي أنا مستنيك💜
- طيب
#يتبع
