-عايني يا أمي بغض النظر عن انو رضا جاب الولد دا بحلال ولا حرام المهم هو عندو ولد💁🏻
- كيف يعني انتي ما نصيحة أخوكي دا متين جاب ولد ولو أساسا مرتو دي ما بتنجب طيب الولد دا جاء كيف الكلام دا ما قادر يخش في راسي😪😪
- يا أمي انتي ما شايفة الشبه الكبير البيناتهم هو وعدي يعني ما لاحظتي؟واشمعنى رضا جابو لربا عشان تربي ليه ولدو من غير ما هي تكون عارفة انو ولد راجلها😈
- طيب رضا جاب الولد دا كيف؟وغير كدا هو عندو ٤ سنين معناها كان قبل عرسو من ربا طيب كيف؟☹
- ما عارفة يا أمي المهم اسي نحنا بسبب القصة دي لازم نطير ربا👏🏻🤤
-انتي ي بنت جنيتي دي مصيبة جديدة كمان نحنا لازم نعرف الولد دا رضا جابو كيف؟😒
- يا أمي عليك الله ما تركزي في الحاجات دي المهم هو جابو وخلاص😪
-دقيقة دقيقة قبل ٥ سنين لما أخوكي سافر البلد لعمو عدي عمرو قريب للزمن دا مافي غير تفسير واحد يا إما عرس وحدة من هناك يا اما جابو ساي من وحدة من هناك😨
-وشنو المخليك تقولي كدا واشمعنى من البلد؟☹
-رضا دا طبيعي في عيني عارفاه بمشي وين وبجي من وين وعارفة كل خطوة عنو بس لما سافر البلد بقى بعيد عن عيني وعمك كان ضرب لي لما رضا عمل المشكلة الكبيرة ديك وعمك في الزمن داك كان عايز يقول لي حاجة وكان متردد تاني قال لي لما رضا يرجع بحكي ليك☹
- يعني معقولة يكون عرس لما مشى هناك؟😳
- ما عارفة(ختت يدها في راسها)كدا قومي جيبي لي التلفون دا أضرب لعمك😪
•
•
•
- ياخ دي مصيبة جديدة كمان😪😠
-في شنو ي مان؟
-زفت حسام دا شكلو وقع في حب البنت الغبية دي وقال ما حايطلقها😠
- طيب خليه
-أخليه كيف يعني؟😠كدا اي شي أنا مخطط ليه ما حيبقى😪
- ما فارقة معاك انت شوهت شرفها وخليتها تحس بالذنب اتجاه نفسها ودي أكتر حاجة بتوجع عشان كدا خليها🥺
- لا ما حخليها لازم اتصرف مع حسام دا😠
- طيب ورؤية عملت ليها شنو؟
-حكيت ليها بعدي عشان هي تمشي وتكلم ربا😌😌وكدا the game over
-ولو ما كلمتها
-هههه انت لللان ما فهمت العائلة المجنونة دي رؤية بتكره ربا شديد ومستعدة تعمل أي شي عشان رضا يطلقها فاشنو حتمشي ليها بالخبر الحلو دا وتصدمها😌👏🏻
-الله يكفينا شرك
-هههه أستاذ أمير ياخ
•
•
•
كانت قاعدة تطبخ فجأة اتذكرت كلام عدي بتاع المرة الفاتت وهي ليه ما سألت رضا منو كان مفروض تسألو عشان على الأقل تفهم حاجة وهي واقفة حست ببطنها بتوجعها شديد جرت الحمام سريع وحست بلفة راس طلعت من الحمام قعدت في السرير وهي بتشيل نفس كأنها كانت جارية نادت عدي لأنو ما كان في البيت غيرهم
-عدي عدي
-(جاها جاري)نعم ماما
-جيب لي ليمونة من التلاجة
-ليمونة؟ليه؟🥺
-انت جيبها أول بعدين بقول ليك ليه
-طيب(وجرا على المطبخ)
هي ما كانت عارفة ليه تعبت كدا وبطنها بتوجعها شديد اتحججت انو هي تعبانة من شغل البيت وكدا وغير كدا عدي دايما بوسخ ملابسو وهي بتغسل ليه وكدا وبتتعب معاه بقت تقنع نفسها انها كويسة وما فيها حاجة عدي جاب ليها الليمونة شالتها وبقت تاكل فيها🍋
•
•
•
- يعني انتي حتفضلي كدا ما حتاكلي وحتبكي كدا؟☹☹
-(بتبكي)🥺🥺
- طيب انا اعمل شنو عشان ما تبكي🥺
-(بتبكي وبتقلم في ظوافرها)ي حسام انا اول مرة في حياتي اعترف بغلط انا عملتو أول مرة احس اني كعبة واني بعيدة من ربنا كدا😪😪
-(وهو بعاين في عيونها الباكية)انتي ما كعبة الدنيا هي الكعبة الدنيا هي البتختنا في المواقف دي وبتخلينا نعرف الناس ديل☹☹
- بس مافي زول ضربني في يدي انا عملت كدا بارادتي😪
-انتي عملتي كدا لأنو هو عرف كيف يستغلك وانتي زيك زي اي بنت لما تلقي واحد يحبها او يظهر ليها انو بحبها وتلقي عندو كل الهي محتاجة ليه اكيد حتعمل ليه الهو عايزو وانتي ما عندك ذنب وكفاية البتعملي في روحك دا😪
- انا غضبت ربنا يا حسام قتلت روح وزنيت😪
-ربنا غفور رحيم ونحنا كلنا بنغلط قومي صلي ليك ركعتين وادعي ربنا يغفر ليك😪😪🥺☹
- يعني ممكن يسامحني؟🥺☹
-الله فاتح أبواب التوبة عشان الناس الزيك عشان كدا قومي صلي واطلبي منو المغفرة يلا قومي انا برضو حصلي معاك🙂
- طيب
وهي في قلبها(معقولة حسام دا يكون طيب كدا معقولة؟يعني بعد ما عرفني وهو لسه مواصل معي وكمان بنصحني وخايف علي معقولة يكون كدا بس؟🥺)
وهو(انا بوعدك يا رؤى اني حقيف معاك عشان تتخطي دا كلو وما حسيبك)🥺
•
•
•
-رضاا🥺
-حبيبي أنا(باسها في خدها)مالو وشك مصفر كدا في شنو؟
-ما عارفة بس تعبانة شوية😪
-مالو الحلو في شنو؟اكلتي حاجة ما نفعت معاك؟🥺
- ما عارفة بس من قبيل بطني بتوجعني وحاسة بلفة راس☹
- كيف ما تحسي كدا وانتي الليل والنهار شغالة في البيت دا وما بترتاحي😒😒
- ااووف يا رضا خلاص ما تبدا🥺
- طيب انا حسافر وأخليك كيف في الحالة دي؟
-مسافر وين؟😳
-مش قلت ليك حامشي مع أمير عشان نشوف محل المشروع؟
-اه صاح نسيت
- هو انتي بتتذكري شنو؟😒
-طيب ماشي متين؟
-بكرة
-بكرة؟😳كيف يعني بكرة؟انت ما قلت كدا😭
-ي روحي والله جات كدا لكن حارجع اليوم البعديه طوالي
- لا ما تمشي بس😭😭
-اها بدينا الدلع؟انا حامشي يوم واحد وارجع
- كيف تمشي وتخلينا بس😭😭
-ي روحي هو كلو يوم واحد وحارجع ليكم حامشي منكم وين انا🥺
- لا انا بس ما عايزاك تمشي😭😭
- ربا خلاص بطلي دلع عدي ما قاعد يعمل كدا
-😒😒غلطانة انا
-😹😹خلاص ما تقلبي لي وشك التاني
-😒😒
-يلا عايني من اسي بوصيك طلعة من البيت مافي ما تستقبلي زول في البيت زاتو فاهمه؟وما تدي رقمك لأي زول فاهمه؟انا لو ضربت ليك صدفة ساي ولقيت تلفونك مشغول ما بحصل خير😒
- يعني عايز تخلينا برانا انا وعدي كيف نقعد برانا؟😭
-هو كلو يوم واحد ما حتحصل ليكم حاجة لو قعدتو براكم
- يعني انت حاتسافر وحاتسيب الشركة في الوضع الصعب دا؟
-م عندي حل غير دا ي حسن
- طيب ولو عمل حاجة وراك وبعدين كيف تمشي معاه أساسا بعد ما انت عرفت انو كذاب طيب لو غدر بيك
- انا لسه ما عرفت هو ناوي على شنو وليه كذب علي بخصوص الشركة وما عارف هو عايز يصل لشنو وبعدين انت قاعد هو ما حيقدر يعمل حاجة بس انت خلي بالك فتح عيونك العشرة لأنو هو لو طلع عايز يخسرني معناها في زول تابع ليه وشغال معي ولما انا اسافر معاه الزول الخاتيه حايحاول يعمل حاجة انت لازم تعمل حسابك
- اي ان شاء الله بس انت خلي بالك منو
-كويس
رضا كان بفكر معقولة أمير يكون كدا يعني حتى الشركة طلعت كذب والأوراق الوقعها كذب؟معقولة حتى المشروع كذب؟طيب ليه هو عمل كدا عايز يصل لشنو واشمعنى أنا؟☹😪
•
•
•
-شفتي يا أمي ما كلمتك الولد دا حيبقى في صالحنا😏💁🏻
-(خاتة يدها في راسها)انا ما قادرة أستوعب الكلام دا يعني رضا ولدي كان متزوج وكمان عندو ولد وانا ما عارفة كيف يعمل كدا من ورانا خمسة سنين و نحنا ما ناقشين حاجة ومرتو قاعدة في البلد ونحنا زي الأطرش في الزفة هو كيف يعمل كدا أصلا😪😪
-انتي اسي زعلانة كدا ليه؟والله الموضوع دا في صالحنا وغير كدا انتي من زمان بتتمني انو رضا يكون عندو ولد وربنا حقق ليك أمنيتك وبقى عندك حفيد من ولدك الكبير عايزة أكتر من كدا شنو وغير كدا نحنا بكل سهولة حنقدر نتخلص من ربا👏🏻😌
- انا الحاجة المحيراني انو رضا كيف يعمل كدا معقولة الفترة دي كلها ونحنا ما عارفين حاجة معقولة؟😪
- طيب انتي اسي حتعملي شنو؟💁🏻☹
-حجيبو وأقعدو قدامي واقول ليه عمك حكى لي بأي حاجة وانا عارفة انك متزوج وعندك ولد حختو قدام الأمر الواقع😪
-وبعد دا حيحصل شنو؟
-يطلق مرتو المسلطة دي ويجيب ديك من البلد ويعيش معاها ومع ولدو تحتي هنا ما بخلي تاني يمشي من قدامي نهائ🥺😏
-دا الصاح كفك يا حجة😹👏🏻
-(رمت فيها السفنجة)خلي قلة الأدب وأضربي لأخوكي خليه يجي
-حاااضر😹
#يتبع
