الوعد

البارت الاول

              (بسم الله الرحمن الرحيم )

رانا بنت في السنه التالته ليها في الجامعه تحديدا في كليه الهندسه في الاسكندرية...
معاها صاحبتها حياه ودي تعتبر صاحبتها الانتيم....والشخصيات الباقيه هتتعرفو عليها مع الاحداث خلينا نبدأ....

الدكتور: الناهرده هنشتغل عملي شويه وهاخدكو لشركه الادهم للمعمار ..وهناك كل واحد فيكو هيتخصصله دوره في الشركه... هنبدأ من بكره ياريت تبقو تقولو لاهلكو ... ودلوقت ممكن تروحو...
رانا: انا بجد متحمسه هنبدأ نشتغل عملي...
حياه: امم فعلا انا كمان متحمسه .... بس لازم نفضل مع بعض علطول علشان منتهوش ...انتي متعرفيش شركه الادهم دي كبيره قد ايه...
رانا: انتي رحتيها قبل كده؟؟؟
حياه: لا بس اللي راحها قالي .....لا والاحلي بيقولولي ان صاحب الشركه يلااهوااي مز  مز من الاخر...
رانا : انتي عارفه يابنتي اني مبهتمش بكل ده المهم يارب تبقي تجربه حلوه...
حياه: هنبقي نشوف هتهتمي ولا لأ بعد ماتشوفيه....
رانا: يلا ياحياه علشان منتأخرش في المرواح..
حياه: طيب يلا....

رانا روحت البيت وطبعا كانت متحمسه جدا و اول شخص شاركته فرحتها طبعا كان امها ...
سناء: الف مبروك ياحببتي عقبال ماتتخرجي كده ان شاء الله وتشتغلي فعلا لوحدك...
رانا: يارب ياماما دعواتك انتي بس ...
سناء: بدعيلك علطول طبعا ياقلبي روحي ارتاحيلك شويه يلا علي ماحضرلك الغدا...
رانا دخلت اوضتها ومتحمسه للبدايه الجديده في شغلها ودعت ربنا انه يوفقها ....

في اليوم التاني ....

رانا وحياه راحو علي الشركه مع الدفعه كلها واول لما دخلو كان مبهورين بيها...
حياه وهيا بتبص علي الشركه: مش قولتلك فخمه وكبيره...
رانا بدهشه: اه فعلا دي كبيره وحلوه اوي..
حياه: امال لو شوفتي صاحبها بقي هتقولي ايه؟؟
رانا: هقول ايه يعني وحتي لو حلو اعمله ايه؟
حياه بغمزه: توقعيه..
رانا: حياااه خلاص بقي وخلينا نركز احنا جايين نشتغل هنا مش نوقع ونحب...
حياه: خلاص انتي يلي خسرانه...
وهنا جه واحد من الشركه وكان باين عليه انه شخص ليه مركزه في الشركه...
مراد: اهلا بيكم في شركه الادهم للمعمار...انا مراد الزاهي..
حياه: الا يكون هو ده صاحب الشركه؟
رانا: وماله يمكن يكون هو مش وحش...
حياه: اه فعلا ده جميل جدا ...

مراد بدأ يرحب بيهم ويكلمهم عن الشركة ونظام الشغل فيها...

رانا: حياه انا عاوزه ادخل الحمام...
حياه: وده وقته..
رانا: اعمل ايه يعني هو بأيدي؟؟
حياه :طب اطلبي منه كده...
رانا رفعت اديها واستأذنت من مراد وهو سمحلها تروح بسرعه وراحت الحمام....
رانا كانت بتدور علي الحمام علشان الشركة كبيره جدا ولقت نفسها تاهت فيها... مبقتش عارفه تروح منين ولا ازاي.... بس كانت بتمشي يمكن تلاقي اي حد علشان تسأله...بس الكل كان مشغول...وفجأه خبط فيها.... شاب في غاية الوسامه قوي بعضلات ملامحه مرسومه كل حاجه في مظبوطه....
رانا: اانا اسفه معلش مخدتش بالي...
ادهم: لا عادي ولا يهمك...هو انتي شغاله هنا؟؟
رانا: لا انا من الطلاب يلي جاين يتدربو...
ادهم: ااه اهلا بيكي انا اسمي ادهم وانتي..
رانا كانت متوتره علشان كانت عاوزه الحمام
رانا: الحمام....
ادهم باستغراب : الحمام؟؟ ده اسمك؟؟؟
رانا: لا انا بدور علي الحمام ممكن تساعدني..
ادهم: ااه هو بصي الحمام حليا فيه صيانه بس بيبقي في حمام في كل مكتب تعالي مكتبي هتلاقي الحمام...
رانا: ماشي بس بسرعه لو سمحت...
ادهم اخدها وودها مكتبه ....
رانا خلصت وطلعت لقت ادهم بيدور علي حاجه ...
رانا: انت بتدور علي حاجه؟؟
ادهم وهو بيدور: امم الكتاب بتاعي ...
رانا: طب ماتدور عليه في درج مكتبك..
ادهم: وايه اللي هيجيبه في الدرج؟؟
رانا: علشان اكيد انت لما بتكون بتقرا فيه علي المكتب بعد ماتخلص هتحطه في الدرج....
ادهم فكر شويه في كلامها وقرر انه يشوف  الدرج... واول لما فتحه لقي كتابه فعلا موجود...
رانا: شوفت
ادهم بصدمه: مش ممكن انتي ذكيا فعلا وعندك قوة ملاحظه...
رانا: شكرا... انا لازم ارجع بسرعه صحابي مستنيني اكيد...
ادهم: هتعرفي ترجعي؟؟
رانا: اه هما لسه في مدخل الشركه...سلام..
ادهم: طيب سلام...
رانا راحت وادهم بص للكتاب وابتسم... وبعدين راح وراها.....

انتها البارت الاول......

توقعتكو واتمني البارت يعجبكو ❤....