الوعد

البارت الرابع والعشرون

مراد: هااار اسووود...
حياه: ايه في ايه؟؟
مراد: امو جلامبو جت ....
حياه: ايه امو جلامبو؟؟ الاتكون تقصد لين؟؟
مراد: اسم الله عليكي اخيرا حد فهمني...
حياه: هيا فين دي ...
مراد: هناك اهي عند مدخل الجنينه...
حياه: اااه بس ايه اللي هيحصل لو شافتهم يامراد ...
مراد: هتتغاظ اكتر ويمكن تحس علي دمها وتعرف ان ادهم مش بيحبها ... بصي خلينا منبصش ناحيتها علشان متفكرناش بنراقبها...
حياه: مااشي...

لين كانت عماله تدور علي ادهم علشان تقوله انهم لقو الخاتم لحد ما وصلت عند مدخل الجنينه وشافت ادهم ورانا وهما حاضنين بعض...
لين اتضايقت ومكانتش مصدقه اللي شايفاه قدامها بس في نفس اللحظه لمحت مراد وحياه وهما كانو وقافين بيراقبوهم ..
لين لنفسها: بس كده كفاايه انا مش هسمح للفريق ده انه يدمر احلامي وخططي انا هوريكو...
لين رجعت تاني علي القاعه وهيا متعصبه ومتنرفزه ومن عصبيتها مكانتش شايفه قدامها وهيا ماشيه فخبطت في حد...
لين: ااه مش تحااسب ياغبي...
خالد: حاسبي وانتي ماشيه..
لين: اانت؟؟ انت جيت هنا ليه؟
خالد: عادي جيت احضر خطبتك...
لين اخدته علي جنب في مكان متداري..
لين: ازاي جيت تحضر خطوبتي انت عارف لو حد شافك هيحصل ايه؟؟
خالد: ايه اللي ممكن يحصل يعني عادي هنا محدش يعرفني ومش هيحصل حاجه..
هنا خالد حط ايده علي وسطها وقربها منه واتكلم..
خالد: بس مقولتليش القمر زعلان ليه؟؟
لين بعدته عنها وهيا مكشره واتكلمت بعصبيه..
لين: خطتنا معرضه لانها تبوظ ياخالد ..
خالد: ليه بس ايه اللي هيبوظها الناهرده خطوبتك والفرح قريب..
لين: مش متأكده اذا الفرح ممكن يتم ولا لا.. طول ما في عندي عقبات صعب اني اوصل للي عاوزاه..
خالد: بتتكلمي علي مين؟؟
لين: هيكون مين يعني ؟؟ مفيش غيرها عملي الاسود ست رانا لا والمره دي مش لوحدها مراد وصاحبتها بيساعدوها توصل لادهم وبقو يجذبوه لصفهم ..
خالد: مراد كمان معاها ازاي؟؟ انتي عرفتي المعلومات دي منين؟؟
لين: انت مفكر اني هنسى رانا بالسهوله دي؟؟ ابدا ... انا حاسه من الاول انها ناويه علي حاجه وحتي كمان مراد ده انا عارفه انه مش بيطيقني اصلا و لما يعرف اني هتجوز ادهم اكيد مش هيسكت علشان كده قررت اني اراقبهم بس طبعا علشان خطوبتي وكده فامكنتش فاضيه وعينت حد يراقبهم بدالي...
فلاااش بااك...

الموظف: تمام يانسه انا حطيت الملف زي مانتي قولتيلي وفيه المايكروفون وتقدري دلوقت تسمعي كل اللي بيقولوه..
لين: ممتاز وادي الفلوس اللي اتفقنا عليها وطبعا مش محتاجه اقولك انت لازم تعمل ايه بعد كده...
الموظف: اكيد يافندم انا هفضل مراقبهم ولو عرفت اي حاجه جديده هبلغ حضرتك فورا...
لين: كويس روح شوف شغلك يلا...

باااك...
لين: وبعد كده قدرت اسمع الكلام يلي قالوه وبالاخص الكلام يلي قاله مراد لادهم ...
خالد وهو بيسقف: الله عليكي بجد انتي شخص ميستهونش بيه ابدا...
لين: المشكله دلوقت ان ادهم سمع كلام مراد واعترف لرانا وانا كده بقيت في خطر هو ...
خالد: فعلا وفي حاجه مهمه ان ادهم اكيد مكانش هيقول لرانا انه بيحبها وهو مش ضامن مستقبله معاها يعني اكيد في حاجه في دماغهم ناويين يعملوها ضددك وواثقين منها...
لين: فعلا ياخالد انا بقيت قلقانه اوي من اللي بيفكرو فيه ومش لاقيه ح....
لين حطت اديها علي راسها فجأه وحست انها بدأت تدوخ...
خالد: لين ... ماللك في ايه؟؟
لين: مش عارفه حاسه اني دايخه جامد ومش...
وهنا لين وقعت علي خالد وهو حاول يفوقها بس معرفش بس شالها وحاول ينقلها علي اقرب كرسي قدامه وهنا الناس بدأت تتجمع عليها واولهم امها...
ميرفت بخوف: ليين ليين حببتي مالك فوقي ياروحي... ايه اللي حصلها؟؟
خالد: معرفش ياطنط والله انا لقيتها وقعت مره واحده ومن غير سبب...
جماال: خلينا ناخدها علي المستشفي بسرعه....
ميرفت: وخاطبها مش المفروض يجي معانا ولا مش مهتم؟؟
جماال: انتي هاتعوزي ايه دلوقتي بخاطبها خلينا ناخدها بسرعها يلا....

مراد: ايه ده هيا الناس كلها رايحه فين كده؟؟
حياه: خلينا نروح نسأل حد من المعازيم...
مراد وحياه راحو يستفسرو من اي حد وعرفو ان لين اغمي عليها وودوها للمستشفي..
حياه: دي مشكله كبيره معقولها تكون مستحملتش الصدمه لما شافت ادهم ورانا؟؟
مراد: لا لين مش من النوع ده اكيد في حاجه تانيه ...
حياه: اهم حاجه دلوقت لازم نروح ونقول لادهم ورانا ...
مراد: يلا...

ادهم ورانا الفرحه مش سايعاهم مبسوطين لدرجه انهم نفسهم يتجوزو دلوقت ويقضو حياتهم مع بعض لاخر العمر...
ادهم: انتي سألتيني قبل كده انا ليه مكنتش راضي اخليكي تناديني بالالقاب اعتقد انك عرفتي الجواب دلوقت....
رانا بخجل: عرفته بس حابه اسمعه منك ...
ادهم: ياسلام عليكي يافراشتي وانتي مكسوفه بتكوني اجمل بكتير...
رانا بتكشيره: يعني وانا مش مكسوفه بكون مش حلوه؟؟
ادهم وهو محاوطها بأديه: انتي علطول جميل في كل حالاتك وعلطول بتزيني وبتحلي اي مكان انتي فيه زي الفراشات بالضبط ...
رانا وهيا باصه في عنيه بحب: بجد يادهومي؟؟
ادهم مسك وشها بأديه وقرب منها ...
ادهم بهمس وهو بيقرب: بجد ياروح ادهومك..
انفاسهم بقت مخطلتها والبعد بقي امر صعب
رانا غمضت عنيها واستسلمت بين اديه وهو كان لسه ها ....
مراد: عصاافيرر الحبب مش وقتكو لازم نتحرك...
ادهم ورانا اتفزعو وبعدو بسرعه عن بعض...
ادهم في سره: الله يخربيتك يامراد...
مراد: بتقول حاجه اسديكي؟؟
ادهم: هقول ايه يعني ..
حياه: مكانتش تنفع الدخله دي يامراد فزعتهم هما برضو ماصدقو ...
ادهم: قوليله والنبي ...
مراد: معتقدش ان في باب اخبط عليه المره دي؟؟
رانا: ياتري ايه السبب الظريف يلي جيتو علشانه؟؟
حياه: جينا نقولكم ان لين اغمي عليها واخدوها المستشفي...
ادهم:اييه ؟؟ ازاي واغمي عليها ليه؟؟
مراد: والله احنا منعرفش اي تفاسيل خاليس ...
حياه: بقي برضو بتنكر انه يمكن يكون السبب يلي في بالنا...
ادهم: ليه هو ايه السبب يلي في بالكو؟؟
حياه: لين شافتكو وانتو حاضنين بعض هنا وكانت متعصبه...
مراد: لسه مصر برضو ان مش ده السبب...
رانا: طب خلينا نروح نعرف السبب بدل وقفتنا دي....
ادهم: يلا وحسابي معاك بعدين يامراد...
مراد: الله وانا مالي انا هو انا اللي خليتها يغمي عليها؟؟
رانا: لا ياظريف علشان مقولتلناش ان لين شافتنا من الاول وكانت موجوده...
حياه: اتعاتبو بعدين خلينا نشوف البنت حصل فيها ايه....
الاربعه وصلو المستشفي ولقو اهل لين بره وادهم اصر انهم ميدخلوش كلهم مع بعض مره واحده ودخل هو الاول...
ادهم: خير ياجماعه ايه اللي حصل ؟؟
ميرفت: حمد الله علي السلامه يابيه... الاستاذ شررف...
ادهم: في ايه بس ياطنط انا عملت حاجه ؟؟
ميرفت ضربت ادهم بالقلم وفي نفس اللحظه رانا وحياه ومراد وصلو وشافوه...
ميرفت وهيا بتعيط: انت ازاي تعمل كده في بينتي ياساافل؟؟
حاله استغراب وذهول مسيطره علي ادهم وهو مش فاهم اي حاجه ولا ايه اللي بيحصل ولا حتي رانا ومرادوحياه.....

انتها البارت الرابع والعشرون.....

توقعتكو واتمني البارت يعجبكو ❤....