الوعد

البارت الخامس والعشرون

ادهم: في ايه بس ياطنط انا عملت حاجه ؟؟
ميرفت ضربت ادهم بالقلم وفي نفس اللحظه رانا وحياه ومراد وصلو وشافوه...
ميرفت وهيا بتعيط: انت ازاي تعمل كده في بينتي ياساافل؟؟
حاله استغراب وذهول مسيطره علي ادهم وهو مش فاهم اي حاجه ولا ايه اللي بيحصل ولا حتي رانا ومرادوحياه.....
ادهم: حضرتك ممكن تقوليلي ايه اللي بيحصل وانا عملت ايه في بنتك؟؟
ميرفت: انت انسان حقير انا متوقعتش انك تكون كده انت اخدت شرف بنتي انت ازااااي تعمل كده ازااي ياسافل ياحقير ازاااي؟؟؟
ميرفت كانت بتضرب ادهم علي صدره في كل كلمه وهيا متعصبه وبتعيط..
ادهم مسك ايديها وسبتها وحاول يسيطر علي عصبيتها...
ادهم: كفااايه بقي وقوليلي في اييه اييه اللي بيحصل هناا؟؟
هناء(اخت ميرفت): الدكتور قال ان لين حامل ولين بتقول ان الولد منك انت....
الكلام نزل زي الصاعقه علي ادهم ومبقااش مصدق اللي سمعه كل اللي موجودين اتصدمو واولهم رانا....
ادهم بعدم تصديق: ااااا ايه اللي بتقوليه ده لا اكيد في غلط في حااجه غلط في الموضوع...
ميرفت: وكماان بتنكر ؟؟ انا لين قالتلي علي كل حاجه وقاالتلي علي السبب الوحيد يلي خلاكو تتجوزو انت السبب في كل حاجه حصلت لبنتي هيا دلوقت ياعيني قاعده بتعيط وبتندب حظها في الدنيا كل حاجه جايه عليها وده كله بسببك انت يادهم انت السبب انت السبب...
ميرفت قعدت علي الارض وفضلت تعيط وهناء راحت وقفت جنبها وقعدت تواسيها...
رانا مكانتش مستوعبه اي حاجه كل اللي بيحصل قدامها مكانتش مصدقاه فعلا حتي حياه كانت بتحاول تكلمها بس هيا مكانتش سامعاها لانها كان كل اللي شاغل تفكيرها دلوقت... ياتري ادهم هيعمل ايه؟؟ وايه هيكون موقفه من كل ده؟؟

ادهم اتحرك في اتجاه الأوضه يلي لين فيها وكان بيتحرك وهو مش واعي مش مصدق اللي بيحصل وسؤال واحد بس هو اللي بيتردد جوه عقله.... ايه اللي هيحصل بعد كده؟؟؟
رانا لما شافت ادهم رايح علي الأوضه يلي لين فيها رجعت خطوه لورا بصدمه لأنها متوقعتش ان دي تكون رده فعل ادهم انه يشوف لين ومن غير حتي مايبصلها...
حياه: رانا امسكي نفسك لو سمحتي...
رانا جريت ...هربت من الكل هربت الصدمه يلي كانت فيها طلعت بره المستشفي وهيا بتعيط وبتفكر ... بتفكر مصيرها ومصير حبها هيبقي عامل ازاي دلوقت؟؟ ايه اللي هيحصل فيها وفي حياتها ؟؟ دلوقت مبقتش لين هيا اللي واقفه في طريق حبها لوحدها بقي في الولد يلي في بطنها كمان ... كل مره حياتها بتتعقد اكتر بس ياتري المره دي هتتحل ازاي؟؟

ادهم دخل أوضه لين ولقاها بتعيط والممرضات واقفين جنبها وبيواسوها ...
ادهم شاور للممرضات انهم يطلعو وهما طلعو..
لين وهيا بتعيط: انا حياتي خلاص اتدمرت يادهم سمعتي اتدمرت وحياتي باظت خالص...
ادهم راح وقعد قدامها علي السرير واتكلم..
ادهم: المفروض تهدي دلوقت العياط غلط عليكي..
لين: ازاي عاوزني اهدي يادهم وانا عارفه ان حياتي هتدمر خلاص بعد الولد ده انا مش هقدر اعيش معاه لوحدنا مش هقدر اربيه لوحدي دي مسؤليه انا مش هبقي قدها يادهم....
ادهم: لوحدك؟؟ انتي ليه بتقولي كده مش المفروض اننا هنتجوز وانه ابني؟؟
لين : صحيح انه ابنك بس احنا مش هنتجوز يادهم....
ادهم بأستغراب: ليه؟؟
لين:......

انتها البارت الخامس والعشرون...

توقعتكو واتمني البارت يعجبكو ❤....