الوعد

البارت الرابع

لين جابت الكاسين وشغلت فيلم اجنبي وقعدو...
ادهم: ليه حاسس طعمه متغير او غريب؟؟
لين: لا عادي بس ده نوع جديد وغالي...
ادهم: اممم... حلو الفيلم ده زوقك حلو...
لين: ميرسي ...
ادهم خلص الكوبايه ولين فضلت مراقباه...بس محصلش حاجه...استغربت معقوله مأثرش فيه؟؟
لين: ادهم اجبلك كاس تاني؟؟
ادهم: لا كفايه كده الحقيقه انا يومي كان طويل وغير كده عندي شغل بكره بدري فلازم انام...
لين: علشاني ياادهومي هو احنا كل يوم بنسهر علي القليله استني لما الفيلم يخلص....
ادهم قام: لين مش هقدر اصل شغلي مهم جدا...
ادهم حس نفسه بدأ يدوخ وبقي يطوح...
لين اتبسطت ان الدوا اخد مفعوله ولازم تنفذ الخطه دلوقت...
لين: ادهم انت كويس؟؟
ادهم بصوت سكري: اه اه انا كويس جدا بس لازم اطير علي جوه بقي....
لين: طب استني نطير مع بعض...
لين قامت وسندته واخدته اوضته...
ادهم: انا بعرف اطير لوحدي ..انتي بتعرفي تطيري؟؟
لين: اومال هنطير في حتت تانيه دلوقت استني وشوف...
لين حطته علي السرير وبعدين راحت وشغلت التليفون بتاعها فديو وحطته في مكان بحيث انه يبقي باين كل حاجه....
ادهم قام من مكانه ولين شافته...
لين: رايح فين يادهم؟؟
ادهم: هروح هناك ..
لين: هناك فين؟؟
ادهم : هنااك.. الحته يلي بيطيرو فيها في حد ميعرفش هناك برضو؟؟
لين: تعالي هنا يادهم انت لازم تنام....
لين شدته وقعدته علي السرير...
ادهم: هناك حلو انا عاوزه...
لين: هنبقي نروح هناك بعدين خلينا ننام دلوقت...
لين بدأت تفك زراير قميصه ...
ادهم: انا مش حران علفكره الجو سقعه...
لين: هيبقي حر دلوقت... ادهم ممكن تحضني؟؟
ادهم: احضنك ليه انتي بتخافي؟؟
لين: اه بخاف اوي بحس في حجات مرعبه ....
ادهم: لا لا متخافيش مفيش حاجه تعالي...
ادهم حضنها زي ماتكون طفله بيهديها...
ادهم وهو بيطبطب عليها: خلاص خلاص العو مشي ...
لين : خلاص نيمني لو سمحت علشان لسه حاسه بخوف..
ادهم وهو بينيمها علي السرير: انتي ليه مكنتيش بتشربي اللبن؟؟ مالو كنتي بتشربي اللبن مكنش العو هيجيلك...
لين لنفسها: صبرني يارب...
ادهم: بتقولي حاجه؟؟
لين: لا بس بقول ياريت تفضل في حضني علشان ممكن يجي وياكلني ..وهشرب اللبن بعد كده...
ادهم: ماشي متخافيش مش هيقدر يعملك حاجه...
ادهم نام جنبها واخدها في حضنه وبرضو بيعاملها زي الطفله الصغيره..
ادهم وهو بيطبطب عليها: نامي ننا هوو نامي يلا نامي هووووو....
لين لنفسها: هيوقف الهبل ده امتي بقي...يلا اهم حاجه ان الكاميرا بتصور كل ده وهبقي اظبطها بعدين...ننام احنا بقي باطمأنان....

ادهم صحي وكان حاسس بصداع جامد كان هيفرتك راسه ومكنش عارف من ايه...وبيبص جنبه لقي لين نايمه معاه...ادهم قام مره واحده ولين صحت...
لين : انت واعي ولا لسه؟؟
ادهم: ايه اللي بتقوليه ده وانتي ازاي جيتي هنا ايه اللي حصل؟!!؟؟؟؟
لين وهيا بتعيط: وكمان مش فاكر ايه اللي حصل؟؟!!! انت اتهجمت عليا يادهم ....
ادهم باستغراب: اييه ؟؟ ايه اللي بتقوليه ده انا مستحيل اعمل كده...
لين بعياط: لا عملت كده وانا كنت مفكراك مؤدب وكويس بس انت كسرتني...
ادهم: لين ايه اللي حصل انا مش فاكر اي حاجه بجد...
لين: كنت عارفه انك هتنكر كل اللي حصل ..علشان كده عملت حسابي...
لين قامت وجابت تليفونها وطبعا بعد ما عدلت الفديو وظبطته بحيث انه يبان انها المظلومه وحطت شويه مؤثرات...
لين ورت الفديو لادهم وادهم مكنش مصدق اللي شايفه..معقوله هو قدر يعمل كده؟؟
لين: ها صدقت دلوقتي ولا لسه هتنكر؟؟
ادهم: لين سامحين لو سمحتي..انا مش عارف ازاي ده حصل وانا مكنتش في وعيي..
لين: وهيفيد في ايه السماح...السماح ده هيرجعلي شرفي و كرامتي؟؟
ادهم: يعني ايه؟
لين: يعني مفيش غير حل واحد علشان تصلح غلطتك دي...

انتها البارت الرابع....

توقعتكو واتمني البارت يعجبكو ❤....