الوعد

البارت السابع

في الطيااره..
ادهم كان سرحان وبيفكر ياتري مستقبله هيبقي عامل ازاي مع لين؟؟ وهيعيش معاها ازاي وهل هو هيحبها ولا لأ؟؟
رانا لاحظت انه سرحان في حاجه..
رانا: ادهم ايه سرحان فين ؟؟
ادهم: هاا لا مفيش حاجه كده في الشغل..
رانا: طب ادهم انا ممكن اسألك سؤال؟
ادهم: اتفضلي..
رانا: انت ليه عاوزني اناديك ادهم ليه مش استاذ ولا اتعامل معاك برسميه؟؟
ادهم بأستغراب: يعني انتي عاوزه تناديني استاذ وتعامليني برسميه؟؟
رانا: لا مش القصد بس اشمعني انا يعني انت اخترتني ابقي سكرتيرتك وتأمنلي علي شغلك وغير كده مش بتعاملني كأني سكرتيرتك ...
ادهم: اومال بعاملك كأنك ايه؟؟
رانا: اكتر من سكرتيره ..كأني مش موظفه عندك او طالبه مبتدئه ... ليه بتعاملني كده؟؟
ادهم: انا مش فاهم يعني انتي متضايقه من معاملتي دي ليكي ؟؟
رانا: اكيد لا بس مستغرباها شويه وبالاخص كمان ان مراد قالي ان محدش من الموظفين يقدر يتكلم معاك حتي ولا يقدر يناديك بأسمك علي القليله جوه الشركة..
ادهم فكر شويه في كلام رانا وحتي هو مكنش لاقي اجابه علي سؤالها.. هو مش عارفه ليه عاملها استثناء عن باقي الموظفين... ياتري ايه المميز فيها ؟؟
رانا: رحت فين؟
ادهم: موجود اهو .. بس هبقي اجاوب علي سؤالك بعدين في الوقت المناسب..
رانا: طيب..
الطياره وصلت المطار وادهم ورانا وصلو وراحو علي الفندق... ادهم راح يحجز الأوض ورانا كانت واقفه و سرحانه..كانت بتسأل نفسها نفس السؤال..ليه؟؟ اشمعني هيا؟؟ معقوله يكون كلام مراد صح؟؟ طب ازاي صح؟ ازاي يعجب بيها بالسرعه دي هما مكملوش يومين شغالين مع بعض؟؟ طب ياتري نواياه ايه؟ اسأله كتييره بتدورلها علي اجابات بس الايام كفيله انها تجاوبها كل اللي لازم تعمله تستني وتصبر وتشوف اللي هيحصل...
ادهم: تمام حجزتلنا أوضتين والاحسن انهم جنب بعض علشان لو احتاجتي حاجه  يلا..
رانا: ماشي يلا..
رانا وادهم طلعو الأوض بتاعتهم وكل واحد دخل أوضته..
ادهم بعد مادخل أوضته لقي مراد بيتصل بيه..
ادهم: الو..
مراد: كويس انك شغلت الخط بسرعه اصل الواحد كان باله مشغول وعايز يعرف ايه اللي حصل...
ادهم: ايه اللي حصل في ايه؟؟
مراد: ايه ياعم اللي حصل معاك انت ورانا..
ادهم: انا مش فاهم ايه اللي المفروض يحصل معايا انا ورانا؟؟. وضح كلامك..
مراد: مااشي هتعامل معاك علي اساس انك مش فاهم... اللي اقصده اني عاوز اعرف شويه تفاصيل عن الرحله دي يعني مثلا حصل ايه في الطيارة ؟؟ طلعت بتخاف وانت اخدتها في حضنك علشان تطمنها ولا لقيتو الفندق كله محجوز ومفيش غي جناح واحد وهتنامو مع بعض ولا..
ادهم قاطعه: بس بس بس ايه يامراد كميه الافلام الرومنسيه يلي مسيطره علي عقلك دي مفيش اي حاجه من الكلام ده حصلت..
مراد: يااخساارة.. طب مفيش هيحصل؟؟
ادهم: ولا هيحصل اللي بتفكر فيه ده بعيد ومستحيل كمان رانا سكرتيرتي وصاحبتي بس..
مراد: طب ليه ميبقاش في مسمي تالت؟؟
ادهم اتنهد: في موضوع كده هبقي احكيهولك لما ارجع...
مراد: طيب هستني.. بس ابقي فكر في الموضوع...
ادهم: خلاص بقي يامراد متشتتنيش انا تعبان دلوقت من السفر ومحتاج ارتاح علشان اجتماع بكره...
مراد: طيب ماشي مطولش عليك روح تصبح علي خير...
ادهم: وانت من اهله..

رانا كانت بتحاول تنام وفضلت تلف يمين وشمال بس هيا مش قادره تنام او بمعني اصح خايفه... فضلت تفكر تعمل ايه علشان تعرف تنام وتبطل خوف.. افتكرت لما كانت خايفه من الطياره وادهم ساعدها يبقي ممكن انه يساعدها المره دي كمان... لقت ان ده انسب حل والا هيا مش هتقدر تانم كويس وتركز في اجتماع بكره...
رانا راحت أوضه ادهم وخبطت عليه.. بس هو مفتحش ..فضلت تخبط وبرضو مفتحش فكرت انه يمكن يكون نام بس هو ملحقش ولو كان نام كان زمانه صحي من كتر الخبط... ياتري ممكن يكون حصله حااجه؟؟

انتها البارت السابع....

توقعتكو واتمني البارت يعجبكو ❤....