مراد خبط علي باب المكتب وادهم اذن له بالدخول .. وادهم نوعاً ما فرح ان مراد رجع تاني بس حاول ان ميبينش....
ادهم: أفندم خير؟؟
مراد: عاوزك في موضوع مهم بخصوص الشغل...
ادهم: اوك اتفضل...
مراد: لا مينفعش هنا قابلني في الكافيه الساعه 8 ...
ادهم: علي ماعتقد ان المكتب انسب مكان للكلام في الشغل....
مراد: بس لما يكون الشغل موجود في مكان تاني لازم نروحله ... في ناس هنقابلها هناك ...
مراد مشي وادهم فضل يفكر.... ناس مين يلي عاوزينا نقابلهم في كافيه؟؟ومن امتي بيعملو اجتماعات في اماكن عامه كده؟؟ اكيد في إن في الموضوع ده.... ياتري بتفكر في ايه يامراد؟؟
رانا روحت البيت واتغدت مع عيلتها وقعدت معاهم شويه وبعدين دخلت اوضتها ترتاح شويه.... وتفكر.... تفكر في كل حاجه بتحصل معاها .... وتحاول ترتبهم ... وبتفتكر اول مره شافت ادهم فيها ... ولما ساعدها تتغلب علي خوفها من الطيارات .... وبتفتكر لما كانو في دبي وبهدلته معاها... افكار كتيره خلتها تبتسم غصب عنها لأنها حلوه فعلا.... وصعبه في نفس الوقت .. حبها لأدهم مكنش بالسهوله دي ولا كان في حسابتها ... بالنسبلها ادهم كان حاجه صعبه ومازال حاجه صعبه بالرغم من كل يلي بيعمله معاها الا انها حاسه انه مش من قلبه وانه مش بالشكل ده هيا شافت ادهم الحقيقي من جوه ... ادهم الحنين ويلي بيهتم بيها.... فترة السفر دي كانت كافيله بأنها تحبه وتتطمن معاه ... حست انه بيعاملها كابنته وبيخاف عليها .... دلوقت بس فهمت كل كلمه شارو كان يقصدها.... وعرفت ان فعلا هو ده الانسان يلي مستعده تعيش وتكمل معاه لأخر حياتها ....
قطع حبل افكارها رنة الموبايل بتاعها...
الموبايل : تيراااراااااراا تاااارااتيررااووو ...
كانت حياه هيا يلي بتتصل بيها ....
رانا: الو ازيك ياحياه...
حياه: كويس انك لسه فاكره اسمي....
رانا: معلش والله ياحياه انا كنت مضغطه اليومين اللي فاتو دول بجد وم...
رانا قطع كلامها صوت ضحكت حياه...
حياه وهيا بتضحك: بهزر معاكي ياقلبي انا عازراكي والله اللي يشتغل مع ادهم ده ميكونش فاضي لاي حاجه تانيه فعلا. هههه...
رانا: اممم فعلا...
حياه: صوتك مش عاجبني ... في ايه مالك ؟؟
رانا: هقولك ايه بس ياحياه مدبهدله خالص وضايعه وفعلا كنت محتجاكي ومحتاجه حد احكيله... فاضيه؟
حياه: طبعا يابنتي وحتي لو مش فاضيه افضالك طلام محتجاني...
رانا: ربنا يخليكي ليا بجد... هستناكي في المكان بتاعنا...
حياه:خلاص اوك نص دقيقه وهتلاقيني هناك... بس استعجلي انتي كمان علشان عارفاكي ياسلحفتي...
رانا: ماشي حاضر...
الساعه جت 8 وادهم راح الكافيه ولقي مراد مستنيه...
ادهم: اتأخرت عليك...
مراد: لا عادي متعود...
ادهم وهو بيبص حواليه: اومال فين الناس يلي هنجتمع بيهم؟؟ لسه ماجوش؟؟
مراد: لا ماخلاص كلهم جم..
ادهم: اومال هما فين؟؟
مراد: لاا ااقصد انهم وصلو مصر وهياخدو شويه وقت علي مايوصلو... بقترح اننا نشرب حاجه علي مايوصلو...
ادهم باصص لمراد بنظره شك وحاسس ان في حاجه او سبب تاني للأجتماع ده...
مراد: مالك بتبصلي كده ليه؟؟
ادهم: ياتري انت مخبي ايه وجايبني هنا علشانه؟؟
مراد اتعدل واتكلم بجديه...
مراد: فعلا معاك حق .. معتقدش ان ده السبب يلي انا جايبك هنا بسببه...
ادهم : اتوقعت ده... اتفضل ايه هو الشئ يلي جايبني علشانه بقي؟؟
مراد: الشئ يلي جايبك علشانه هو....
مراد سكت فاجأه واتفاجئ باللي شافه...
مراد في سره: ازاي جت هنا دي؟؟؟
انتها البارت الخامس عشر....
توقعتكو واتمني البارت يعجبكو ❤....
أنت تقرأ
الوعد
Romanceعلطول في عقبات بتقف في طريق الحب ويمكن يكون الوعد عقبه من العقبات دي .... ترقبو الوعد بقلم / اسماء عبدالله
