ميرفت لأدهم: يلا يابني جه دورك لبسها الخاتم...
ادهم اخد الخاتم وهو كله تردد في حاجه جواه مانعاه انه يعمل كده بالرغم من انها مجرد خطوبه الا انها برضو علاقه بتتبني بين اتنين هو كان نفسه يبني العلاقه دي مع رانا وبس ....
رانا مقدرتش تستحمل اكتر من كده وخرجت بسرعه ودموعها سابقاها ...
حياه: رااانا استنني..
حياه حاولت توقفها بس ملحقتش وبصت لمراد اللي كان متابع كل حاجه بحزن...
ادهم لمح رانا وهيا خارجه وعرف وقتها انها بتعيط و لانه مكانش منتبه الخاتم وقع منه وهو بيلبسه للين ...
ميرفت: مش تحاسب يابني كده برضو...
ادهم: اانا اسف جدا ياجماعه معلش مش مركز شويه الناهرده...
لين: لا خلاص ولا يهمك بيبي هنلاقيه دلوقت...
الكل بدأ يدور علي الخاتم وبقو يدورو في كل مكان ...
ادهم تليفونه رن وكان مراد استغرب ان مراد بيتصل بيه وهو المفروض في القاعه كمان بس لحظه!!! راح فين ؟؟؟ ادهم ملقهوش ولا لقي حياه كماان فقلق اكتر وقرر يرد بسرعه ..
ادهم: استأذنكم ياجماعه تليفون مهم ...
جمال: اتفضل يابني ولا يهمك...
ادهم مشي وميرفت بصت لجمال...
ميرفت : ازاي تسيبه يمشي كده؟؟
جمال: الراجل جاله تليفون مهم عاوزاني اقوله يفضل؟؟
ميرفت: مفيش حاجه اهم من اننا نلاقي الخاتم دلوقت ..
جمال: يبقي لازم تدوري عليه بدل مانتي عماله تعاتبيني كده يلا...
ادهم طلع بره القاعه و رد..
ادهم: خير يامراد في ايه وليه اختفيتو كلكو مره واحده كده؟؟؟
مراد: ادهم تعالا علي الجنينه بتاعت القاعه دلوقت لازم ننهي الموضوع...
ادهم: ننهي الموضوع؟؟؟ موضوع ايه ده يامراد.. مرااد الوو..
مراد قفل وده خلي ادهم يقلق اكتر وراح علي الجنينه بسرعه... ولما وصل لقي مراد وحياه واقفين ...
ادهم: ممكن تفههموني ايييه اللي بيحصل وموضوع ايه ده اللي هننهيه؟؟!!
مراد : الموضوع ده...
مراد شاور علي رانا واللي كانت قاعده علي كرسي جنب شجره ...
ادهم : رانا بتعمل ايه هناك؟؟
حياه: بتعيط يادهم ... رانا مستحملتش تشوفك وانت بتلبس لين الخاتم وقررت انها تهرب من المنظر يلي مش هتقدر تستحمله...
مراد حط ايده علي كتف ادهم وقال..
مراد: اعتقد ان ده الوقت المناسب علشان تنفذ اللي اتكلمنا عنه...
ادهم بص لمراد وافتكر حديثهم في المكتب بعد ما اتفقو علي الخطه...
فلااااش باااك....
ادهم : خير ...
مراد: كل الخير ..
ادهم: عاوز ايه يامراد؟؟
مراد:عاوز الصراحه ياصحبي ... انت ليه كاتم نفسك اوي كده ليه مش عاوز ترتاح بقي وتقول اللي جواك ليه ياصحبي ؟؟
ادهم: تقصد ايه؟؟
مراد: اعتقد انك عارف كويس انا اقصد ايه ومين بكلامي ده... لحد امتي هتفضل تخبي مشاعرك عنها ليه مصر تخليها تايها ومش عارف تقرر تتقدم ولا تقف مكانها ومتحاولش؟؟؟ هيا لحد دلوقت مش عارفه اذا كان لازم تبوظ الجوازه دي ولا لأ عارف ليه يادهم؟؟ علشان هيا لحد دلوقت مش عارفه انت بتحبها ولا لأ مش متأكده من حاجه زي دي وخايفه منها انت لازم تطمنها وتساعدها كمان انها تقدر تسبت كذب لين ...
ادهم: انا مستحيل اتسرع في حاجه زي دي يامراد...
مراد:انت متسرعتش يادهم بالعكس انت طولت جدا وانت كاتم في قلبك ليه مش عايز ترتاح وتريحها معاك يادهم ايه اللي مانعك؟؟؟
ادهم: مش مش عايز يامراد اكيد انا عاوز ارتاح بقي بس هستني الوقت المناسب....
أنت تقرأ
الوعد
Romanceعلطول في عقبات بتقف في طريق الحب ويمكن يكون الوعد عقبه من العقبات دي .... ترقبو الوعد بقلم / اسماء عبدالله
