الوعد

البارت الثالث عشر

رانا بصت لمراد بصة حزن وعنيها اتملت بالدموع ...رانا  قامت وكانت هتطلع من المكتب ...
مراد: استني يارانا...
مراد قام ووقف قدامها وبدأ يتكلم: جاوبيني يارانا انتي بتحبي ادهم؟
رانا وهيا بتمسح دموعها: وهيفيد بأيه اذا كنت بحبه او لا .. هو بيحب واحده تانيه وهيتجوزو...
مراد: لا يارانا ادهم صاحبي من زمان وانا عارفه كويس ... بس انا مش فاهم هو عمل كده ليه ولا امتي؟؟ هو كان بيقولي كل حاجه عنه تقريبا.... انا وادهم نعتبر خوات اكتر من صحاب هو عيلتي كلها وانا كمان عيلته ... عمره ماتصرف بالطريقه دي...
رانا: ايه اللي بتحاول تقوله يامراد؟؟

ادهم كان راكب العربيه بتاعته و عمال يلف بيها .... مش عارف هو رايح فين بس المهم انه يروح في اي مكان لوحده.... ادهم لقي نفسه قدام البحر فقرر انه ينزل وتمشي عليه شويه...
ادهم ماشي علي شط البحر وبيفكر... كان بيفكر في حجات كتيرره اووي ... كان بيفكر ياتري الزمن هيوديه فين اكتر من كده ؟؟ ايه اللي هيحصله بعدين ؟؟ حجات كتير بتتكررت في دماااغه .... من كلاام شارو لكلام مرااد لتفكيييره وغلطته اللي عملها والاهم من كل ده ... صورة رانا يلي مش بتروح من بااله ... بفتكر كل لحظه وكل ثانيه قضاها معاها ... صحيح كانو قليلين بس كانو كافيلين بأنهم يخلوه مبسوط ... رانا كانت سبب ساعدته بس حاليا هو لازم يبعدها عنه ... هو مش عاوزها تتعلق بيه زي ماهو اتعلق بيها ... كفايه طرف واحد يعاني....
طلعت بتحبها يأدهم مش كده؟؟؟
ايوه بحبها... ازاي اقدر محبهاش ؟؟ هيا بشقاوتها وحماسها خلتني مبسوط ... ومنساش يوم ماخلتني الف دبي كلها علي رجلي... غيرتني اكتر وعلمتني ان الحياه فيها حجات حلوه كتير.... بس دلوقت مفيش حاجه لصالحنا ابدا... شكلك مش مكتوبلك تعيش مبسوط يأدهم ... حتي مراد صاحبي واللي بعتبره اخويا مقدرش يفهمني ولا يقدر انا عملت كده ليه.... دلوقت لازم افكر في لين وبس واحاول ارجعلها كرامتها تاني .... كل ماتحس انك اترددت يأدهم افتكر انت بتعمل ده ليه....

مراد قعد رانا وقعد هو كمان قدامها وبدأ يتكلم بجديه...
مراد: اللي اقصده يارانا ان اكيد في حاجه ورا الجوازه دي وادهم مخبيها.... انتي لو بصيتي علي وش ادهم او طريقته اللي اتغيرت بالسرعه دي ... ده ده مش منظر واحد هيتجوز يلي بيحبها ولا داخل علي جواز.... طول عمر ادهم مبيحبش الكأبه ولا بيحب يبقي منعزل عن الناس ... اكيد في حاجه ...
رانا فكرت شويه في كلام مراد وفكرت ازاي ممكن حد يتغير بين يوم وليله فعلا ... اكيد في حاجه....
رانا: طب واحنا ايه يلي نقدر نعمله يامراد؟؟
مراد: احنا لازم نتعاون ونقدر نعرف ايه السبب يلي هيخلي ادهم يتجوز لين...
رانا: طب انا في حاجه مش فاهماها... انت ايه اللي مخليك مضايق اوي كده انه عاوز يتجوز لين ؟؟
مراد: لأن لين مش مناسبه لأدهم خالص يارانا .. لين انا عارفها كويس هيا عمرها مافكرت في اي حاجه غير الفلوس ... وهيا علطول بتحاول تقرب من ادهم بسبب كده.... فا بديهياً ان لين تكون عاوزه تتجوز ادهم علشان فلوسه .. وده شئ انا مقبلهوش علي اخويا ابداً...
رانا: طب واشمعني انا ؟؟ ليه عاوزني انا اساعدك مع اني مباقليش كتير هنا في الشركة ؟؟؟... ومبقاليش يامه متعرفه عليك انت وادهم...
مراد بأبتسامه: انا عندي نظرة علي الناس ... وخبرة كمان ... انتي باين عليكي بنت ناس ومبتحبيش تإذي حد ... وكمان بتحبي ادهم وده كفايه....
رانا: طب افرض هو مكانش بيحبني يامراد. ... اكون انا جازفت كده علي الفاضي؟؟؟
مراد: ازززاي ممبيحبكيش ؟؟ ده كفايه المعامله المميزه يلي بيعاملهالك دوناً عن الشركة كلها .... ولا انه اختارك تروحي معاه في سفرية دبي مع انك كنتي لسه مبتدأه هو كان ممكن يخليني اروح معاه انا زي كل مره او اوي حد بس لاا.. اختارك انتي ... بقي ده اذا مكانش اسمه حب يبقي اسمه ايه؟؟؟ معاملته ليكي مميزه جدا يارانا مع انه مكانش يعرفك من زمان ده حتي انا بدأت اغير منك ....
رانا ضحكت علي كلام مراد بس لقت ان معاه حق فعلا ....
مراد: ها قولتي ايه موافقه يارانا؟؟
رانا:......

انتها البارت الثالث عشر....

توقعتكو واتمني البارت يعجبكو ❤....