الوعد

البارت الثلاثون والاخير

الساعه جت 8  وجه معاد التسليم ورانا وصلت ومعاها الفلوس وخالد كان مستنيها وهو مغطي وشه...
رانا: اانا جبتلك الفلوس زي ماتفقنا...
خالد: والدليل معايا زي ماتفقنا برضو ...
رانا: اشوفه الاول ..
خالد طلع تليفونه ووراها الفديو الاصلي اللي اخده من لين قبل كده واللي واضح فيه كل اللي لين عملته علشان تخلي ادهم يقرب منها...
رانا كانت مبسوطه جدا لان فعلا  طلع معاه دليل ودليل قوي كمان...
خالد: هتفضلي مبتسمه كده كتير اديني الفلوس يلا...
رانا كانت لسه هتديه الفلوس  بس فجأه لقت عربيه كبيره جت وخطفتها هيا وخالد ....

ادهم كان اخد لين وكان بيوصلها علي بيتها بعد مارجعت من المستشفي...
لين: متتصورش يادهم قد ايه الحقنه دي وجعاني اووي يعني كان له لزوم التحليل ده يلي عملته امبارح؟؟
ادهم: طبعا يالي لي مسمعتيش الدكتوره قالت انه ضروري علشان نطمن علي صحه الجنين...
لين: ايوه ياحبيبي بس...
لين تليفونها رن وردت عليه....
لين: طيب تمام اانا في الطريق اهو شوبه وهوصل بااي...
ادهم: مين ده؟؟
لين: اااا دي ماما بتطمن عليا وبتسألني هوصل امتي...
ادهم: امم ماشي...
ادهم وصل لين علي بيتها ورجع هو وجاله تليفون برضو وهو في الطريق...
ادهم: ايوه يامراد....

رانا فاقت ولقت نفسها قاعده علي كرسي ومربوطه وقدامها 3 رجاله من العصابه وخالد كان مربوط قريب منها برضو...
رانا بخوف: ااانتو ميين وخطفتونا ليه؟؟
راجل 1: دي اوامر متوجهلنا ....
خالد: اوامر من مين ؟؟
راجل2: منقدرش نقولكو اي حاجه قبل مالريس يجي فافضلو ساكتين احسن ....
لين: والريس وصل ياحلوين....
خاالد: لين؟؟؟
رانا: اتوقعت كده مفيش غيرك ممكن ينزل للمستوي ده....
لين راحت قدام رانا واتكلمت وهيا مبتسمه...
لين: شكرا علي مدحك ده ... بس انا مش جايباكي هنا علشان تمدحيني انا جايباكي علشان اخد الدليل يلي دودي كان عاوز يديهولك مش كده يادودي؟؟
خالد: مستحيل اديهولك يالين...
لين: لالالا انا مفيش حاجه عندي اسمها مستحيل ...
لين شاورت لواحد من الرجاله بتوعها وهو ادالها تليفون خالد....
لين: اظن ان ده تليفونك اللي عليه الفديو الاصلي مش كده؟.
رانا: اانتي لليييه بتعمللي كلل ده معقوله للدرجه دي معندكيش قلب عاوزه تلبسي لادهم ولد مش ابنه علشان خاطر مصلحتك وبس؟؟
لين: علشان مصلحتي مستعده اعمل اي حاجه ومش بس علشان مصلحتي وكمان علشان اوريكي قيمتك ياحلوه...
رانا: صدقييني اناا لو مكنتش مربوطه بس كنت لخبطتلك وشك اللي شبه الثعابين ده ...
لين: حلو ان الانسان يعوز يطلع غضبه اللي موجود جواه وبالاخص لما ميكونش في امل انه ينتصر...
خالد: كنتي بتراقبينا مش كده؟؟
لين: انااا؟؟ بقي انا اراقبكم برضو لالالالا حراام تظلمني مش انا يلي كنت براقبكم رجالتي هما اللي كانو بيراقبوكو وهما نفسهم يلي جابولي الفيديو ده وطبعا ال2مليون بقو من نصيبي كمان...
رانا: انتي مفكره انك علشان خطفتيني يبقي كده انتصرتي ؟؟ ادهم اكيد لو عرف اني مخطوفه مش هيسكت وهيلاقيني...
لين ضحكت جاامد والرجاله كمان ضحكو وراها..
لين: من كل عقلك مفكره ان ادهم اصلا سائل فيكي؟؟ خلاص ياحلوه ادهم نسااكي  وعايش حياه تانيه انتي لوحدك دلوقت ويؤسفنياني اقولك انك هتموتي هنا....
لين طلعت مسدس وصوبته علي رانا...
خالد: لللين انتي هتعملي ايه متتهوريش ....
لين: مش بتهور خاالص بالعكس ده اكتر قراار صح هخده في حياتي ...
لين رفعت صمام الامان واستعدت انها تضرب الرصاصه في اتجاه رانا و رانا غمضت بقوه وهيا خايفه جدا وتوقعت فعلا ان دي النهايه خلاص ....
في لمح البصر المسدس وقع علي الارض ولين اتفاجئت من اللي حصل وبصت  لقت ادهم وراها...
ادهم: معاكي حق دي هتكون اكتر حاجه صح تعمليها في حياتك...
مراد وحياه دخلو مع البوليس وحاله صدمه وذهول مسيطره علي الكل...
لين: ااااا ادهم ااانت ازاي جيت هنا؟؟
ادهم: ايه مكنتيش عاوزه لعبتك تتكشف بقي مش كفايه كده ولا ايه..
الواضح انك محسبتيهاش صح ابدا يالين لاني مستحيل انسي رانا....
مراد للضابط: هيا دي ياباشا اتفضلو اقبضو عليها وعلي اللي معاها...
لين : هتسيبهم يقبضو علياا ياادهم هتسيبهم يدخلو ابنك السجن؟؟
ادهم: ده لاكان ولا هيكون ابني ابدا فااهمه...
البوليس راح ومسك لين والرجاله يلي معاها وادهم راح وفك رانا اللي كانت فرحانه لدرجه انها كانت بتعيط...
ادهم وهو بيمسح دموعها: قولتلك قبل كده دموعك اغلي حاجه عندي...
رانا: وحشتني اوي يادهم...
ادهم حضنها جامد وقالها في ودنها انه بيحبها...
خالد: طيب محدش هيفكني ولا ايه؟؟
مراد: جايلك اهو ..
مراد فك خالد وخالد شكره ولين وقفت البوليس...
لين: قبل مامشي انا عاوزه اعرف عرفتو مكاني منين وازاي قدرتو توصلولي ؟؟
ادهم وهو بيشاور لمراد: قولها ...
مراد: جيتلي في الحته اللي بحبها... الحكي.. فاكره الموظف اللي انتي كنتي معيناه يراقبنا  ويقولك كل اللي بنخطتله؟؟ اهو من ساعه ماجه وحط الملف اللي في المكتب وانا مش مرتحله الصراحه وقررت اراقبه لحد ما كنا قاعدين وبنتكلم عن اللي المفروض معاه الدليل ضدك اللي هو خالد ولاحظت وجوده وقفشنااه....
حياه: اكمل انا بقي... بعد مارانا مشيت انا ومراد خليناه يعترف انه شغال معاكي وبينقلك اللي بيحصل فاخليناه يتصل بيكي ويقولك علي اللي سمعه والمكان والمعاد ويديلك فكره انك تخطفيهم دي وانتي نفذتي الموضوع واحنا كنا موجودين وقتها ومراقبين كل حاجه ومستنينك تخطفيهم علشاان...
مراد: علشان الخطف يعتبر جرييمه وتتحبسي بالتهمه دي وتنولي جزاتك ...
وبعد ماخطفتيهم انقسمت انا وحياه لفريقين...
حياه: ودي كانت وظيفتي...
حياه طلعت من شنطتها ظرف وادته للين...
ادهم: معلش اقري بصوت عالي عاوزين نسمع...
لين بصدمه وخوف: ده تحليل دي ان اي بيقول ان...ان النتيجه سلبيه....
مراد: باالضبط كده وطبعا التحليل ده اتعمل من عينه دمك اللي الدكتوره اخدتها منك بحجه الفحص الطبي للجنين واخدو عينه من ادهم كمان... وهنا جه دوري وتراهنت انا وادهم اني هقدر اسبتله كذبك الليله دي واخليه يشوف بنفسه ...
ادهم: وبعد ما وصلتك علي البيت مراد اتصل بيا وبلغني ان رانا اتخطفت وساعتها عرفت من مين جاتلك المكالمه دي فا استنيتك لما اخدتي عربيتك ومشيت وراكي  ومراد وحياه جم مع البوليس علشان نوقفك ...
رانا: انتو عملتو كل ده وانا مخادتش بالي خالص طب ليه محدش قالي؟؟
حياه: كان لازم يبقي في اكشن واثاره في الموضوع اومال انتي عاوزه رجوعك انتي وادهم لبعض يبقي بالسهوله دي؟؟
رانا بصت لادهم بحب وسندت راسها علي صدره وقالت...
رانا: فعلا لازم يبقي في اثاره بس الاهم اننا رجعنا...
ادهم حاوطها وابتسم ولين كانت بتغلي ومقهوره من فشل خطتها ومن اللعبه االي اتعملت عليها...
مراد للبوليس: انتو لسه واقفين خدوها يلا معتقدش ان في حاجه تانيه هيا حابه تعرفها...
البوليس اخد لين وخالد كان واقف معاهم وطبعا محروج جدا من الموقف يلي هو فيه...
خالد: حابب اني اعتذر عن كل اللي عملته وقعت في فخ لين وقدرت انها تضحك عليا انا اسف جدا فعلا ...
ادهم راح عنده وحط ايده علي كتف خالد واتكلم...
خالد: لين ضحكت علينا كلنا وانا عاذرك مفيش داعي تعتذر...
خالد: متشكر جدا ليك يادهم انت فعلا طلعت انسان طيب جدا وبتمنالك انت ورانا حياه سعيده ان شاء الله... بالاذن منكو...

خالد مشي ومراد اتكلم
مراد: وكده كل حااجه اتظبطت ونهايه سعيده...
ادهم وهو بيغمزله: لسه مش كل حاجه اتظبطت...
حياه: ليه في ايه تاني وليه بتغمزله كده؟؟
رانا: اووووه انااا فهمت معقوله هيعملها..
ادهم: هشششش...
حياه: هيعمل ايه ياجماعه ماحد يفهمني؟؟
مراد: انا هفهمك هما ناس غريبه معرفش بيفكرو ازاي متاخديش في بالك... المهم....
مراد مره واحده طلع علبه صغيره من جيبه وركع علي رجل واحده قدام حياه وده خلاها تتفاجئ...
مراد: كنا علطول ثنائي جميل ومجنون في نفس الوقت صداقتنا الاول اتبنت واحنا بنحاول نرجع عصفورين الحب دول لبعض ودلوقت بعد مارجعو انا خايف تبعدي عني لاني ماصدقت لقيت واحده تفهمني وتفهم جنوني علشان كده سؤالي ليك يكون... هل تقبلين الزواج بي ياحياتي؟؟
حياه حبت جدا الكلام يلي قالهولها مراد واتبصتت لانها اخيرا لقت شريك حياتها وفي نفس الوقت صديق لايعوض فردت وقالت...
حياه بأبتسامه: نعم اقبل يامرادي...
ادهم ورانا سقفولهم ومراد لبسها الخاتم وباس ايديها وهيا قومته وحضنها بقوه..
ادهم اتسحب ووقف جنب رانا وهيا مكانتش واخدها بالها لانها كانت مندمجه اوي مع حياه ومراد.. وفجأه لقت ادهم مسك ايديها ولبسها خاتم في غايه الجمال وهمس جنبها...
ادهم: وانتي يافراشتي؟؟
رانا مسكت وشه بأديها واتكلمت
رانا بأبتسامه حب: مش موافقه...
ادهم بأبتسامه: بس انا موافق...(على صوته) علي اهل العرااايس...
مرااد: ايوووه بقي ههههه...

طبعا بعد كده ادهم ومراد اجتمعو مع اهل رانا وحياه وحددو معاد الفرح....

وانتها الباارت الااخير ....

**ترقبو الجزء الثاااني من روااايه الوعد قريبا**

مع تحيااتي سمسم ❤