الوعد

البارت الواحد والعشرون

ادهم اخد رانا علي مكتبه وقفل الباب ...
رانا: انت اخدتني ليه كنت سيبني اطلع الغل اللي جوايا... وبعدين تعلا هنا عشر ايام ايه دي يلي خصم هااا؟؟
ادهم: انا تقريبا لو كنت سبتك اكتر من كده كان زمانك جبتيها من شعرها وفرجتي الشركة كلها عليها...
رانا: ماهو ده يلي كان هيحصل فعلا...
ادهم: شوفتي بقي كان لازم الحقك ازاي انتي لازم تتحكمي في اعصابك شويه لولا انها تستاهل بس برضو...
رانا: طيب هحاول ... بس انت كمان حاول تبعدها عني بأي طريقه علشان مافقدش اعصابي...
ادهم: من عنيا يافراشتي...
رانا بصتله بأبتسامه خجل وعنيها جت في عينيه... ادهم فضل باصصلها وسرح في جمال عنيها اول مره يشوفها عن قرب كده شاف في عنيها مشاعر كتيره شاف طفله شقيه جواها وفي نفس الوقت شاف بنت خجوله وطيبه ...
حتي هيا حست كأن في حاجه مدفونه جوه عينه ومش عاوزها تطلع لاي حد ولا اي حد يقدر يشوفها رانا مسلمتش من سحره و لأول مره تشوفه فعلا حلو ووسيم زي ماكل البنات شايفاه ملقتش نفسها غير وهيا بتقرب منه ببطئ و بهدوء.... حتي هو كمان حس انه عايز يقرب منها اكتر واكتر ... عايز ياخدها في حضنه ويحضنها بكل قوته نفسه يتحرر بقي ويقولها علي كل اللي في قلبه نفسه ياخدها ويبعد عن كل العالم ويفضل هو وهيا وبس ..... من غير مشاكل ولا اي حااجه تبعدهم هو وهيا بس...

مراد وحياه فتحو الباب ولقوهم واقفين بالمنظر ده وبصو لبعض وهما مبتسمين....
حياه وهيا حاطه اديها علي بوقها: اااححمم...
ادهم ورانا انتبهو وبعدو بسرعه عن بعض ونظرات توتر وكسوف...
مراد: مش وقتكوا خالص ياعصافير الحب انتو عندنا شغل ...
ادهم: مرااد...
حياه: احنا جينا علشان نتفق علي خطوتنا اللي لازم نعملها .....
رانا: بس لازم نعملها  بسرعه لان الوقت مش في صالحنا خالص ...
مراد: ليه ايه اللي حصل جديد؟؟!
رانا بصت لادهم بنظره حزن وادهم اتكلم..
ادهم: الناهرده خطوبتي انا ولين...
حياه ومراد اتصدمو ومتوقعوش ان الخطوبه تحصل بالسرعه دي ومن غير مايكونو مخطتين لحاجه...
مراد: يبقي فعلا لازم نفكر نعمل اي حاجه علشان يكون معانا دليل ضد لين دي...
رانا: انا عندي فكره ياجماعه وحساها اكيد هتنجح بس محتاجه جهد شويه...
ادهم: ايه هيا؟؟
رانا: اتجمعو الاول...
ادهم: لازم نتجمع يعني مش هنتوه والصوت هيوصل متخافيش...
رانا بعناد: وانا بقي مش هعرف اشرح غير لما تتجمعو هاا..
مراد: خلاص يادهم خلينا نتجمع...
الاربعه اتجمعوه وعملو دايره ....
ادهم: ادينا اتجمعنا يا ستي اتفضلي اشرحيلنا....
رانا: بصو ... احنا لو قدرنا نوصل للفديو
هنقدر اكيد نوصل للفديو الاصلي اللي لين عملته...
حياه: لو قدرنا نوصل للفديو ده لازم نعرف الاول اذا كان محطوتله مؤثرات اضافيه علشان نعرف اذا كان في فديو اصلي ولا لأ...
ادهم: ممتاز فعلا نقطه ذكيه منك.. اا هو انتي كان اسمك ايه؟؟
حياه بأبتسامه كسوف: اسمي حياه...
مراد : معتقدش ان ده وقت تعارف خالص ...
ادهم غمزله بمعني انه فاهم الحوار ..
مراد: ادهمم خلاص...
ادهم : ماااشي..
رانا: هاا خلصتو كلام بالألغاز ولا لسه؟؟
ادهم: اه تمام اتفضلي ...
رانا: المهمه دي هتنطبق عليك يادهم انت لازم تحاول تجيب الفديو من لين بأي طريقه..
ادهم: تمام..
رانا: حياه انتي طبعا عارفه هتعملي ايه...
حياه: طبعا انا هشوف اذا كان في مؤثرات في الفديو ولا لأ وهفحصه...
رانا: بالضبط كده...
مراد: هو انتي بتفهمي في مجال البرمجه وكده؟؟
حياه: اه طبعا ده مجالي المفضل...
ادهم: وباين انك شاطره فيه فعلا ...
حياه : ميرسي...
مراد: وااانا بقي هتبقي شغلتي ايه في اللفه دي؟؟
رانا: انت يامراد هتحاول تخلي عينك علي لين وتعرف هيا بتفكر في ايه وايه الجديد بتاعها...
ادهم: طب وحضرتك بقي؟؟
رانا: وانا هحضر الخطوبه..
ادهم: بجد لازم اهنيكي علي الدور الفظيع يلي هتعمليه ده معرفش من غيره كانت الخطه هتنجح ازاي...
رانا: ايوه اتريق اتريق هو انا بعمل ده علشاني ؟؟ ده علشان نبقي كلنا علي تواصل مع بعض ونكون في حته واحده...

في موظف فتح الباب ولقاهم متجمعين بالشكل الغريب ده واستغرب جدا...
موظف: ااا أستاذ ادهم...
كلهم رفعو راسهم مره واحده وبعدو عن بعض...
ادهم: هي الشركة دي مبقاش فيها حد بيخبط الباب ولا ايه كله بيدخل اي مكان كده زي ماهو عايز...
الموظف: اسف ياستاذ بس الملف كان مستعجل ونسيت اخبط..

ادهم: خلاص مش مشكله حطه عندك...
مراد: لا استني شويه بس يادهم .. ملف ايه اللي مستعجل ده؟؟
الموظف بتوتر: ااا الملف ده...
مراد: يااه ده الملف ده عليه حركات ياجدع...
حياه: خلاص يامراد محصلش حاجه...
الموظف حط الملف وطلع ومراد نظرة الشك مختفتش من علي وشه..
ادهم: بتفكر في ايه؟؟
مراد: مرتحتلهوش ....
رانا: خلاص عادي يعني الراجل نسي يخبط قمت شكيت فيه..
مراد: خلاص خلينا نرجع لموضوعنا احنا كده عرفنا كل حاجه وايه المطلوب ولازم ننفذ الليله...
حياه: بالضبط كده كل مانستعجل اكتر كل ماده جه في صالحنا اكتر...
رانا: تمام دلوقت يا حياه خلينا نروح نجهز علشان منتأخرش...
حياه ورانا طلعو ومراد فضل باصص لأدهم....
ادهم: خير ....

ونكمل المره الجايه...

انتها البارت الواحد والعشرون....

توقعتكو واتمني البارت يعجبكو ❤....